¹ Sawudi wa tambudila lufua luani. Mudina, mu lumbu kina nkuamusu zineni zi yantika kua dibundu dikala kuna Yelusalemi; ye min'kuikisi miakulu mi muangana ku ndambu Yuda ye ku ndambu Samaliya, kansi kazi ntuama ku. ² Bana bakala ba bazola Nzambi bazika Sitefanu ye batoma dila mudiambu di yani. ³ Kansi Saudi wutoma sala mambi ku dibundu; yani wuyenda nzo muna nzo ye tukisa bana bakala ye bana ba kentu, mu kubatula mu boloku. ⁴ Mu dina, minkuikisi ba bamuangana bakesi kuendanga mu kusamuna n'samu mboti. ⁵ Filipu wa kulumuka ku mbansa Samaliya ye watela n'samu Klistu. ⁶ Mu ntangu bi buka bawa ye bamona bisinsu bisala Filipu, balekila minu mu ma kesi tanga. ⁷ Bantu bambidi bakala ye mpefi zi mbi babaka lusalusu ye mpefi zimbi mutuka mu lawu zikaya kaya ku ngolu; Ma koka ye ba bakala ye bifu munitu babeluka. ⁸ Ye kiesi ki ngolu kikala muna mbansa yina. ¹¹ Kansi mukala muna mbansa yina muntu mosi nkumu ani Simoni, wukala ndoki; wutoma yitukisanga besi Samaliya, ye wukesi kisonganga muntu neni. ⁹ Besi Samaliya bakulu, tuka baleki ye ba mbuta ba kesi wilanga kibeni; bakesi samunanga :" Muntu yoyu widi ngolu zi Nzambi,(yu tubokilang nde Mbuta). ¹⁰ Bakesi ku m'wilanga, kadi yani wukesi ku bayitukisanga ntngu zi mbidi mu kindoki kiani. ¹⁴ Bubu mu ntangu zi ntumu zikala ku Yelusalemi bawa nde besi Samaliya batambueledi mambu ma Nzabi, buna ba bafidisa Petelu ye Yowani. ¹⁵ Mu ntangu bantumu bakuma, bawu ba basambidila mpasi nde ba baka mpefi ya nlongu. ¹⁶ Kadi na te ye mu ntangu yina, mpefi ya nlongu kayi kikulumukinakuku bawu; bawu ba baka kaka mbotokulu mu nkumbu yi Mfumu Yesu. ¹⁷ Buna Petelu ye Yowani ba batula moku ye bawu ba baka mpefi ya nlongu. ¹⁸ Mu ntangu Simoni kamona nde mpefi ya nlongu yi ganuanga ku muntululu yi moku ma zi ntumu, yani wu bagana mbongu. ¹⁹ Ye wu batela :" Lungana diaka monu ngolu zozu mpasi nde konsu muntu yu si yi ntensika moku yani kabaka mpefi ya nlongu." ²⁰ Kansi Petelu wugana mvutu :"Bika mbongu zaku zifukila ye ngeyi mosi, kadi ngeyi zoledi baka nlemfu Nzambi mu mbongu. ²¹ Ngeyi kuena ye ndandu ku kani m'funu mu mambu momu; kadi ntima aku kawena wusingama ku ga ntuala Nzambi. ²² Viluka mu ngansi zi ntima aku ye sambila Mfumu, mpasi ngatu lendi kufuila kiadi mu nkalulu zi mbi zi ntima aku. ²³ Kadi mbueni nde ngeyi wena mundikidila yi nkadi ye mu kimvuka kia masumu. ²⁴ Simoni wubatela :" Lusambila Mfumu mudiambu di munu, mpasi vo makulu ma lutedi mu diambu di munu ka manduakila ku. ²⁵ Ntangu Petelu ye Yowani bata kimbangi ye bagoga mambu ma nsangu zi mboti zi Mfumu, bawu bavutuka kuna Yelusalemi; mu nzila, ba longila n'samu mboti mu ma gata mambidi ma ba Samalita. ²⁶ Bubu mbasi Mfumu yigoga kua Filipu ye yita :"Telama ye nda wenda ku ndambu Sude mu nzila Yelusalemi ye Gaza. "Nzila yina yena mu nsi nkatu." ²⁷ Yani wutelama ye wuyenda. Tala kuna kuma kukala muisi Etiopia ye mfumu neni yi Kandayi, n'tinu n'kentu wubesi Etipia. Yani wakala mfumu kimvuama kiani kiakulu. Yani wukesi kuendanga ku Yelusalemi mu kusambila. ²⁸ Bu kakesi vutukanga, wuvonda ga ntandu mpunda ye bu kakesi tanganga n'kanda Yesaya. ²⁹ Mpefi yi ta ku Filupu :" Nda wenda ye lukala kintuadi ye mpunda yoyu." ³⁰ Buna Filipu wulemuka lukufi ye yani ye wuwa bu kakesi tanganga n'kanda Yesaya ntumua ye tedi :"Keti tazaya ma weti tanga?" ³¹ Muisi Etiopia wa vutula :" Bueyi mfueti zayila, vo ka mu lusadusu lu muntu kue ?" Yani wa bombidila Filipu bakala fulu kimosi ye kavuanda ye yani mu kalu." ³² Mambu ma Nzambi ka kesi tanganga muisi Etiopia yi ma :" Yani wunatua bonsu mei ku lufua; ye bonsu muana memi wudingalala ga ntuala muntu ta kun'zenga mika, yani kazibula nua ku. ³³ Mu kiadi kiani ye m'fundusu ani, yani wazangulua. Nani lnda katula mbandu ani? Kadi luzingu luani batukisa lo mu n'totu." ³⁴ Buna muisi Etiopia wayufula kua Filipu :" Yi buyufuedi, nani ka tagoyila m'bikudi? Mu yani kibeni kani vo mu muntu n'kaka?'' ³⁵ Filipu wugana mvutu, wuyantikila mu kibuku ki n'kanda Yesaya, kunia wun'longila mudiambu di Yesu. ³⁶ Mu ntangu bakesi kuendanga, bakumini ga ndambu bulu di masa; muisi Etiopia tedi :"Tala, masa mena gaga; nki kima kifueti ku kanga mpasi vo yi botama ?" ^{37 38} Muisi Etiopia wuzayisa mpasi vo batelama, kunima bakulumuka mu masa, Filipu ye muisi Etiopia, ye Filipu wa m'botika. ³⁹ Mu ntangu katuka mu masa, mpefi yi mfumu nata Filipu ye muisi Etiopia kamona diaka ku, kansi yani wa yangalala ye wutatamana nzila ani. ⁴⁰ Kansi Filipu wakuma kuna Azoti. Yani wuluta nlambu wuna ye wulongila nsamu mboti mu mbansa zakulu nate ye kuna Kayisaliya.