¹ Aza mitsara de tsy hitsaraina anareo. ² Fa arakaraka ny fitsarana amboarinareo, ny hitsarana anareo, de amin'ny fandrefesana andrefesanareo, de handrefesana anareo my koa. ³ Nagnino anao na mijery ny potika taom-bary bitaka agnatin'ny mason'ny rahalahinao, nefa ny andry agnatin'ny masonao tsy hitanao? ⁴ Ino mahatonga anao hizaka ny rahalahinao hoe: 'Avilay zaho hangala ny potika taom-bary agnatin'ny masonao,' nefa mbola misy andry agnatin'ny masonao? ⁵ Ry mpetsaravelatsihy! Alay eky maloaka ny andry agnaty masonao, amin'izay hitanao tsara ndreka mangala ny potika taom-bary amin'ny mason'ny rahalahinao. ⁶ Aza omena amboa zegny masina, sady aza atsipy amin'ny lambo ny vatosoanareo. Sô de voditsakan'ny tongotran'iary zareo, Aveo de hifototra sady hamingavinga anareo amin'ny fahapoteana. ⁷ Mangataha, de omena anareo zany. Meragna, de hahita anareo. Dondogny, de hivoa ho anareo zany. ⁸ Fa ny marobe mangataka, de mahazo; ny marobe miaragna, de mahita; mban'ny olona mandondogna, de hovohaina. ⁹ Zovy aminareo, ndreka angatahin'ny zanagny mofo, no agnome vato an'azy? ¹⁰ Na ndreka nangatahiny laoka, de hagnome bibilava an'azy? ¹¹ Ka amin'izany, na de ratsy aza anareo de mahay magnome raha tsara hoan'ny zanakareo, tsy lehibe lavitra ambonin'izany ma ny raha tsara omen' Iabanareo zay agny an-danitra hoan'ny zegny mangataka amin'Azy? ¹² Amin'izany, na ino na ino raha tenareo hataon'olona amin'ny tegnanareo de tokony hagnano karan'izany amin'iary zareo my koa anareo, fa izany lalàna sy mpaminany. ¹³ Midira amin'ny vavahady tery. Agnona sady malalaka ny vavahady menga agny amin'ny fahaverezana, de maro ny olona mandeha agny. ¹⁴ Tery sady sarotra ny lalagna miditra menga agny amin'ny vavahady ny fiaignana, de vitsy ny mahita an'izany. ¹⁵ Mitandrema amin'ny mpaminany sandoka, zay magnatogna anareo amin'ny fisikinan'ondry nefa izy de amboadia tena mpandremby. ¹⁶ Avy amin'ny isiny no hafantaranareo an'azy io. Mambely voaloboka amin'ny fantsy ma ny olona va, na aviavy amin'ny tendrotendrony? ¹⁷ Mitovy amin'izany, ny kakazo tsara maro be de mamôka isiny tsara, fa ny kakazo ratsy de mamôka isiny ratsy. ¹⁸ Ny kakazo tsara de tsy afaka hagnome isiny ratsy, karan'izany my koa ny kakazo ratsy de tsy afaka hagnome isiny tsara. ¹⁹ Ny kakazo maro be zegny tsy magnome isiny tsara de ho tapaina sady hatsipy agnaty afo. ²⁰ Ka amin'izany, de ho fantatrareo amin'ny isiny iary zareo. ²¹ Tsy zegny mizaka Aminaha hoe: 'Tompo, Tompo,' de hiditra amin'ny fanjakan'ny lanitra, fa zegny magnano ny sitrapon'Iabako agny an-danitra my. ²² Maro olona hizaka Aminaha amin'ny andro zany hoe: 'Tompo, Tompo, ka tsy efa naminany tamin'ny agnaranao ma izahay, sady tsy efa nandrôka devoly tamin'ny agnaranao, de nagnano asa lehibe tamin'ny agnaranao? ²³ Aveo hizaka an'iary zareo sambemaso Izaho hoe: Tsy nafantatra anareo mihitsy Aho! Ka menga lavitra Anaha, a mpagnano ratsy!' ²⁴ Ka amin'izany, ny maro be zegny maregny ny raha zakaiko ka magneky an'izany de ho karan'ny olona kanty nagnano ny tragnony tegny ambon'ny vatolampy. ²⁵ Norana ny andro de nanjary nisy rano-be, sady nandrivotra be tamin'ny tragno, fa tsy lavo izany, satria namboarina tambony vatolampy. ²⁶ Ka zegny maregny ny raha zakaiko ka tsy magneky de karan'ny olona foka nagnano ny tragnony ambony fasina. ²⁷ Ka ndreka norana ny andro, de tonga ny rano-be, ka de nandrivotra mafy tamin'ny tragno, de rava izany, ka de tena ravana tanteraka. ²⁸ Ndreka avy nizaka an'io raha io Jesosy, de varena tamin'ny fampianarany ny fokonolona, ²⁹ satria nampianatra an'iary zareo kara ny olona managna fahefana Izy, fa tsy kara ny mpanora-dalanan'iary zareo.