¹ De tamin'ny alina ny Sabata, ndreka vô nanomboka mangiran-dratsy ny andro vôlohany amin'ny herinandro, de dila nandea nijery ny fasana Maria Magdalena izy amin'i Maria raika hafa. ² Igny, nisy horohoron-tany mafy be, fa ny anjelin'ny Tompo no nijotso avy agny an-dagnitra, tonga ka nanosika ny vato, sady nipetraka tambonin'zany. ³ Ny endrikany de ôtra ny tselatra, sady ny akanjony de fotsy kara ny oram-panala. ⁴ Natahotra iregny mpiambiana ka nanjary kara olo-maty. ⁵ Nikorana tamin'izy roy vavy i anjely igny ka nizaka tamin'iary zareo hoe: "Aza matahotra, fantatro fa miaragna an'i Jesôsy anareo, i nifantsihana tamin'ny hazofijaliana igny. ⁶ Tsy ato Izy, fa efa nitsangana, araka ny efa nizakany. Malaky aty jereo ma ny fandrena zay nandren'ny Tompo. ⁷ Mandiana malaky de zakay iregny mpianatrany hoe: 'Nitsangana tamin'ny maty Izy. Igny, efa nandea taloha anareo agny Galilia Izy. Agny ny hahitanareo an'Azy.' Izany, efa nizakaiko taminareo." ⁸ Nenga malaky ny fasagna tamin'ny avakana de tamin'ny hafalena leibe izy roy vavy, sady nihazakazaka mba hizaka amin'iregny mpianatrany. ⁹ Igny, nihaogna tamin'iary zareo Jesôsy ka nizaka hoe: "Akory!" Nagnatogna izy roy vavy, de nitana ny tongotrany sady nidera an'Azy. ¹⁰ De aveo Jesôsy nizaka tamin'iary zareo hoe: "Aza matahotra. Mandiana mizaka amin'iregny rahalahiko mba hiala ka handalo agny Galilia. Agny no hahitan'iary zareo Anaha." ¹¹ Raha mbola tan-dalàna igny izy roy vavy, igny, ny sanagny tamin'iary zareo mpiambina nandea tagny amin'ny tanàn-deibe sady nizaka tamin'ny lohan'ny mpisorogna ny raha marobe zay niseho. ¹² Ndreka nihaogna tamin'iregny lohan'ny mpisorogna ka nikorana mikasikan' ny olagna tamin'iary zareo, de nagnome vola be an'iregny miaramila iary zareo ¹³ sady nizaka an'iary zareo hoe: "Zakay amin'ny sanagny hoe: 'Tonga tamin'ny andro alina iregny mpianatr'i Jesôsy de nangalatra ny vatagny naha mbola nandry zahay.' ¹⁴ Ndreka tonga agny amin'ny governora zany tatitra zany, de handresy lahatra an'azy atsena ka hagnala ny ahiahy aminareo." ¹⁵ Ka de nalain'ny miaramila ny vola ka nagnano araka zay efa nagnirahana an'azy iary zareo. Ka zany tatitra zany de niparitaka tamin'iregny Jiosy sady mbola mitohy mandrak'izao aza. ¹⁶ Fa nandea tagny Galilia iregny mpianatra raika amin'ny folo, tagny amin'ny tendrombohitra zay efa natoron'i Jesôsy an'iary zareo. ¹⁷ Ndreka nahita an'Azy iary zareo, de nidera an'Azy, fa ny sanagny koza niahiahy. ¹⁸ Nagnatogna an'iary zareo Jesôsy ka nikorana tamin'iary zareo ka nizaka hoe: "Efa nomena Anaha ny fahefana marobe agny an-dagnitra de ety an-tany. ¹⁹ Ka mandiana de atôvy tonga mpianatrako ny firenena marobe. Amboary batisa izy iregny amin'i agnaran'ny Ray, ny Zanaka, de ny Fanahy Masina. ²⁰ Ampianaro izy iregny hagnatanteraka ny raha marobe zay nagnafarako anareo. Igny, miaraka aminareo fehizay Zaho, aika fa na hatramin'ny fahataperan'zao tontolo zao aza.