¹ Ka amin’izany, izaho Paoly, de gadran'i Kristy Jesôsy ho anareo Jentilisa. ² Neveriko fa regninareo ny fitantanana ny fahasoavan’Andriamanitra nomena anaha ho anareo. ³ Manoratra araka ny fagnambarana nampahafantarina anaha aho. Izany no marina misitrika momba ny raha nisoratako bitabitaka taminareo. ⁴ Ndreka mamaky an’izany anareo, de afaka hahafantatra ny fomba fazahoako ny marina misitrika io. ⁵ Tamin’ny taranaka hafa de natao fantan’ny zanak’olombelona io marina io. Fa amin’izao koza io de nizakaina tamin’ny alalan'ny Fanahy amin’ny Apostoly mban’ny mpaminany zegny efa voatokana amin’ity asa ity. ⁶ Io marina misitrika io de mizaka fa ny Jentilisa de mpiara-mandova, de mpiara-miombogna amin’ny vatagna, sady mizara ny fampagnantegnana amin’i Kristy Jesôsy avy amin’ny filazantsara iary zareo. ⁷ Fa nanjary mpanompon’io filazantsara io aho tamin’ny fahasovan’Andriamanitra nomena anaha avy tamin’ny fiasan’ny heriny. ⁸ Nomen’Andriamanitra anaha io fagnomezana io, ndre de izaho farany bitaka indrindra tamin’ny olo-masin’Andriamanitra. Io fagnomezana io de ny fomba hitoriako aminareo Jentilisa ny fizantsaran’ny harenan’i Kristy sarotra eragnina. ⁹ Ny fagnomezam-pahasoavan’Andriamanitra ho anaha de ny hitondrako fagnazavana amin’ny olona marobe ny fandaharan’Andriamanitra . Io fandaharana io de navonin’Andriamanitra, zay namorogna ny raha marobe, nandritra ny taogna maro taloha. ¹⁰ Nampafantarina tamin’ny fiangonana io fandaharana io mba hatonga ny mpanapaka mban’ny manam-pahefana an-danitra agny hahafantatra ny toetra maro amin’ny fakanten’Andriamanitra. ¹¹ Nitranga araka ny fandaharana mandrakizay ndregny tanterakany tamin’ny Kristy Jesôsy Tompontsena izany. ¹² Fa amin’ny Kristy no anagnantsena fasahina mban’ny lalana misy fahatokiana avy amin’ny finoantsena an’Azy. ¹³ Izany no mahatonga anaha miangavy anareo mba tsy ho kivy tratry ny fijaleko ho anareo, izay voninahitranareo. ¹⁴ Avy amin’izany mahatonga anaha mandohalika eo agnatrehan’ny Ray, ¹⁵ zay nagnome agnarana ny fianakavena marobe an-ndanitra mban’ny eto an-tany. ¹⁶ Mivavaka aho mba hagnomezany anareo, araka ny harenan’ny voninahitrany, mba hatanjaka amin'ny hery avy amin’ny Fanahy Masina, zegny ao aminareo. ¹⁷ Mivavaka aho mba hipetraka agnatin’ny fonareo amin’ny finoana Kristy, mba hifikitra sady hiorina amin’ny fitiavany anareo. ¹⁸ Enga anie de hahazo hery anareo ka hahatakatra, miaraka amin’ny mpino marobe, ny sakany, ny halavany, ny hamboasany, mban’ny halalignany, ¹⁹ sady mba hahafantatra ny fitiavan’i Kristy, zay ambonin’ny fahalalana marobe, ka mba ho fenon’ny fahafenoan’Andriamanitra marobe anareo. ²⁰ Sady ho an’Azy zay mahefa magnano ambonin’ny zegny raha maro angatahintsena na eritreretintsena, araka ny hery zegny miasa ao agnatintsena, ²¹ ho an’Azy anie ny voninahitra ao amin’ny fiangonana de ao amin’i Kristy Jesôsy koa hatramin’ny taranaka marobe mandrakizay doria. Amena.