¹ Tonga ny Fariseo mban'ny Sadoseo de nitsapa an'Azy ka nangataka an'Azy mba hagnano famantarana avy agny an-danitra. ² De namaly Izy sady nizaka an'iary zareo hoe: "Ndreka alina, de mizaka anareo hoe: 'Ho tsara ny andro, fa mena ny lanitra.' ³ Ndreka mandraigna, de mizaka anareo hoe: 'Ho ratsy ny andro, fa mena sady manjombogna ny lanitra.' Hainareo ny mamantatra ny endrikan'ny lanitra, fa anareo tsy afaka mandika ny famantarana ny fotôna. ⁴ Ny taranaka ratsy sady mpijangajanga de miaragna famantarana, fa tsy hisy famantarana homena anazy ankoatra ny famantaran'i Jona." Aveo Jesôsy niala an'iary zareo ka dila. ⁵ Ndreka tonga tagnilany ny mpianatra, de adignon'iary zareo ny nitondra mofo. ⁶ De nizaka Jesôsy tamin'iary zareo hoe: "Membena de mitandrema amin'ny masirasiran'ny Fariseo sy Sadoseo." ⁷ Niady hevitra aby ny mpianatra ka nizaka hoe: "Avy amintsika tsy nitondra mofo zany." ⁸ Jesôsy nafantatra an'izany de nizaka hoe: "Anareo kely finôna , Nagnino anareo samy anareo no miady hevitra kamizaka fa avy amin'ny tsy nitondranareo mofo izany? ⁹ Mbola tsy fantanareo na tadidinareo ma ny mofo dimy ho an'ny dimy arivo, de sobika firy no naotrikareo? ¹⁰ Na ny mofo fito ho an'ny efatr'arivo, de sobika firy no nalainareo? ¹¹ De ino zany ny tsy ahazoanareo fa tsy momban'igny mofo igny mihitsy ny raha nizakaiko anareo? Membena sady mitandrema amin'ny masirasirany Fariseo mban'ny Sadoseo." ¹² Aveo de azon'iary zareo my fa tsy hitandrina masiraran'ny mofo no nozakainy an'iary zareo, fa hitandrina ny amin'ny fampenaran'ny Fariseo sy Sadoseo. ¹³ Ka ndreka tonga tagny amin'ny faritra akekin'ny kaisaria-filipo Jesôsy, de nagnotany ny mpianatrany Izy, magnano hoe: "Ataon'olona ho iza ma Zanak'Olona?" ¹⁴ Nizaka iary zareo hoe: "Ny sanagny mizaka fa i Jaona mpagnano batisa; ny sanagny, Elia; de ny hafa ndreka, Jeremia, na raika amin'ny mpaminany." ¹⁵ De nizaka Izy tamin'iary zareo hoe: "Anareo koza magnano Anaha ho iza?" ¹⁶ De namaly, Simôna Petera nagnano hoe: "Anao no Kristy , Zanak'Andriamanitra velona." ¹⁷ Namaly Jesôsy ka nizaka tamin'azy hoe: "Sambatra anao, a Simôna Bar-Jona, fa tsy ny nofo na ny rà nagnatoro an'izany taminao, fa Iabako zay agny an-danitra. ¹⁸ Zakaiko aminao my koa fa anao no Petera, ka ambonin'ity vatolampy ity no hagnorenako ny fengonako. Ny vavahadin'ny fasagna de tsy haharesy an'izany. ¹⁹ Homeko anareo ny lakilen'ny fanjakan'ny lanitra. Na ino na ino fehezinao ambonin'ny tany de ho fehezina agny an-danitra, de na ino na ino vahanao ambonin'ny tany de ho vahana agny an-danitra." ²⁰ Aveo de nadidin'ny mpianatra Jesôsy fa iary zareo de tsy tokony hizaka na amin'iza na amin'iza fa Izy Kristy zany. ²¹ Tamin'izany fotôna zany Jesôsy nanomboka nizaka tamin'ny mpianatrany fa tsy mentsy ho any Jerosalema Izy, hizaka fijalena maro eo an-tagnan'ny loholona sy ny lohan'ny mpisorona mban'ny mpanora-dalàna, ho vonina, hatsangana ndreka amin'ny andro fahatelo. ²² Aveo Petera nangala an'Azy ka nizaka mafy an'Azy, magnano hoe: "Ho lavitra anao anie zany, ry Tompo; tsy hitranga aminao mihitsy anie zany." ²³ De nitodika Jesôsy ka nizaka tamin'i Petera hoe: "Mengà agny afarako, anao satana! Anao de fanafintohinana ho Anaha, avy aminao tsy miaraharaha ny rahan'Andriamanitra, fa ny rahan'olona." ²⁴ Aveo Jesôsy nizaka tamin'ny mpaminany hoe: "Na misy te-hagnaraka Anaha, de tsy mandà ny tegnany izy, hitondra ny hazofijalena, sady magnaraka Anaha. ²⁵ Fa n'iza n'iza te-hamonjy ny aignany de hahavery an'azy, ka n'iza n'iza no hahavery ny aignany avy Aminaha, de hahazo an'zany ²⁶ Fa ino ma no soa ho azon'olona na de mahazo an'izao tontolo izao kanefa very ny aignany? De ino ataon'ny olona ho takalon'ny aignany? ²⁷ Fa ny Zanak'olona de ho avy amin'ny voninahitran'Iabany miaraka amin'ny anjeliny. Aveo Izy hamaly soa ny olona tsiraidraika araka zegny vitany. ²⁸ Zakaiko marina aminareo, fa misy sanagny aminareo mitsangana eto io tsy hatsapa fahafatesana mandrapahitan'iary zareo ny Zanak'Olona tonga amin'ny fanajakany."