¹ Hamas taim, God Yawe, bai yu lusim tingting long mi yet? Hamas taim bai yu haitim pes bilong yu long mi? ² Hamas taim bai mi wari na gat sori long bel bilong mi olgeta dei? Hamas taim bai ol birua bilong mi i daunim mi? ³ Lukluk long mi na harim beten bilong mi, God Yawe, God bilong mi! Givim strong long mi na bai mi noken dai insait long slip. ⁴ Noken larim birua bilong mi i tok, "Mi winim em pinis," olsem na birua bilong mi i no inap tok, "Mi daunim pinis birua bilong mi", nogut birua bilong mi bai amamas taim mi pundaun. ⁵ Tasol mi bilip strong long kontrak bilong yu oltaim, bel bilong mi i amamas long yu kisim bek mi. ⁶ Mi bai singim song i go long God Yawe long wanem em i mekim gut tru long mi.