¹ Paoly, apostôlin'i Kristy Jesosy karaha ny didin'Andriamanitra mpamonjy antsika sy i Kristy Jesosy tokintsika, ² ho an'i Timoty, zanaka lahy marigna akô amin'ny finoàgna: Fahasoavagna, famindram-pô, ary fiadanagna avy amin'Andriamanitra Ray sy i Kristy Jesosy Tompontsika. ³ Karahà ny nangatahiko mafy ho atônà kôfa niala takô Makedonia zaho, mitoetra akô Efesosy mbô hahafahako mibaiko iré ôlogna sasany tsy hampianatra foto-pampianaragna hafa ⁴ Tsy tôkony hitandrigna iré tantara sy tetiaragna adihevitra fô tsy mpagnampy ny drafitr'Andriamanitra, zay amin'ny alalan'ny finoàgna. ⁵ Ary ny tanjon'ny didy de fitiavagna avy amin'ny fô madio, avy amin'ny feon'ny fieritreretagna tsara, ary avy amin'ny finoàgna tsy miatsaravelatsihy. ⁶ Ny ôlogna sasany de tsy nahatratra ny tanjogna ké niala tamin'iré raha iré ho agny amin'ny lahateny adaladala. ⁷ Zaré ré de ho mpampiana-dalagnà, kanéfa zaré ré tsy mahazo zay volagniny sy hizirizirinjaré ré. ⁸ Fô antsika de mahafantatra fô ny lalàna de tsara kô misy araika mampiasa ananjy amin'ny ara-dalagna. ⁹ Antsika de mahafantatra izégny, fô ny lalàgna de tsy natô ho an'ny ôlo-marigna, fô ho an'ny mpandika lalàgna sy ôlogna mpikomy, ¹⁰ ho an'iré ratsy fagnahy sy mpanota, ary ho an'iré andriamani-diso sy tsy masigna. Izégny de natô ho an'iré zay mamono ny papany sy mamany, ho an'ire mpamono ôlogna, ho an'ire ratsy fitondran-tegna ara-nôfo, ho an'ire sodemita, ho an'ire mpalaka an-keriny ôlogna bô ho andevozigna, ho an'ire mpandainga, ho an'ire vavolombelogna tsy marigna, ké na ino na ino hafa manôhitra ny fampianaragna mahatôky. ¹¹ Io fampianaragna io de mifagnaraka amin'ny filazantsaran'ny voninahitr'ilay Andriamanitra voàtahy zay nankinina taminahy. ¹² Isaorako i Kristy Jesosy Tompontsika. Nampahery anahy Izy, fô nataony mahatôky zaho, ké nanendry anahy ho amin'ny fanompoagna Izy. ¹³ Zaho de mpiteny ratsy, mpanenjika, ary lalahy mahery setra. Kanéfa nahazo famindram-pô zaho satrià tamin'ny tsy fahalalako no nanaovako izégny noho ny tsy finoàgna. ¹⁴ Fô ny fahasoavan'ny Tompontsika no nandrakotra tamin'ny finoagna sy fitiavagna zay akô amin'i Kristy Jesosy. ¹⁵ Zô afatra zô de azo atoka sy méndrika ny fanikegna jiaby, fô i Kristy Jesosy de tônga taketo an-tany hamonjy irè mpanota. Zaho no ratsy indrindra tamin'iré. ¹⁶ Fô noho izègny antony izégny no namindragna fô taminahy, mbô amin'ny alalako, ny mahaventy indrindra, i Kristy Jesosy de mety hampiseho ny faharetagna jiaby. Nagnano izégny Izy ho ôhatra ho an'ire zay magniry hatôky Ananjy ho an'ny fiainagna mandrakizay. Ary ho an'ny ¹⁷ mpanjakan'ny tôgno, tsy mety naty, tsy hita maso, ny Andriamanitra tôkana, ané ny laza sy voninahitra mandrakizay dorià. Amena. ¹⁸ Zô didy zô no amiako anà, Timoty, zanako, karahà irè faminaniagna natô momba anà tagny alôha, fô anà de mety hiady ny ady tsara, ¹⁹ ny fiazonagna ny finoàgna sy ny feon'ny fieritreretagna tsara. Tamin'ny fandavana izégny, misy ny nagnano sambo vaky ny finoàgnany. ²⁰ Karahà an'i Hymeneo sy Aleksandro, zay natôlotra ho an'i Satana mbô ampianarigna ananjy irè tsy hiteny ratsy.