¹ Ago'mango aderhaga kurhuyimangire e Yitaliya, bahana Paulo n'abandi banya mugozi em'omukulu jiliyusi. ² Rhwashon'omu nkuge ye Adramita, yalikwanen'eger'omu Aziya, Rhwanagenda rhuli haguma na Aristarke, e Makedoniya y'eTesalonika. ³ Omu lusiku lukulikire, rhwahika esidoniya haguma na Jiliyusi, mulanzi murhimanya wa Paulo, amubwira genda olamuse berabawe n'okuchibukisa. ⁴ Aja eyomunda, rhwaber'okuchizimba ch'e Shipure bul'omulaba gwali lugire. ⁵ Omu kurheng'omu nyanja nene Yesilisiya n'Empanfiliya, rhwanagerer'eyo mund' eMiriya omu Lisiya. ⁶ N'ahola, mukulu w'enfola miherho aber'abon'eyo nkuge ye Alegizandre yaj'eYitaliya, arhuhirhamo. ⁷ Siku zinene rhwalilambagire bunyibunyi, kulakuba ebibazo byaluga charhumz rhurhahik'Ekeretiya emund'omulaba gwarhuchikiriza. Rhwagera oku chizimba ch'e kretiya, olunda lw'echizimba che Salmoni. ⁸ Rhwaj'eyo omu malibuko, rhwanahik'omu chihugo chihamagerwe nsiko nyinja, haguma n'aho haliri chizungu ch'e Laziya. ⁹ Hagera kashanji kanene, olugenzi lwabiha bwenene, n'esiku z'okuchihanz'okulya n'okunywa zaliri zamagera. Checharhumaga Paulo abwir'abandi, ¹⁰ aderha: Ego, balume mubwene ok'olugenzi lurhankahwa buzira ngorane y'okuhez'ebintu, Eri birhanali bintu byonine changw'enkuge, s'aliko n'oku bantu berhu. ¹¹ Omukulu w'enfuola miherho egana ayunviriz'omurhegesi w'enkuge na nin'enkuge aliri kuyunviriz'emyazi ya Paulo. ¹² Nk'okw'esiko erhaliri nyinja kula kuba mango g'emboho, bahanulana bagende yi bagaligera Efoyiniki , kabyakagalikana. N'okuber'eyomunda omu mango g'emboho nsiko y'e Keretiya, Ekarhongo n'emalambo, n'ebushoshokero bw'ezuba. ¹³ Mpusi ngeke y'ekarhongo yalonzigera n'oku chigwarha nka mwigiriz'oku bilala Namahang'arheganyize, yakul'enanga, yayi shunik'okuchizimba ch'Ekreti. ¹⁴ S'alik'omu siku zayinja, omuhusi gukalihire gw'enkundula, gwaj'oku chizimba. ¹⁵ Enkuge ya genda buzira kulaga n'omulaba, enkuge yasharhuka eri rhurhazihik'eshi. ¹⁶ Rhwager'elugulu lw'echizimba chihamagalwa Kauda, Rhwaba n'echibazo nkecho chahikira abantu be Shalupa. ¹⁷ Omu kumala kuyerekez'eshi rhwakoles'eyo nkuge nkanjira y'omuka, n'omu buba bokurhoger'omunyanja n'oku Sirti, n'okuchihamiriza echintakabona kw'echimenyiso. ¹⁸ Kubinali rhwaleka okuhekwa n'omulaba rhwabaga rhwaluhire bwenen'enyanya z'omulaba, omu lusiku lurhanzi lw'eboso, rhwakabul'ebintu omu nyanja ¹⁹ N'olusiku lwakasharhu, rhwaroha ebikoleso by'enkuge n'amaboko gerhu rhwenyine. ²⁰ Ezuba n'Enyenyezi zamala siku zinene zirhaboneka, omulaba gwali gunene kuger'omukachanji rhwahez'obulangalire b'okuchunguka . ²¹ Rhwamala siku zinene buzira kulya, Paulo ayumang'ahagarhi kabo ababwira: munyunvirize, murhajag'Ekereti; yimurhahez'akalamu kenyu. ²² Hanaho, mbabwirire mube n'obushiru bulala ntamuguma wenyu nji wahera, s'aliko Enkuge yonyine yehere. ²³ Malayika wa Nyakasani nkolera ampulukira mw'obo budufu, ²⁴ Amambwira: Paulo, orhayubahaga ,bihemere oje lubanja na Kayizari, lolaga, Nyamuzinda aguhere aba boshi olihaguma nabo. ²⁵ Chochirhumire,mwabo balume mube n'obwemere bulala nchinihire Nyamuzinda okunja hikiriza ebyambwiraga. ²⁶ Aliko mumanye oku rhwakabulwa oku chizimba chiguma. ²⁷ Omu budufu bw'olusiku lw'ekumi na kane rhwahekwa n'omulaba eyi neyi omu nyanja y'Adriya, balala bakola omu marho, ahagarhi k'obudufu bamanya mpu bakala balihofi n'eshi. ²⁸ Bashinga omupondo omu nyanja babona ntambu makumyabiri; hale hityu bashubigukabula babona ntambu ekumi n'erhano. ²⁹ Omu kuyubaha okukabulwa oku ntaza bakabula Nanga ene enyuma y'enkunge, balema bahuna baling'obuche buyinje duba. ³⁰ Aliko, balala bakol'omumarho balonza balibirhe kurheng'omu nkuge, bashonda bahir'emipond'omu nyanja omukulonza bakweb'enanga omu nyanja. ³¹ Paulo abwira omukulu w'Enfola miherho egana n'ezindi nfola miherho: nka balume barhaberer'omu nkuge barhankalama. ³² Hanaho, enfola miherho zach'enkoba zalishweker'enkuge baziroha. ³³ Embere buche Paulo abwira boshi balir'omu nkuge aderha: zene l'olusiku lw'ekumi na kane mwalingaga, n'okuchibuza kulya. ³⁴ Mbabwirire mugende murhole Ebiryo bulala biri byabulagirir'enyanya z'obuchunguke bwenyu ntaluviri lwenyu lwahera. ³⁵ Omu kuderha ntya, arhola omugati; agugisha, aguchamo, barhonder'okulya. ³⁶ Boshi bashagaluka boshi, balya ebiryo. ³⁷ Rhwaliri omu nkuge bantu magana mabiri na makumi galimushanvu na ndarhu rhweshi haguma. ³⁸ Babere bajilya n'okuyugurha bayanguhya enkuge omu kukabula engano omu nyanja. ³⁹ Bwabere bwacha, barhanamenyaga habaliri, alik'omu kulangir'akabanda n'ensiko y'amarho, babona kubashunike ye nkuge, nkabyakagalikana. ⁴⁰ Bashwekula enanga bayileka egende omu nyanja, bamanika echitambara omu kulonza oburhabale, barha nachikulikiraga amarhegeko gabakulu babo. ⁴¹ Bashimana olusharhe enkuge yananiraho bwenene emulemo n'obwerekeza bwachika enyanya ly'omulaba gukomere. ⁴² Enfola miherho bashonda kushonda kuyirh'abashwekwa yi barhafuma omu kuyoga. ⁴³ Alik'omwimangizi w'enkuge, alonz'achungule Paulo omu kubahanza barhayirhag'abo bantu, Abwir'abayinji yoga bachikabule barhoger'omu menji bayoger'eshi, ⁴⁴ N'abandi bayoger'oku mbaho chwangw'okumbaba z'enkuge na boshi bager'eshi bagumaguma.