¹ Mi bai singsing long God Yawe i save mekim wok stret bihainim wok kontrak oltaim. Mi bai tokaut long tok tru bilong em long ol lain manmeri i kam bihain . ² Mi bin tok olsem, "Em i kamapim tok tru bilong em i bin stap olsem kontrak oltaim. Yu i bin kamapim tok tru long heven." ³ "Mi bin mekim kontrak wantaim wanpela man mi bin makim. Mi bin mekim tok promis long Devit wokman bilong mi. ⁴ Mi bai kamapim ol pikinini bilong yu stap oltaim na mi bai tokaut long sia king bilong yu i go long ol lain manmeri bai kam bihain. "Sela ⁵ Ol heven i litimapim gutpela bilong yu, God Yawe, ol i litimapim tok tru bilong yu namel long bum bilong ol stretpela lain. ⁶ Yu husat long antap i wankain olsem God Yawe? Husait namel long ol pikinini man bilong ol giaman god i olsem God Yawe? ⁷ Em i dispela God Yawe i gat biknem i antap tumas namel long ol hetman bilong stretpela lain na i bikpela moa long ol lain husat i banisim em. ⁸ God Yawe papa bilong graun, husat man i stron olsem yu, God Yawe? Tok tru bilong yu i banisim yu. ⁹ Yu bosim solwara i kirap na taim solwara i nois, yu mekim em i stap isi. ¹⁰ Yu kilim na krungutim dispela masalai bilong solwara. Wantaim stronpela han bilong yu, yu rausim ol birua bilong yu i go nabaut. ¹¹ Heven na graun i bilong yu tasol. Yu wokim graun na olgeta samting i stap long en. ¹² Yu wokim hap bilong not na hap bilong saut. Tabo na Hemon i amamas long nem long yu. ¹³ Yu gat bikpela na stronpela han na han sut bilong yu i antap moa. ¹⁴ Stretpla pasin na stretpla kot em as bilong bilip bilong sia king bilong yu. Bel tru long kontrak na tru tumas kam long yu. ¹⁵ Ol manmeri husat i lotu long yu i ken amamas! God Yawe, ol i wokabaut insait long lait bilong pes bilong yu. ¹⁶ Ol save amamas long nem bilong yu taim san i kirap na i go daun na insait long stretpla pasin bilong yu ol i litimapim nem bilong yu. ¹⁷ Ol gutpela bilong yu mekim mipela stron na long laikim bilong yu long mipela mekim mipela i win oltaim. ¹⁸ Hap plang bilong helpim mipela long pait em i bilong God Yawe, king bilong mipela i kam long Holipela God Yawe bilong Israel. ¹⁹ Bipo tru yu toktok long driman long ol bilip lain, yu tok, " Mi bin putim het bilas bilong king antap long wanpela stronpela man" Mi bin kirapim wanpela namel long ol lain mi bin makim pinis. ²⁰ Mi bin makim Devit wokman bilong mi na blesim em wantaim holi wel, mi bin kapsaitim antap lon het bilong em pinis. ²¹ Han bilong mi bai helpim em na bikpela han bilong mi bai stronim em. ²² Nogat wanpela birua bai giamanim em na nogat wanpela pikinini man bilong bikhet pasin bai daunim em. ²³ Mi bai bagarapim ol birua bilong em long ai bilong em, Mi bai kilim ol lain husat i no laikim em. ²⁴ Tok tru bilong mi na bel tru long kontrak bai stap wantaim em, long nem bilong mi em bai win oltaim. ²⁵ Mi bai putim han bilong em antap long solwara na han sut antap long bikpela wara i save ron. ²⁶ Em bai singaut long mi, ' Yu Papa bilong mi, God Yawe bilong mi na bikpela ston bilong kisim bek mi.' ²⁷ Mi bai putim em tu olsem nambawan pikinini man bilong mi na em bai stap antap moa yet long olgeta king long ples graun. ²⁸ Mi bai surukim stretpela kontrak long em oltaim na kontrak bilong mi wantaim em bai i stap gut na stron. ²⁹ Mi bai mekim ol tumbuna lain bilong em i stap oltaim na sia king bilong em bai i stap oltaim olsem klaut antap long skai. ³⁰ Na sapos ol pikinini bilong em i givim baksait long lo bilong mi na i no wokabaut long stronpela toktok bilong mi. ³¹ Na sapos ol i sakim tok na i no bihainim lo bilong mi, ³² orait Mi bai mekim save long ol manmeri sakim tok wantaim wokabaut stik na bagarapim ol long han bilong mi long pasin nogut ol i save mekim. ³³ Tasol Mi bai i no inap rausim stronpela laikim bilong mi long em o brukim stronpela tok bilong mi. ³⁴ Mi bai i no inap brukim kontrak bilong mi o senisim ol toktok i kamaut long maus bilong mi. ³⁵ Nau na ol taim bihain Mi bin tok pinis wantaim stretpela pasin bilong mi olsem Mi bai i no inap giamanim Devit, ³⁶ ol tumbuna lain bilong em bai stap king oltaim na sia king bilong em olsem san i save stap long ai bilong mi. ³⁷ Sia king bai stap oltaim wankain olsem mun i stap antap long skai." Sela ³⁸ Tasol yu yet les na givim baksait na yu i bin belhat long king bilong yu, husat wel bilong God Yawe i stap antap long em. ³⁹ Yu bin rausim kontrak bilong wokman bilong yu na Yu bin bagarapim het bilas bilong king bilong yu i go daun long graun. ⁴⁰ Yu bin brukim go daun banis bilong em na Yu bin bagarapim ol stronpela banis bilong em. ⁴¹ Ol husat i wokabaut i kam i go i bin stil long em na em kamap olsem samting nogut i bagarap tru long ol wanlain bilong em. ⁴² Yu apim han sut bilong ol birua bilong em i go antap na yu mekim ol birua bilong em i amamas. ⁴³ Yu tanim bek het bilong bainat bilong em na i no givim stron long em long sanap long taim bilong pait. ⁴⁴ Yu bin larim biknem bilong em i pinis olgeta na long dispela tasol yu bin kisim daun sia king bilong em long graun. ⁴⁵ Yu bin sotim ol dei bilong em long i stap yanpela. Yu bin karamapim em wantaim sem. Sela ⁴⁶ Inap wanem taim, God Yawe? Bai yu haitim yu yet olsem oltaim? Wanem taim bai belhat bilong yu i kam olsem paia i lait? ⁴⁷ O, tingim olsem mi gat sotpela taim tasol, olsem na bilong wanem yu mekim ol pikinini bilong ol man bilong graun long stap nating tasol! ⁴⁸ Husat i ken stap laip na i no inap dai, o inap long kisim bek laip bilong em long han bilong dai na bagarap? Sela ⁴⁹ Bikpela, ol samting bilong bipo yu save mekim gut tru long kontrak i stap wei, taim yu tok promis long Devit long sanap long tok tru bilong yu. ⁵⁰ Tingim, Bikpela, ol kainkain tok bilas ol toktok i go stret long ol wokman bilong yu na olsem wanem mi save karim wantaim long bel ol planti kainkain kros bilong olgeta manmeri long ples graun. ⁵¹ Ol birua bilong yu i tok kros, God Yawe, ol i tok bilas long lek mak bilong man husat wel bilong yu i stap antap long em. ⁵² Amamas long God Yawe oltaim. I tru na i tru olgeta.