³⁵ Mose yo bakesi getanga, mu ntangu ka ta :"Nani wukusidi mfumu kani mfundisi?" Yi yuna Nzambi kafila bonsu mfumu ye nkudi. Nzambi wumfila ga koku kua mbasi yi monika kua Mose mu nlaku tiya. ³⁶ Mose wabatukisa ku nsi Ngipiti, bu kasala bidimbu ye bimangu ku Ngipiti ye kuna m'bu wa mbuabi ye muna nsi nkatu mu m'vu makuma ya. ³⁷ Yi yani Mose yuna wazayisa kua besi Isayeli :"Nzambi si katedimisa mu diambu di benu m'bikudi ga kati ki ba mpangi benu, m'bikudi wena bonsu munu. ⁴¹ Buna bawu bagana n'kayilu wa muana ngombi ye bayoka yo mu gana n'kayilu kua kiteki, ye bawu bayangalala mu diambu kisalu kia moku mawu. ⁴² Kansi Nzambi wa bateka nima ye wabayambula mu sambidila miesi mi zulu; kadi buna busonama mu n'kanda wa mim'bikudi :"Benu lua mgeni mbisi zi lua zenga nsingu ye min'kayilu mu makuma ya a m'vu mu nsi ya nkatu, besi nzo ya Isayeli? ⁴³ Benu lutambuluedi nzo ya Moloki; ye miesi mi Nzambi yi Lefani, bifuanusu bi lua yidika mpasi nde lusambidilanga :Bubu mono si ya lunata kuna nima Babiloni." ⁴⁴ Ma se metu bakala ye nzo ya kimbangi mu nsi ya nkatu, bonsu Nzambi ka batumina mu ntangu bagoga kua Mosi, vo kafueti yo yidika landila kifuani kina kamona. ⁴⁵ Ye yina ma se metu, mu nzietuluawu, banata ku nsi ya nsilulu ye Yosua. Mana mayisa mu ntangu ba baka n'totu wu bantu ba kakula Nzambi landila nduakulu ma se metu. Yi buna bukala na te ye mu bilubu bia Davidi. ⁴⁶ Yu wabaka nlemfu kua Nzambi; ye wa lomba mpasi nde nzo ya Nzambi yi tungama mu diambu di Nzambi Yakobi. ⁴⁷ Kansi Salumoni watunga nzo mu diambu di Nzambi. ⁴⁸ Kala buna Nzambi tulendu ka kalanga mu zi nzo batunga mu moku ku; bonsu bua ta m'bikudi. ⁴⁹ "Zulu yi kiandu kiamu ye n'totu yi ndiatulu malu mamu. Nki mpila nzo lulendi ku ntungila benue? butedi Mfumu,"kueyi kuena fulu kiami ki mfundulu? ⁵⁰ Ka luzeyiku nde koku kuamu kuyidika bia biobi biakulu? ⁵¹ Muntu wa nsingu ngolu ye wukondu zengua mu ntima ani ye mu akutu mani, benu ka lukuikilanga Mpefi ya nlongu mu ntangu zakulu; Benu lusalanga bonsu ma se menu bakesi salenga. ⁵² Nani mu mim'bikudi ma se menu ka bakuamisaku? Bawu bagonda mim'bikudi mia yisa kuntuala wa yuna wumosi wu lunungu; ye bubu diaka, benu mpi lukumini ba n'yekuedi ye mi n'gondi. ⁵³ Benu lua baka n'siku kua zimbasi, kansi ka lulunda mioku." ⁵⁴ Mu ntangu ba nzonzi ba wa mambu mana, ntima miawu mi luala, ye bakuetisa menu mawu mudiambu di Sitefanu. ⁵⁵ Kansi yani, bu kafuk ku Mpefi ya nlongu, wa tadidila kuzulu ye wa mona n'kembu Nzambi. Yani wa mona Yesu wa telama ku koku ku kitata kua Nzambi. ⁵⁶ Sitefanu wata :"Lutala, munu mbueni mazulu mazibukidi, ye Muana Muntu telemeni ku kkoku ku kitata ki Nzambi" ⁵⁹ Ntangu bakesi zubanga matadi ku Sitefanu, yani wukesi lombanga kua Mfumu mu kuta :"Mfumu Yesu, baka moyu amu. ⁶⁰ Mu ntangu ka fukama wukaya mu ndinga ngolu:"Mfumu, ku batudila masumu ku. Bu kamanisa goga mana, yani waleka."