¹ Long dispela yia taim king Usia i dai, mi lukim God Yawe i sindaun long sia king na em i sindaun antap tru na klos bilong em i karamapim tempol. ² Antap long ples God Yawe i sindaun, ol ensel i stap. Wanwan bilong ol i gat 6-pela wing, tupela wing i karamapim pes na tupela i karamapim lek na wantaim tupela ol i redi long flai. ³ Wanwan i singaut igo long narapela narapela na i tok, "Holi, holi, holi em God Yawe i gat biknem! Glori bilong em i karamapim olgeta hap graun." ⁴ Na ol pos bilong haus bilong brukim wit i guria na guria long krai bilong ol husait i bin singaut na haus i pulap wantaim smuk. ⁵ Na mi tok, " Sori long mi! Mi no gutpela man, maus bilong mi i pulap wantaim toktok nogut na mi stap namel long olgeta manmeri maus bilong ol ino klin, long wanem ai bilong mi i lukim God Yawe, Bikpela king istap antap tru!" ⁶ Na wanpela ensel i flai i kam long mi wantaim ston i lait olsem paia em i holim long han bilong en long alta. ⁷ Na em i tasim maus bilong mi wantaim paia na i tok, "Lukim dispela paia i kukim asua bilong yu na rausim sin bilong yu." ⁸ Na mi harim nek bilong God Yawe i singaut na i tok, "Bai mi salim husait na husait bai makim mipela na go?" Na mi tok, "Mi stap, salim mi." ⁹ God Yawe i tok, "Go na tokim ol dispela manmeri, ol i harim tasol ol ino save klia,ol i lukim tasol ol ino save kisim tok gut." ¹⁰ Mekim bel bilong dispela ol manmeri i strong na tu yau bilong ol i pas na ai bilong ol i pas. Nogut bai ol i lukim wantaim ai bilong ol na harim wantaim yau bilong ol na kisim gut tok long bel bilong ol na tanim baksait long sin bilong ol na kamap orait." ¹¹ Na mi askim God Yawe, "Bai wanem taim dispela samting i kamap? Na em i bekim na i tok, "Inap olgeta biktaun i bagarap. Nogat manmeri bai istap moa na dispela ples bai kamap ples nating, ¹² inap God Yawe i salim ol manmeri i go longwe ples na strong bilong graun i gutpela. ¹³ Na sapos wanpela 10-hap manmeri tasol istap long dispela ples, God Yawe bai bagarapim, wankain olsem diwai terebin o diwai oak ol i katim na pundaun tasol wanpela sit i holi, em istap yet long as bilong dispela diwai."