¹ Lebuh hari Pentikosta udah datai, semua sida begempuru ba endur siti. ² Tekalanya utai iya munyi ribut biaubalai lalu datai ari langit, lalu ngemenuh ka rumah iya ke ndor sida duduk. ³ Utai iya ke baka daun api lalu bebiau ba tengah-tengah sida, iya ke entacang lalu inggap ba pala genap iku sida. ⁴ Semua sida lalu dipenuh enggau Roh Kudus, lalu belabuh bejaku ngena jaku orang bansa bukai nitih ka penau ia diberi Roh Kudus. ⁵ Nyadi di Yerusalem lebuh maya nya bisi orang Yahudi iya ke pemadu saleh, ke datai ari semua menua di dunya tu. ⁶ Lebuh sida ninga munyi utai nya, sida lalu begelumu, lalu semua sida tekenyit ati, laban genap iku sida bela ninga bala orang ke arap nya bejaku ngena jaku bansa sida. ⁷ Sida balat alit ati sereta iran, lalu nanya, “Ukai enda semua sida ke bejaku tu orang Galilea magang? ⁸ Kati ko kita semua ninga sida bejaku ngena jaku kitai? ⁹ Bala Urang Parlis serta Media, serta Elam serta urang ari menua Mesopotamia, Yudea, serta Kapadokia, Pontus sererta Asia. ¹⁰ Frigia serta Famfilia, Mesir, serta ari menua Libia damping Kirene, serta bala penatai ari Roma. ¹¹ Urang bangsa kreta enggau Arab. Kitai ninga sida bejaku ngena jaku kitai pasal pemalat utai iya ke dikerja Allah Taala. ¹² Sida semua bengap bengap serta bejaku enggau bala kaban sida ia," Nama reti ia semua utai tu?" ¹³ Urang bukai sekeda ketawa serta bejaku, " Sida mabuk laban anggur baru." ¹⁴ Tang Petrus, ke bediri enggau sida ke sebelas iku rasul , lalu bejaku enggau nyawa nyarih agi urang mayuh: “Dinga kita urang Yahudi, enggau semua kita ke diau di Jerusalem, awak ka kita nemu utai tu, lalu pending ka aku dulu. ¹⁵ sebendar ia,urang tu ukai mabuk munyi iya ke disangka kita, laban jam diatu baru pukul sembilan pagi. ¹⁶ Tu meh utai iya ke udah disebut nabi Joel: ¹⁷ ‘Ba pengujung ari ila, ku Allah Taala bejaku, Aku deka nuang ke Roh Aku ngagai semua mensia,lalu anak lelaki enggau anak indu kita deka madah ka kita jaku Tuhan, lalu anak bujang kita deka meda penampak ari Tuhan,lalu sida ke tuai deka bemimpi. ¹⁸ Pia mega. Lebuh maya nya Aku deka nuang Roh Aku ngagai bala ulun indu enggau bala ulun Aku ya ke laki,lalu sida deka madah ke jaku ari Tuhan. ¹⁹ Lalu Aku deka ngayan ka tanda iya ke nyelai ba langit enggau kereja iya ke nyelai ba dunya ba baruh, darah, api enggau kabut asap. ²⁰ Matahari deka diubah nyadi petang lalu bulan deka bebali mirah baka darah, sebedau Hari Tuhan datai hari iya ke besai sereta mulia. ²¹ Ka nyadi, Lalu barang sapa ngangau ka nama Tuhan, pasti selamat ²² Kita orang Israel, dinga ka jaku aku tu. Yesus orang Nasaret iya ke udah dikirum ka Allah Taala ngagai kita. Utai tu nyata ari mujizat, enggau kereja ia ke nyelai ti dikereja Allah Taala, ulih Yesus, ba bala kita. Kita empu nemu utai tu, laban utai tu nyadi ba bala kita. ²³ Yesus tu udah diserah ke ngagai kita nitih ka rencana enggau penemu Allah Taala. Kita nyalib ke ia lalu munuh Ia ngena jari urang ke jai ²⁴ Tang Allah Taala udah ngangkat ka Ia lebuh Ia udah ngelepas ka Ia ari pemati, laban pemati nadai kuasa