¹ Nyadi sekale, leboh Petrus seduae Yohanes mansang age Rumah Semayang leboh maya semayang pukul tiga ngalih hari. ² siko urang ke enda uleh bejalai kenyau ari adai dibae tama. urang ngalika iya tiap hari ba mua pintu ti dikumbai Pintu Manah dalam Rumah Semayang, ngambe iya uleh minta sedekah ari urang ke tama age Rumah Semayang nya. ³ Leboh iya meda Petrus seduai Yohanes baru deka tama age Rumah Semayang nya, iya alu minta sedekah ari seduae iya. ⁴ Seduae iya alu malik age iya, alu ko Petrus bejako, “Peda nuan kami dua to.” ⁵ urang nya alu merening age seduae iya, pecaya ke diri deka buleh sedekah ari seduae iya. ⁶ Tang ko Petrus bejako, “Aku nadai pirak tauka emas, tang utai ti dikemisi aku, nya meh utai ti diberi aku age nuan: dalam nama Yesus Kristus urang Nazaret, bediri nuan alu bejalai!” ⁷ Petrus alu megai jari kanan iya, alu ngangkatka iya. Tekala nya kaki enggau buku-ali urang nya alu kering. ⁸ Iya engkejok angkat, bediri, alu bejalai, alu tama age Rumah Semayang sama enggau Petrus seduae Yohanes, ama bejalai, ama engkejok, sereta muji Allah Taala. ⁹ Semua urang bela meda iya bejalai sereta muji Allah Taala, ¹⁰ alu sida ngelala iya nya urang ke udah duduk minta sedekah ba mua Pintu ti Manah dalam Rumah Semayang. Alu sida balat alit ati sereta irau ke utai ti udah nyadi ba iya. ¹¹ Leboh urang nya majak bepegai ba Petrus seduai Yohanes, semua urang mayoh alit ati alu belanda age sida tiga ba endur te dikumbai Serambi Salomo. ¹² Leboh Petrus meda urang mayoh datai, iya alu bejako age sida, “Kita urang Israel, nama kebuah kita alit ati ke to? Nama kebuah kita merening ngagai kami? Ukai kuasa kami tauka pengudus kami ti ngasuh urang to ulih bejalai. ¹³ Allah Taala ke disembah Abraham, Ishak enggau Yakub, Allah Taala ke disembah aki inek kitai, udah ngemulia Nembiak Iya Yesus, ke udah diserah alu ditulak kita ba mua Pilatus, taja pen Pilatus udah mutus ke runding deka ngelepaska Iya. ¹⁴ Tang kita nulak Iya ti kudus sereta lurus, alu kita minta siko pemunuh diserahka ngagai kita, ¹⁵ Alu kita munuh Iya ti Pun pengidup. Tang Allah Taala udah ngangkatka Iya ari mati. Kami mpu nyadika saksi nya. ¹⁶ Uleh pengarap ke nama Iya, uleh kuasa nama Iya, urang ke enda uleh bejalai to, ke dipeda sereta dikelala kita mpu, udah nyadi kering. Pengarap iya ke Yesus ti udah ngeraika iya, baka ke dipeda semua kita. ¹⁷ Menyadi, aku nemu kita enggau bala tuai kita, udah ngereja utai nya laban kita enda nemu utai ti dikereja diri. ¹⁸ To cara Allah Taala ngamatka semua utai ti udah disebut Iya ngena semua sida nabi, madahka Kristus enda tau enda kena perinsa. ¹⁹ Nya alai, nesal ati meh kita lalu pulai baru ngagai Allah Taala, ngambika dosa kita diampun, ²⁰ ngambi maya deka datai alai kita deka ngasaika pengering ari Tuhan, sereta ngambi Iya ngirom Kristus ngagai kita, iya nya Yesus ke udah dipilih Iya ke kita, ²¹ ke enda tau enda diau ba surga nyentuk ngagai maya Allah Taala udah ngaga semua utai nyadi baru magang, munyi ti udah dipadahka Iya ngena bala nabi Iya ti kudus dulu kelia. ²² Ku Musa bejaku, ‘Tuhan Allah Taala kita deka milih siku nabi ke kita, ari bala kita empu, baka Iya ke udah milih aku. Kita enda tau enda mendingka semua utai ti dipadahka iya ngagai kita. ²³ Barang sapa enda mendingka nabi nya deka dibuai ari raban nembiak Allah Taala.’ ²⁴ Lalu semua nabi ke udah bejaku, berengkah ari Samuel, enggau nabi bukai ke datai dudi ari iya, udah mega madahka hari nya. ²⁵ Kita to peturun sida nabi nya enggau peturun semaya ti udah diberi Allah Taala ngagai aki inek kita, leboh Iya bejako agek Abraham, ‘Ulih keturun nuan semua mensia ba dunya to deka diberekat.’ ²⁶ Lebuh Allah Taala udah ngangkatka Nembiak Iya, Iya lalu ngiromka Iya ngagai kita dulu, ngambi Iya merekatka kita lebuh Iya nguing genap iko kita ari penyai kita.”