Song bilong Devit.Masil. ¹ Husat man God i lusim pasin nogut bilong em pinis, em i ken amamas, em i karamapim pinis sin bilong em. ² Husat man God Yawe i no painim asua long laip bilong em na spirit bilong em i no save giaman, em i ken amamas. ³ Long taim mi stap isi tru, ol bun bilong mi i no gat strong na mi save stap longpela taim. ⁴ Long dei na nait han bilong yu i save hevi antap long mi. Strong bilong mi i save drai long taim bilong san. Selah ⁵ Long taim mi autim ol sin bilong mi long yu, mi no save haitim ol pasin nogut bilong mi. Mi tok olsem, mi laik tokaut long olgeta pasin nogut bilong mi long yu God Yawe na yu bai lusim ol asua bilong mi. Sela ⁶ Long dispela as tasol na ol manmeri husat i bilong yu bai mekim beten long taim bilong bikpela hevi. Na taim bikpela hevi i kam olsem bikpela wara i ron, em bai i no inap kamap long ol dispela manmeri. ⁷ Yu ples hait bilong mi, yu bai helpim mi long taim bilong trabel. Yu bai karamapim mi wantaim pawa bilong ol song. Sela ⁸ God Yawe i tok olsem, mi bai givim yu skul tok na soim rot bai yu go long en, mi bai soim yu long rot bai yu i go na ai bilong mi bai stap antap long yu. ⁹ Noken stap olsem hos na donki we i no gat save, ol i stap tasol na bai yu paitim ol wantaim stik bilong stiam ol na tokim ol long wanem hap yu laik long ol bai i go. ¹⁰ Ol man nogut i save wari tumas tasol kontrak long tok promis bilong God Yawe i save karamapim ol manmeri i save bilip long em. ¹¹ Amamas insait long God Yawe na amamas long em, yupela stretpela manmeri singaut bikpela na amamas, bel bilong yupela husat i stap stret.