Song, song bilong ol pikinini man bilong Kora. ¹ God Yawe em i bikpela na em i ken kisim olgeta biknem, insait long biktaun bilong God bilong yumi antap long holi maunten bilong em. ² Antap bilong em i naispela tru na long olgeta hap long dispela graun, maunten Saion em i ples bilong kisim amamas, long hap not em i biktaun bilong bikpela king. ³ God em i mekim em yet kamap ples klia insait long ol haus king bilong em i olsem wanpela ples hait. ⁴ Olsem na lukim, olgeta King i kam bung wantaim na ol i wokabaut wantaim i go. ⁵ Ol i lukim, olsem na ol i kirap nogut na ol i bel nogut na ol i hariap tru i go pinis. ⁶ Bikpela pret i kisim ol na ol i pilim pen wankain olsem meri i laik karim pikinini. ⁷ Yu brukim ol sip bilong Tasis wantaim win i kam long ples hap san i kamap. ⁸ Yumi harim pinis olsem na yumi lukim insait long biktaun bilong God Yawe husat em wasman bilong mipela, insait long biktaun bilong God Yawe, God Yawe yet em bai i sanapim em yet oltaim. ⁹ Mipela i bin tingim bek dispela promis bilong i stap tru long stretpela pasin bilong yu, God Yawe, insait long namel long haus holi bilong yu. ¹⁰ Wankain olsem nem bilong yu i God Yawe, olsem tasol pawa na biknem bilong yu, bai i go inapim olgeta hap bilong dispela graun na han sut bilong yu, em i pulap long stretpela pasin. ¹¹ Larim Maunten Saion bai i stap amamas, larim ol pikinini meri bilong Juda bai ol i amamas long wanem long stretpela lo bilong yu. ¹² Wokabaut raunim Maunten Saion, i go raunim em na kauntim ol tawa bilong em. ¹³ Lukim gut olgeta banis raunim haus bilong em na lukim ol haus bilong ol king bilong ol, olsem na bai yu tokim ol tumbuna bihain. ¹⁴ Long dispela God Yawe bai kamap God bilong mipela oltaim oltaim na em bai i kamap man bilong was long mipela i go inap taim mipela i dai.