¹ Vô mandraigna ny andro, de nikendry raha hagnaratsena an'i Jesôsy mba hamonoana an'Azy iary zareo mpanora-dalana mban'ny mpisorona sady ny loholona marobe. ² Ny fatoran'iary zareo Izy, de taritina tagny ambelagny, de naterina tamin'i Pilato governora Izy. ³ I Jodasy, zay namadika an'Azy, Ndreka nahita fa vôheloka Jesôsy, de nivalo izy Ka nangerigna ny volafotsy telopolo tamin'ny leben'ny mpisorogna mban'ny loholona, ⁴ de nizaka izy hoe: "Nanota zahotamin'ny namadihako ny rà tsy man-tsigny. de nika iary zareo hoe: "Tsy ahoanay ino? Anao zany." ⁵ De natipiny tao an-tempoly ny volafotsy, de nenga sady nandea namono ny tegnany izy. ⁶ Ny leben'ny mpisorona nangala ny volafotsy de nizaka hoe: "Tsy azo atao ny magnano an'ity ao amin'ny fagnatsarizam-bola, satria vidin-drà ity. ⁷ Niara-nizaka ny olana iary zareo de nividianany tokontany tamin'ny mpagnano vilagny tanimanga ny vola mba hatao fandevegnam-bahiny. ⁸ De zany no atony nagnatsovana ny toerana hoe: "Toeran-Rà" hatram'izao ⁹ De tanteraka ny voazaka ny mpaminany Jeremia, nizaka hoe: Nangala ny volafotsy telopolo iary zareo, io no vidy nanombatombanan'ireo fokonolon'Israely an'Azy, ¹⁰ de iary zareo nagnome zany ho an'ny tokontan'ny mpagnano vilagny tanimanga, araka ny natoron'ny Tompo anaha." ¹¹ De Jesôsy nitsangana talohany governora, de nagnotany izy hoe: "Anao ma no mpanjaka ny jiosy va?" Jesôsy nnamaly azy hoe:,"Voazakanao." ¹² Ka dreka naratsen'ny leben'ny mpisorona mban'ny loholona Izy, de tsy namaly na ino na ino. ¹³ De nizaka tamin'ny Pilato hoe: Tsy regninao ma ny fagnaratsena marobe natao taminao a? ¹⁴ Fa tsy namaly nade zaka raika Izy, Varena be non'zany ny governora ¹⁵ Isakin'ny fety de fomban'ny governora ny mamôka gandra raika voafidin'ny fokonolana. ¹⁶ Tamin'ny fotôgna io, de nanagna gadra raika malaza ratsy natao hoe Barabasy iary zareo. ¹⁷ Nony zany ndreka niara-nivorovoro iary zareo, de nizaka Pilato tamin'iary zareo hoe: Iza no tenareo halefako hô anareo? Barabasy, sa Jesôsy zay atao hoe Kristy?" ¹⁸ Lalany fa nony fialognana no nagnomezan'iary zareo an'i Jesôsy tamin'azy. ¹⁹ Na nitometra tamin'ny seza ny fitsarana izy, de nizaka tamin'ny vadiny izy hoe: "Tsimanagna na ino na ino atao amin'ity lilahy tsy manatsigny ity aho. Fa malahelo be zaho niany tamin'ny nofy azoko momba an'Azy". ²⁰ De ny leben'ny mpisorona mban'ny loholona nandresy lahatra ny fokonolona mba hangataka an'i Barabasy, sady hampamono an'i Jesôsy. ²¹ Nangotany an'iary zareo ny Governora hoe: "Iza amin'iza roy no tenareo halefako ho anareo?" De nizaka iary zareo hoe: "Barabasy." ²² Pilato nizaka tamin'iary zareo hoe: Ino no tokony atôko amin'i Jesôsy zay atao hoe: Kristy?"Izy marobe namaly hoe: Fatsiho amin'ny hazofijalena Izy." ²³ De nizaka izy hoe: "Nagnino, Ino ny ratsy namboariny?" Fa vômaika