Sapta 20
Gutpela man bilong pilai musik. Song bilong Devit.
1
Inap God Yawe i helpim yu long taim bilong hevi na long nem bilong God bilong Jekop bai i lukautim yu
2
na salim helpim i kam long rum tambu bilong strongim yu long Saion.
3
Inap em i singaut long tingim olgeta ofa bilong yu na kisim ol ofa bilong paia i kukim olgeta. Selah
4
Inap em i givim tok orait long bel bilong yu na inapim olgeta tingting bilong yu.
5
Na bai mipela i amamas wantaim yu na long nem bilong God. Bai mipela litimapim nem bilong em, inap God i kisim olgeta biknem.
6
Nau mi save olsem God Yawe bai helpim man em i makim long en, em bai harim em long stretpela ples bilong em long heven wantaim strong bilong em yet inap long helpim em.
7
Sampela i bilip long ol karis bilong ol na ol arapela i bilip long ol hos bilong ol, tasol bai mipela singaut long God Yawe, God bilong mipela.
8
Ol bai i pundaun na bagarap, tasol mipela bai kirap na sanap strong!
9
God Yawe, helpim ol king; Helpim mipela taim mipela i singaut.