¹ Nyono Paulo mbahemere omu bwirhonzi n'omu bwinja bwa Kristu, nyono mwirhonzi omu kubonekana nkandi hagarhi kenyu na nyunjwir'obushiru emunda muli n'eyinakaba hale nenyu. ² Mbahemere hano nji mbaho, nji murhansezaga kulibirhira n'omunihiro gw'obushiru, inchinihiriz'omu kukolesa enyanya zabaguma omu bo, barhulola nka rhulambagir'omu nyigirizo z'omubiri. ³ Bulala eyi rhwakalambagir'omu mubiri aliko rhurhajir'ebirha nka bya mubiri. ⁴ Bulal' emiherho rhugwerhe y'okulwisa erhali ya mubiri; s'alikw'eherh'emisi omu Nyakasani, omu kukumbagaza enyumbake z'omwanzi. ⁵ Rhwanakumbagaza enganiza na ngasi chintu ch'elugulu chizamwirwe enyanya z'obumanyi bwa Nyamuzinda, rhukaheba ngasi nganiza omu buja bwa Kristu. 6 Rhukachirheganya okuchiholer'amabi goshi, amango obukenge bwenyu bwamahikirira. ⁷ Mulole, ebiri emalanga genyu! nka mugum'achiyemez'okwali wa Kristu, aganize ogu mwazi omu murhima gwage: okwali wa Kristu; nerhu ntyo rhuli ba Kristu. ⁸ Nka nankachibona hityu bwenene omu bukulu Nahano arhuher'omu kubayumbaka, s'arhali omu kubashanda, ntakabon'eshoni. ⁹ Ntabonekanaga nk'owalonz'oku bayubohesa mwab'omu maruba gani. ¹⁰ bulala baderhe: okw'amaruba gage gaba gakalihire gana komere; s'aliko yenin'ali hano omu mubiri, arhaherh'emisi, n'echinwa chage chirhakengerwe. ¹¹ N'ogwerh'aderha nk'oku, abirhole nk'oku rhuli omu binwa omu maruba gerhu; amango rhurhaliho; intyo kurhunali omu bijiro byerhu amango rhuliho. ¹² chiro rhurhakageza changw'oku chishushanya nabaguma mubalala bachihiraga bonyine. s'aliko bager'olugero lwabo bonine n'oku chishushanya bonine, babul'obwenge. ¹³ Oku rhwabo, rhurhalonziz'oku chih'obukuze kulush'olugero; nji rhwarhola, arhalintyo, oku lugero l'olubibi l'obugabane Nyamuzinda arhuhere, oku bulyo rhwankabahikira. 14 Rhurhankarhaluka embibi zerhu, nka kulala rhunkabageko bulala kurhenga ku mwabo lirhulerher'emyazi y'obuholo ya Kristu. ¹⁵ Rhurhankachih'obukuze omu bijiro by'owindi; s'alik' omu bulangalire, nk'obwemere bwawe buyushukire bunakulire bwenene omu kagarhi kenyu kukulikirana n'olubibi rhwachiheberag'aho ¹⁶ n'okuyamagaz'omwazi kurhaluka emwenyu buzira kuchikuza n'ebyajirirwe omu mbibi rhwahebah'okubandi. ¹⁷ Wakachishinga, achishingire omu Nahano. ¹⁸ Bulala arhali olala ochilerha yenyine ye yemererwe s'aliko olala Nahano ahamagere .