Song bilong Devit. ¹ Yu no ken bel hevi long ol manmeri bilong mekim sin na noken lukluk nogut long ol lain husat i save wokim ol pasin i no stret. ² Long wanem i no long taim olgeta bai drai olsem ol gras na bai ol i pinis olsem samting i save kamap nupela na drai na i go pinis. ³ Bilip long God Yawe na mekim wanem em i gutpela na sindaun long graun, planim na kaikai na i stap strong long bilip. ⁴ Orait stap amamas insait long God Yawe na bihain em bai inapim hangre bilong bel bilong yu. ⁵ Givim ol pasin bilong yu long God Yawe, bilip long em na em bai wokim wok yu i no inap long mekim. ⁶ Em bai soim ples klia ol gutpela pasin bilong yu olsem san i lait na i nogat asua pasin bilong yu olsem tulait namel bilong dei. ⁷ Stap klostu long ai bilong God Yawe na wet isi long em. Yu no ken belhat sapos wanpela man i inapim wanem em i mekim o em i pasim tok long mekim nogut. ⁸ Yu no ken belhat na mekim samting nabaut. Yu no ken wari. Dispela samting tasol i save kamapim hevi. ⁹ Olgeta sin manmeri bai lus olgeta, tasol ol lain husat i wetim God Yawe bai i kisim dispela graun. ¹⁰ Liklik taim tasol ol man bilong mekim pasin nogut bai lus olgeta, yu bai lukluk long ples bilong em, tasol em bai i go pinis. ¹¹ Tasol pasin bilong daunim ol yet bai i givim graun long ol na ol bai hamamas long i gat planti. ¹² Man nogut bai pasim tok long mekim nogut long stretpela man na em bai kaikaim tit wantaim belhat long em. ¹³ Bikpela i lap long em, bilong wanem em i lukim dei bilong dispela man i kam klostu. ¹⁴ Ol man bilong mekim pasin nogut bai pulim bainat bilong ol na taitim bunara bilong ol long bagarapim ol man i stap trangu na nogat samting na ol i laik kilim husat i wokabaut stret. ¹⁵ Olgeta bainat bilong ol bai i sutim bel bilong ol yet na ol bunara bilong ol bai i bruk nabaut. ¹⁶ Em i gutpela moa long stretpela man long i gat liklik samting i no wankain long manmeri bilong mekim sin i gat planti samting. ¹⁷ Han bilong ol man nogut bai bruk nabaut, tasol God Yawe bai helpim ol stretpela manmeri. ¹⁸ God Yawe i save lukautim olgeta lain husat i nogat asua olgeta dei na em i makim ol long stap oltaim. ¹⁹ Ol bai i no inap pilim sem long dispela taim nogut i kamap. Taim bikpela hangre i kamap, ol bai i gat inap long kaikai. ²⁰ Tasol ol man bilong mekim pasin nogut ol bai i dai. Ol birua bilong God Yawe bai i olsem strongpela bilong gutpela graun i pulap long gras, ol bai i pinis na wantu lus insait long bikpela smuk. ²¹ Man nogut bai kisim tasol i no inap long bekim, tasol ol stretpela man bai i gat laik long givim. ²² Ol lain husat God i blesim ol bai i kisim graun God i makim bilong ol na ol lain husat em i givim hevi long ol bai i bagarap. ²³ God Yawe i save kamapim wokabaut bilong ol man husat pasin bilong ol i stap stretpela long ai bilong God. ²⁴ Maski dispela man i laik pundaun, em bai i no inap pundaun, bilong wanem God Yawe bai i holim em long han bilong em. ²⁵ Mi bin stap yangpela na nau mi kamap lapun, mi no bin lukim ol i givim baksait long stretpela manmeri o ol pikinini bilong ol i askim long bret. ²⁶ Olgeta dei em i save marimari na givim ol samting na ol pikinini bilong ol bai i kamap olsem blesing. ²⁷ Tanim baksait long pasin nogut na mekim gutpela pasin, orait bihain yu bai stap gut oltaim. ²⁸ Long wanem, God Yawe i save laikim stretpela lo na em i no save givim baksait long ol stretpela lain husat i wokabaut stret oltaim. Em bai holim ol oltaim, tasol ol tumbuna pikinini bilong ol man bilong mekim pasin nogut bai i pinis. ²⁹ Ol stretpela lain bai i kisim graun bilong ol na bai ol i stap long dispela graun oltaim. ³⁰ Maus bilong ol stretpela man bai i tokaut long gutpela save na mekim stret pasin planti moa. ³¹ Ol lo bilong God bilong em i stap insait long bel, lek bilong em i no inap abrus. ³² Ol man nogut i save putim was long ol stretpela man na painim em long kilim em. ³³ God Yawe bai i no inap lusim em long han bilong ol man nogut o bai i no inap kalabusim em taim lo i kotim em. ³⁴ Wet long God Yawe na bihainim pasin bilong em na em bai litimapim yu i go antap long kisim graun. Yu bai lukim taim ol manmeri bilong mekim pasin nogut ol bai pinis. ³⁵ Mi bin lukim ol lain bilong mekim pasin nogut na man bilong mekim ol man i pret bruk i go i kam olsem diwai i stap insait long graun bilong em yet. ³⁶ Tasol taim mi laik go bek ken, em i no stap long dispela hap. Mi lukluk long painim em, tasol mi no inap long painim em. ³⁷ Luksave long ol man i gat gutpela nem na makim ol lain husat i wokabaut stret, i gat gutpela sindaun bai i kam bihain long ol man bilong stap bel isi. ³⁸ Ol sin manmeri bai pinis olgeta na sindaun bilong ol man bilong mekim pasin nogut bai i pinis olgeta. ³⁹ Pasin bilong kisim bek stretpela manmeri i save kam long God Yawe na em bai i lukautim ol gut long taim bilong bikpela hevi. ⁴⁰ God Yawe i save helpim ol na rausim ol long hevi. Em bai rausim ol long han bilong ol man bilong mekim pasin nogut na sevim ol, long wanem ol i painim ples hait bilong ol i stap gut insait long em.