1
Man i nogat gutpela tingting i save tok olsem long bel bilong em, God i no stap. Ol dispela kain man, em ol giaman man husat i mekim pasin nogut na i nogat wanpela i save mekim gutpela pasin.
2
God Yawe i stap long heven i lukluk i go daun long ol pikinini bilong man i stap long graun long lukim husat i gat save long em na painim em.
3
Olgeta i givim baksait na mekim pasin i no stret. I nogat wanpela bilong ol i save mekim stretpela pasin, nogat na nogat tru.
4
Ating ol i no save long wanpela samting, ol lain husat i save mekim pasin nogut na ol lain husat i bagarapim ol manmeri bilong mi olsem ol i save kaikai hap bret tasol, ol dispela lain i no save singaut long God Yawe?
5
Ol i pret na guria, long wanem, God i stap wantaim ol stretpela man!
6
Yu laik givim sem long trangu man, maski God Yawe i save stap long ples hait bilong em.
7
Oh helpim bilong God long kisim bek ol lain Israel bai kamap long Saion! Taim God Yawe i kisim bek ol manmeri bilong em long kalabus, orait ol lain bilong Jekop na ol lain bilong Israel tu bai amamas!