ba Ia. ²⁵ Laban Daud udah bejaku ka pasal Ia munyi tu: ‘Aku meruan meda Tuhan ba mua aku. Laban Ia bisi sepiak kanan aku, nya meh meri aku enda takut. ²⁶ meri ati aku gaga lalu dilah aku rami gaga, lalu aku deka diau dalam pengharapan, ²⁷ laban Nuan enda ninggal ka aku dalam dunya urang mati, tau ka ngawak ke tubuh Urang Kudus, but. ²⁸ Nuan udah nunjuk ka jalai pengidup ngagai aku. Nuan deka meri ati aku deka penuh laban pengaga ati’ ²⁹ “Bala menyadi, awak ka aku bejaku enggau terang ngagai kita pasal aki kitai Daud. Ia udah mati lalu udah dikubur, lalu kubur iya agi bisi ditu nyentuk ka diatu. ³⁰ Laban ia sigi nabi, ia nemu Allah Taala udah ngaga semaya ngena sumpah enggau ia madah ka diri deka ngasuh siku ari purih iya nyadi raja. ³¹ Laban Daud nemu utai tu deka nyadi, nya meri ia bejaku ka pasal pengangkat Kristus ari mati. Ko ia, Ia enda ditinggal ba dunya urang mati, lalu tubuh Ia pen enda mega but.’ ³² Yesus tu ke udah diangkat ka Allah Taala ari pemati, lalu semua kami tu nyadi ka saksi pasal nya. ³³ Ia udah diangkat jari kanan Allah Taala lalu lebuh Ia udah nerima pasal Roh Kudus ia ke udah disemaya ke Apai, Ia nuang Roh Kudus nya ngagai kami, sebaka enggau iya kedipeda enggau didinga kita. ³⁴ Laban ukai Daud ke niki ke serega. Tang Daud empu bejaku: ‘Ko Tuhan bejaku ngagai Tuan aku,Duduk sepiak kanan Aku. ³⁵ Datai ke Aku udah ngaga munsuh Nuan nyadika pelasar kaki Nuan.’ ³⁶ “Nya alai, awak ka semua orang Israel nemu enggau terang: Yesus ke udah diregang kita, udah digaga Allah Taala nyadi Tuhan enggau Kristus!” ³⁷ Lebuh orang mayuh ninga nya, ati sida balat tusah. Sida lalu bejaku ngagai Petrus enggau ngagai sida rasul iya ke bukai, “Menyadi, nama utai iya ke patut dikereja kami?” ³⁸ Ko Petrus bejaku ngagai sida, “Bertobat meh kita ari dosa kita, genap iku kita, lalu dibaptis dalam nama Yesus Kristus, ngambi ka dosa kita diampun, lalu kita deka nerima karunia Roh Kudus. ³⁹ Semaya nya diberi ngagai kita, enggau ngagai anak kita, enggau ngagai semua orang ke jauh, ia nya semua orang ke dikangau ke Tuhan Allah Taala kitai ngangau ka ia.” ⁴⁰ Petrus besaksi ngagai sida ngena mayuh jaku bukai, lalu meransang sida. Ku iya, “Selamat ke diri ari urang jai rebak tu!” ⁴¹ Sida ke arapka pesan iya, lalu dibaptis. Kira tiga ribu iku orang ditambah ka ngagai bala sida sehari nya. ⁴² Sida belajar benar benar ari sida rasul, begempuru enggau sida, makai mecah ka roti, sereta besampi. ⁴³ Iku orang bela nangi laban mayuh kereja ajih enggau kereja ti nyelai dikereja sida rasul. ⁴⁴ Semua orang ke arap begulai enggau pangan diri lalu bekunsika pemisi sida enggau pangan diri. ⁴⁵ nyual reta tengkira sida, lalu nyadung duit iya ke ulih sida ari nya ngagai semua bala sida, nitih ka guna sida siku-siku. ⁴⁶ Tiap hari, sida begempuru dalam Rumah Sembahyang. Sida mecah serta makai roti dalam rumah sida. Sida nerima pemakai sida enggau lantang serta gaga. ⁴⁷ Enggau muji Allah Taala, sereta sida ia dikerindu ka semua orang. Lalu tiap hari Tuhan nambah ka urang iya ke diselamat ka nitih ka Tuhan.