¹ Avieo de nisy Fariseo sy mpanora-dalàna sanasanagny avy agny Jerosalema nagnantogna an'i Jesôsy. De nagnano iary zareo hoe: ² "Nagnino ny mpianatranao no mandika ny fomban-drazagna ny zoky olona? Fa tsy manasa tagnana iary zareo alohan'ny hihinagna." ³ Namaly Izy de nizaka tamin'iary zareo hoe: "Ka nagnino arika anareo no mandika ny lalàn'Andriamanitra avy amin'ny fomban-drazagnanareo? ⁴ Fa Andriamanitra nizaka hoe: "Hajay ny Abanao amban'ny endrinao', de zegny mizaka ratsy, ny abanao sy endrinao, de ho faty.' ⁵ Fa anareo mizaka hoe: ' Na zovy na zovy mizaka amin'ny abany na amin'ny endriny hoe: "Ndre ino ndre ino fagnampena zegny azonareo avy aminaha de fagnomezana ho an'Andriamanitra amin'izao, "' ⁶ ny olona zany de tsy mila magnaja ny abany. Amin'izany fomba izany de nofoagnanareo ny zakan'Andriamanitra avy amin'ny tombotsoan'ny fomban-drazagnanareo. ⁷ Anareo mpetsaravelatsihy! Marina ny faminanian'Isaia mikasika anareo ndreka nizaka izy hoe: ⁸ 'Ity fokonolona ity de magnaja Anaha amin'ny molotrany iary zareo; fa ny fon'iary zareo koza de magnalavitra Anaha. ⁹ Tsisy antony ny fiderany Anaha, satria iary zareo mampianatra ny didin'olombelona kara ny fampenaran'iary zareo.'" ¹⁰ Aveo nagnantso ny fokonolona ho Amin'Azy Izy de nizaka tamin'iary zareo hoe: " Mitenoa ka mazahoa - ¹¹ Tsy ny miditra agny ambavan'ny olona no mandoto ny olona. Fa koza, zegny avôkan'ny vava, no mandoto ny olona." ¹² Aveo nagnantogna ny mpianatra sady nizaka tamin'i Jesôsy hoe: "Fantanareo ma vignitra ny Fariseo ndreka naregny ny zaka izany?" ¹³ Jesôsy namaly de nizaka hoe: "Ndregny raha maniry zay tsy nambolen' Iabako agny an-danitra de ho foagnana aby. ¹⁴ Avelay iary zareo ho eo, iary zareo de mpitarika ny jamba. Ndreka misy olona jamba raika mitarika jamba raika de samby hivarigna an-kady izy roy." ¹⁵ Petera namaly ka nizaka tamin'i Jesôsy hoe: " Azavay aminay ny fagnoharana zany." ¹⁶ Nizaka Jesôsy hoe: Tsy manam-pahalalana my koa anareo?" ¹⁷ Tsy hitanao ma fa zay miditra amin'ny vavahady de mandeha an-kibo de aveo avôka agny amin'ny kabone? ¹⁸ Fa ndregny raha avôkany vava de avy amin'ny fo. Zany raha zany no mandoto ny olona raika. ¹⁹ Fa avy amin'ny fo no ivoahan'ny sain-dratsy, ny famonôna olona, ny fijangajangana, ny mangala-badin'olona, ny halatra ny fitsanganana vavolombelona tsy marina de ny fizakan-dratsy. ²⁰ Io raha io no mampaloto ny olona raika. Fa ny mihinagna amin'ny tagnana tsy misasa de tsy mampaloto ny olona raika." ²¹ Aveo Jesôsy nenga teo de nierigna tagny am faritanin'ny Tyro sy Sidôna. ²² Igny, nisy viavy Kananita raika avy agny amin'ny faritra zany. Nagnantso mafy izy de nizaka hoe: "Mamindrà fo aminaha, Anao Tompo, Zanak'i Davida! Ny zanako viavy de ampijalen'ny devoly mafy." ²³ Fa Jesôsy tsy namaly anazy. Nagnatogna Anazy mpianatra ka nengavy Anazy, nagnano hoe: " Roahy izy, fa maresaka be amintsena." ²⁴ Fa Jesôsy namaly sady nizaka hoe: "Tsy nirahina ho an'iza n' iza Aho afa-tsy ho an'ny ondry very agny amin'ny ankohonanan'Israely ." ²⁵ Fa tonga nangataka sady nandondogna tagnatrehany izy , nagnano hoe: " Tompo, vonjeo zaho." ²⁶ Namaly Izy ka nagnano hoe: "Tsy rariny raha alaina ny mofon-jaza ka atipy amin'amboa" ²⁷ Nizaka izy hoe: "Aika, Tompo, ndregny ny amboa aza mba mihinagna zegny ambikambiny latsaka avy amin'ny latabatran'ny tompony." ²⁸ De namaly Jesôsy sady nizaka tamin'azy hoe : "Raviavy, lebe ny finônao; ho tanteraka aminao anie zany araka ny fagnirinao." De sitragna zanagny viavy tamin'io lera io. ²⁹ Nenga teo Jesôsy ka nandea akekin'ny ranomasinan'ny Galilia. Aveo de niakatra tegny an-tendrombohitra raika Izy ka nipetraka teo. ³⁰ Fokonolona maro no nagnatogna an'Azy. Nandosin'iary zareo niaraka tamin'iary zareo ny mitongaitra, ny jamba, ny môgna, ny manatakaitra, mban'ny marary maro hafa koa. Navelan'iary zareo tamin'ny tongotran'i Jesôsy; ka de nositragniny. ³¹ Ka de gaga ny Fokonolona ndreka nahita ny môgna mizaka, ny manatakaitra sitrana, ny malemy afaka mandea, ny jamba mahita. Nankalaza ny Andriamanitran'Israely iary zareo. ³² Nagnantso ny mpianatrany mba hagnantogna an'Azy Jesôsy de nizaka hoe: "Malahelo ny Fokonolona zaho, satria efa telo andro sahady iary zareo nitometra niaraka taminaha nefa tsy managna k'oanina. Tsy te hagnandefa an'iary zareo tsy mihinagna Aho, sô de toragna an-dalagna egny." ³³ De nizaka mpianatra tamin'Azy hoe: " Aza ahitanay mofo ampy ny fokonolona maro be aty amin'ny tany tsisy olona? ³⁴ Nizaka Jesôsy tamin'iary zareo hoe:" Mofo firy aminareo agny? De nizaka iary zareo hoe: "Fito de laoka madinika vitsivitsy." ³⁵ Aveo Jesôsy nandidy ny Fokonolona mba hitometra amin'ny tany. ³⁶ Nalainy ny mofo fito mban'ny laoka, ka ndreka nisaotra, de nivakiny ny mofo ka nameny an'ny mpianatra. Namen'ny mpianatra ny Fokonolona. ³⁷ Nihinagna de afa-po ny Fokonolona marobe. Aveo iary zareo nangorigna tanty fito feno ambikambiny zegny tsy lany. ³⁸ Efatra arivo lahy nihinagna tsy tagnatin'ny zaza mbany viavy. ³⁹ Aveo de nampoden'ny Jesôsy Fokonolona ka niditra agnaty lakana de nandeha amin'ny faritra Magadana