¹ Fa gny tegnanareo da mafantatra, ralahy, fa fatongavanay tetoa aminarepo eto da tsy fôgna. ² Lalanareo fa taloa da nijaly sady nalaina baraka tagny Filipy iay. Iay da sahy tao amy Zagnahary izaka taminareo gny filazantsarany Zagnahary tao agnatiny gny fagnoerana zakabe. ³ Satria gny fagnanarana da tsy avy tamy gny fadisoana, ndre avy tamy gny falotona, ndre avy tamy gny fitaka. ⁴ Nefa koza, araka gny nekeny Zagnahary anay mba atokisana amy gny filazantsara, laha zany da mizaka iay. Mizaka iay, tsy apijaly gn`olo, fa ampifaly any Zagnahary. Izy gny mafantatra gny fonay. <sup>5</sup> Satria tsy da nampiasa ndre ovena ndre ovena gny teny fandokafana iay, laha gny fantanareo, ndre koa ho fialana tsigny amy gny fagniriana, satria zagnahary gny vavolombelognanay. <sup>6</sup> Ndre koa nikatsaky gny voninaitra avy amy gny olo iay, ndre koa avy aminareo ndre avy amindreo hafa. Iay da afaka nitaky gny tombotsoa ôtrany gn`apostoliny Kristy io. ⁷ Fa koza, iay da tsotra taminareo ôtrany mankahery gny zanakany naterakany io. [Fagnamarignana: Gny dikany teny hafa sanany da tognonina ôtranizao: "Fa koza, iay da ôtrany zaza kidika taminareo, laha efa mankahery gny zanakany nateraky gn`endriny."] <sup>8</sup> Da ôtranizany gny nanagnanay fitiavana ho anareo. Faly iay mizara aminareo, tsy gny filazantsara any Zagnahary avao, fa gny fiaignanay raika avao koa. Satria anareo da lasa sakezanay tokôtry. <sup>9</sup> Satria tsaronareo, ralahy, gn`asanay da gny fikirizanay. Atoandro sy aligna gny nesanay mba tsy afanay mampitondra mavesatra gny raika aminareo. Nandritry zany fotôgna zany, da nagnambara gny filazantsarany Zagnahary taminareo iay. ¹⁰ Anareo gny vavolombelogna, sady Zagnahary avao koa, fa masina, da marina, sady tsy managna tsigny gny fitondran-tegnanay taminareo zay mino. ¹¹ Akô zany avao koa da lalanareo hoe akô gny ataony gny raika amy gny zanakany naterakany, ¹² nengavy da nankahery sady nandrisika anareo iay mba andea amy gny fomba zay mendrika any Zagnahary, zay magnentso anareo ho amy gny fanjakana da gny voninaitra mitokana. ¹³ Da zany antony zany gn`isaoranay avao koa any Zagnahary fenzaifenzay. Fa anareo laha efa naazo avy taminay gn`afatry Zagnahary zay ragninareo, da nalainareo zanhy tsy ho ôtrany gny zakan`olo. Fa koza, nalainareo zany avy amizay marina, da gny zakany Zagnahary. Zany zaka zany avao koa gny miasa aminareo zay mino eo. <sup>14</sup> Satria anareo, ralahy, da lasa ôtrany gny fiangonany Zagnahary agny Jodia zay amy Jesosy Kristy. Fa anareo avao koa da nijaly tamin`io avao avy amy nataondreo miraika tanindrazagna aminareo, mitovy gny nahazo andreo koa avy amy nataony gny Jiosy taminazy. ¹⁵ Indreo Jiosy gny namono ndre any Jesosy Kristy ndre indreo mpaminagniny. Indreo Jiosy gny nandrôka anay. Tsy nagneky any Zagnahary indreo. Fa kozaa, indreo da favalony gn`olo aby. <sup>16</sup> Indreo da nandrara anay tsy izaka amindreo Jentilisa mba tsy amonjy andreo io. Avy amizany da mameno gny faotanany gny tegnany fenzay indreo. Gny fatezerana da tsy mentsy avy amindreo amy gny farany. <sup>17</sup> Tafiala taminareo iay, ralahy, nandritry gny fotôgna foika, tamy gny fagnatrena fa tsy tamy gny fo. Tena najoto be mintsy iay, nagniry mafy, gny ahita gny vatagnanareo. <sup>18</sup> Satria nagniry gny ho agny aminareo iay, iao, Paoly, matetika, nefany nibagna anay i Satana. <sup>19</sup> Fa ino zany gny fagnantenanay gny ho avy, ndre fifalina, ndre satro-boninaitry gny fandresena amy Jesosy Tompotsika amy gn`iaviany eo? Kaiky tsy anareo ôtrany gny sanany hafa koa kaiky? ²⁰ Fa anareo gny voninaitranay da fifalinay.