iary zareo naresaka mafy hoe: "Fatsiho amin'ny hazofijalena Izy." ²⁴ Fa ndreka hitan'i Pilato fa tsy afaka hagnano na ino na ino izy, sady efa nanomboka naresaka zareo, de nangala rano izy, nanasa ny tangany tamasin'ny fokonolona, sady nagnano hoe: "Tsy voan-tsigny amin'ny ràn'ity lelahy tsy manan-tsigny ity zaho. Fa asanareo zany." ²⁵ Ny olona marobe nizaka hoe: " Ho aminay mban'ny zanakay anie ny ràny. ²⁶ De nalefany hoan'iary zareo Barabasy, ka nandraboka karavasy an'i Jesôsy izy de nangome an'azy ho fatsihina. ²⁷ Aveo ny miaramilan'ny governora de nangala an'i Jesôsy nandao tao an-ndapa sady nagnotrika ny miaramila marobe. ²⁸ Nangala ny lambany iary zareo de nampagnatao akanjo jaky an'Azy. ²⁹ De nagnamboatra satro-boninahitra fantsy iary zareo de nametaka an'zany tan-dohany, sady nametraka tangala tamin'ny tagnany ankavanana. Nandohalika takekiny azareo sady nagneso an'Azy, nizaka hoe: "Akory, ry mpanjakan'ny Jiosy!" ³⁰ Nandoran'iary zareo Izy, sady nalain'iary zareo ny tangala de namangovangoan'Azy tamin'ny lohany. ³¹ Ndreka avy nagnaraby Azy iary zareo, de nangala ny akanjo lavany sady nampagnatao an'Azy ny fitafeny, de nitondra an'Azy nivôka mba hamantsika an'Azy amin'ny hazofijalena. ³² Ndreka nivôka iary zareo, de naita lilay raika avy angy Syrena antsovana hoe Simona, zay notereny hangarakan'iary zareo mba hilanja ny hazofijaleny. ³³ Nandea amin'ny toerana atsoina hoe Golgota iary zareo, izay atao hoe "Toeranan'ny Karandoha." ³⁴ Nampinan'iary zareo divay mifangaro afero Izy. Ndreka nandramany zany, de tsy nihinagna Izy. ³⁵ Ndreka nofatsihin'iary zareo tamin'ny hazofijalena Izy, de nataon'iary zareo loka ny fitafeny, ³⁶ de nitometra iary zareo nijanogna niambogna an'Azy. ³⁷ Tambon'ny lohany no nagnapetrahan'izy reo ny soratra mizaka ny nagnaratsena an'Azy, zay mivaky hoe: ity no Jesôsy, mpanjakany Jiosy." ³⁸ Nisy dahalo roy nofantsihina niaraka tamin'Azy, ny raika tankavanany ny raika tankavia. ³⁹ Zay nandalo de nizakazaka an'Azy sady nagnifikifika ny lohany iary zareo ⁴⁰ de nizaka hoe: "Anao zay handrava ny fiangonana Ka hangano an'zany ndreka agnatin'ny teloandro, vonjeo ny tegnanao! Na zanak'Andriamanitra Enao, de mijotsoa tamin'ny hazofijalena!" ⁴¹ Kara ny zany koa ny leben'ny mpisorona nagneso an'Azy, niaraka tamin'iary zareo mpanora-dalàna mban'ny loholona, de nizaka hoe: ⁴² "Nagnavotra ny hafa Izy, nefa tsy afaka magnavotra ny tegnany. Izy no mpanjakan'Israely. Avilay Izy hijotso tegny amin'ny hazofijalena, ka de hino an'Azy antsena. ⁴³ Natoky an'Andriamanitra Izy, avelay Andriamanitra hamonjy an'Azy amin'izao, na magneky ny hagnafaka an'Azy Andriamanitra. Ndre Izy aza de nizaka hoe: 'Izaho no zanak'Andriamanitra."' ⁴⁴ Kara ny zany koa ny dahalo nofantsihina niaraka tamin'Azy nizaka fanebahana tamin'Azy my koa. ⁴⁵ Nanomboka tamin'ny lera fahenina de mijigna ny tany marobe jiska tamin'ny lera faha sivy. ⁴⁶ Tamin'ny lera fahasivy, de nihoaika mafy Jesôsy de nizaka hoe: "Ely, Ely, lamà sabaktani?" zay midika hoe: "Andriamanitro, Andriamanitro, nagnino no de nandao anaha Anao?" ⁴⁷ Ndreka regnin'ny sanagny tamin'ny olona nitsangana teo zany, de nizaka iary zareo: "Magnatso an'i Elia Izy." ⁴⁸ Eo no eo de nihazakazaka ny raika tamin'iary zareo nangala eponjy, ka nanjoboka an'izany tagnaty vinegra, de napetrany tamin'ny tohina volo, de nagnome an'Azy mba hoaniny. ⁴⁹ Ka ny sanagny tamin'iary zareo nizaka hoe: "Avilay Izy. Fa mba hotantsena eo na hamonjy an'Azy Elia." ⁵⁰ De nihoaika tamin'ny feo mafy ndreka Jesôsy sady nagnome ny fanahiny. ⁵¹ Indro, ny lamban'ny fiangonana nitriatra roy hatragny ambony jiska ambany, sady niojongojogna ny tany, de vaky nisasaka ny vatolampy. ⁵² Nivoha ny fasagna, ka nifatin'ny olon'Andriamanitra marobe zay maty de natsangana. ⁵³ Nivôka avy tampasagna iary zareo tafaran'ny fitsangananany tamin'ny maty, niditra tamin'ny maty, niditra ny tanàna masina, sady nivôka tamin'ny maro. ⁵⁴ Ny kapiteny mban'ny reo nijery an'i Jesôsy ndreka nahita ny horohoron-tany mban'ny raha nitranga, de vaka mafy sady nizaka hoe: "Zanak'Andriamanitra tegnany ity." ⁵⁵ Nisy alambiavy nanaraka an'i Jesôsy avy tagny Galilia mba hikarakara an'Azy teo de nijery avy egny lavitra. ⁵⁶ Tamin'iary zareo tonga teo Maria Madalena, Mariarenin'i Jkoba mban'ny Josefa, sady ny renin'ireo Zanakalahin'i Zebedio. ⁵⁷ Ndreka hariva ny andro, de nisy lilahy raika manakarena avy agny Armatia tonga teo, atao hoe Jôsefa, zay mpianatr'i Jesôsy my koa. ⁵⁸ Nagnatogna an'i Pilato izy de nangataka ny fatin'i Jesôsy. De nameny Pilato zany. ⁵⁹ Nangala ny faty Josefa, de namogny an'Azy tamin'ny lamba rongony madio, ⁶⁰ sady nadevogna an'Azy tamin'ny fasagny vaovao nolavahany tamin'ny vatolapy. De namaringarigna vato lebe hanindrena ny varangaran'ny fasagna izy de nivoka avio. ⁶¹ Maria Magdalena mban'ny Maria hafa de teo, nipetraka tapita ny fasagna. ⁶² Ny andro magnaraka, tafaran'ny Fangomagnana, de niara-nivorovoro tamin'i Pilato ny lebe ny mpisorona mban'ny Fariseo. ⁶³ Nizaka iary zareo hoe: Tompoko, tadidinay fa tamin'ny mpamitaka igny mbola velogna, de nizaka izy hoe: 'Afaka telo andro zaho, de hitsangana ndreka.' ⁶⁴ Ka nony zany, ampembono koa ny fasagna mandritra ny teloandro, sao mako de angalarin'ny mpianatran'Azy tao ny faty de hizaka amin'olona iary zareo hoe: 'Nitsangana tamin'ny maty Izy', de ho ratsy nony tamin'ny mboalohany ny famitahana farany." ⁶⁵ Nizaka pilato tamin'iary zareo hoe: "Mangala mpiambigna. Mandiana de ambeno tsara araka zay vitanareo zany." ⁶⁶ De nandeha iary zareo Ka niambigna ny fasagna, nagnisy tombokase ny vato sady nametraka ny mpiambina.