¹ Poli-geh Timoti-geh, Isu eriyah kinambitah makamana-pah kaema wayah wamitah a-isagah tauneh kegivayah Filipahi mitae kinapah Isu pindih mitae. Monon namapindi-sah enah kinake dikenih kinakeh. ² Andarah enawapah tigege wikiye Anutun-dah andah paruenah wapah, Tave yagarareh Isu. ³ Nagevah Anutu-kah namu potauwe ayaemah yagah tigekah napinta-pah. ⁴ Ayaemah yagah nunamuh epindih tige kavah undapah, amuh enayagah ugah vuweh. ⁵ Namu-enavah monoh enave pindihwindiye amaruta-sah kanamah ivawah. ⁶ Nagendah esegih napi-enapah pih kaenaga-vah ogih eriyahtigepindih putakivi-pah, toh kakeh putae wagasa-noh umah Isu kana kivitah. ⁷ Nagevah nanapiye-mah namu-enanepah tgekah navuwikagah tigevah ayaema-vah nantah vipindih mindae. Tigeh ayaemah nagege kapih eriyah kinatae iganah namao-mah andavipindih mitaepah andarah enavindih mitauwe. pigoh nagevah veh mintapah ogih kamana-wah umah avorah atatauwe. ⁸ Anutu nagendah kamana uriteh watae kanatah pikiye, nanavi-emah tigekah navu wikagah Isu andarah enawah tasagah. ⁹ Nagevah nunamuh tigekah piyambah kaisah kinah kagah tivuwakie naenaga-vah tavepu wanoh tavepuh wamah napi-enah ripindih yagah. ¹⁰ Nagevah nanagah pih nunamuwah ukuweh igeveh agevah arutuh pundiye pih ogi-enawambah pigoh tigevah Isu kanata-pah kaogih tigivah kambah urikive. ¹¹ Nagevah nunamu-vah piyambah kehutae ogi-enaman davah tigege avitawa kiye isu tisah kananda navah, Anutun-dah ewasaenah wambageh inatasah agih wambageh. ¹² Nage-vah navuwae pih yagara kavah nanavayae nagetah avorah tapah, pindanah putai-pah o-pekinah pih aogih kamana motah wanomah ho kenah wayah wawamih aogih kamana-pah avindane. ¹³ Pigoh pindana-vah, Romisah irevuh kinambi-veh wayah wamiwe nagekanah iganah nama pindih mindane-mah agoh napi-enah pugaentae piyamah ogih kamana ugagah pembe kaemah Isu kamana. ¹⁴ Isu pindaisah piyara kavah esegi-enah umah mitae pipah nanavi-emah iganah namaoindih mitae kagah esegi-enah umamitae kagah kambah karuputae tagah kamana umah avorah atakenavah. ¹⁵ Kaisavah Isu umah avorah atatae nanvi-emah indah isigu putikagah imoh windita nagegah pigoh kaisa kinambi-vah aogih indarasah Isu kamana umah avorah atatae. ¹⁶ Kegiva-yah aogih indatara-sah umah avorah atakive-pah igevah napikiveye tra-e tra-e kinah taemah napikiveye igevah napikiveye. Polivah ogih kamana omandah kagisah kandamah mindiye. ¹⁷ Piyamah Isu kah umah avoratae kinapah amaruh kamana umah avoratae-pah kaogih indarusah putae. Kambah aogih indarasah. Igeh napitae danah mavah Poli kavah kambah kaogimah amupena-mah igana namah pindih mindana-vah. ¹⁸ Nanavi-emah? pih kambarih ki-omandageh kaogih kimandageh, pipah Isu kah egandah namupuwe. Tagane, nagevah namu pukuve. ¹⁹ Pitapah piyambane nagevah nunamu-enah pikive pindivah namupumah wagaikuweIsun-dah Awamusa-vah nopikenah yagarae. ²⁰ Piyamah agogoh napi-ena nepah kaisanagah napondanave kambah nagepuh naninde marivah atawanomae, piyamatoh esegi-ena wandagah ayaemah yagah, Isu-vah inatatakah nagupindi-vah ikiye, pih yagah nauma yagah mindue puwauwo. ²¹ Nauma yagah mikena-vah Isu geh pigoh purike nanaena-vah ikuh asirikuwe. ²² Piyavi-pah naumah imamih kuvopah, pigoh akaenah kinapah iyomekuve. piyavipah ekipa-yah egarakuwe? kanapuwe. ²³ Tarah napi-enah puwe. nagevah navugae Isu umikendaga-vah. Pipah ogi-enah puwakiye. ²⁴ Pigoh mamavikah miwakuwe, tigepah tiyome kuwe. ²⁵ Nagevah esegih namatitih puwe nagevah eriyah puma tiyopu kuwemah, piyavegih agoh napigasuwe, nagevah mirindah eriyapah tigege pukuwe namatitih puma pikenah. ²⁶ Piyavegih totigetih togano-pah, tigevah timuh punata kiveye tigevah timupu-mah Isu Mesiyah ageh asagah ukiveye. ²⁷ Tave enawah, piyambane. Nasikiven dana-vah araketa puma nasi-iyo isu kamana-pah egarah iyoh. Piyavi-pah toh kamana amba tigakuvo-pah piyavih yemah kamana titah avukuwopa, piyamah anapikuwe tigevah asimah katiyumah puma mi-iyo, kah napi-enarakah tigevah igege eriyapiyo toh ipagepuma ogih kamana takah imatitih piyo. ²⁸ Nagevah piyah ve-imah napikuwe tigamah kinambi-vahkamba iyekuruh pikiye, pigoh igevah napikiveye, igevah kaekive, piyavipah Anutu-vah ogimah mi-iyomah puritae. ²⁹ Aveno. Anutu-vah ogih vuritae titamah Isun-dah eriyah piyomah. Agevah ugarita-mah timatitih amanah piyomah. Kambae. Agevah ugaritae tiyarih si-enavah isu agevah uriyomah. ³⁰ Paipah nageh taene pih akendanah pindi-vah minduwe, pigoh ivawah aweh pih akendana-vah pumah minduwe. Pigo-yah tigevah tiyerisih enavah pigoh, nanavi-emah, tigevah nagege atokaema mikiveye pih akendanah pindi-vah.