¹ Harim ol dispela tok, ol lain manmeri bilong Jekop, ol i kolim yupela olsem Israel, yupela i bin kamap long wara bilong ol Juda, yupela husait i save strongim tok bilong yupela long nem bilong God Yawe na askim ol samting long God Yawe bilong ol Israel, tasol i no go wantaim bel bilong yupela o wantaim stretpela pasin. ² Na ol i save kolim ol yet olsem ol manmeri bilong gutpela taun na ol i save bilip long God Yawe bilong ol Israel. God Yawe i gat olgeta strong em i nem bilong em. ³ Olsem na mi bin tokaut long ol dispela samting pinis, ol dispela tok i kam long maus bilong mi na mi bin tokaut long en, tasol kwik taim tru mi mekim dispela tok i kamap tru. ⁴ Long wanem mi save, olsem yupela i save sakim tok na bikhet, nek masol bilong yupela i tait olsem ain na het bilong yupela i olsem kapa. ⁵ olsem na mi tokim yu long ol dispela samting bai kamap na em bai kamap, bihain long ol i kamap, mi mas tokim yu pastaim na yu no ken tok olsem,' ol god giaman bilong mi i mekim ol i kamap,' ol god giaman bilong mi, em ol piksa bilong mi ol i bin wokim long diwai na ain em ol i makim ol dispela samting.' ⁶ Olsem na yu bin harim pinis ol dispela samting, yu lukim ol dispela piksa na yu i no inap long tokaut olsem wanem samting mi bin tok long en em i tru? Nau long dispela taim i go olsem, mi wok long soim yu ol nupela samting na ol samting i hait na yu no save long en. ⁷ Em bilong nau tasol, i no bilong bipo, ol i kam olsem man pastaim na long nau yu no bin harim ol i tok bilong ol olsem na yu no inap tok olsem, yes, mi save long ol,' ⁸ Long wanem, yu no bin harim ol dispela kain tok na yu no save long en, dispela ol samting i no bin kamap klia long ai bilong yu bipo. Long wanem mi save olsem ol i bin giamanim yu olsem taim yu bin kamap olsem man bilong sakim tok taim mama i bin karim yu. ⁹ Long gutpela bilong biknem bilong mi. Mi holim bek belhat bilong mi, long bagarapim yu. ¹⁰ Lukim, mi bin mekim yu i kamap klin tasol mi i no mekim wankain olsem silva ol i save kukim long paia long rausim pipia, mi bin mekim yu i kamap klin long bikpela hevi na bagarap bilong yu wantaim paia i hat tumas. ¹¹ Oltaim bai mi tingim mi yet, long mekim nem bilong mi i stap wankain tasol? Mi no inap givim biknem bilong mi i go long ol narapela man. ¹² Bikpela i tok olsem, harim tok bilong mi, Jekop na ol lain Israel, mi kolim yu, Em mi tasol, mi God Yawe mi stap pes na mi stap las. ¹³ Tru tumas, long han bilong mi, mi i mekim as bilong graun i kamap strong, long han sut bilong mi, mi mekim skai i kamap bikpela na taim mi singautim tupela orait tupela i save kirap na sanap wantaim. ¹⁴ Olsem tasol yupela i kam bung wantaim na yupela olgeta harim! Husait tru namel long yupela i tokaut long ol dispela samting? Ol man God Yawe i laikim tumas bai ol i mekim wok bilong em na kirapim pait long ol Babilon. ¹⁵ Mi yet, mi bin tokaut long em na askim em long kam, mi yet mi bin kisim em i kam na mi bai mekim em i win. ¹⁶ Yupela kam klostu long mi na harim dispela tok, long stat mi no bin hait na mekim ol dispela ol tok, taim ol dispela samting i kamap, mi bin i stap. "Nau Bikpela bilong yumi God Yawe i salim mi i kam wantaim Spirit bilong em yet. ¹⁷ Dispela em wanem tok God Yawe, man bilong kisim bek yupela na Holi God bilong ol Israel i tok, "Mi God Yawe bilong yupela, husait i save lainim yu long pasin bilong sindaun gut na i save kisim yu i go na soim yu rot long go. ¹⁸ Sapos yupela i bin bihainim ol lo bilong mi! orait nau bai bel isi na gutpela pasin bilong mi bai pulap long ol samting na amamas bai i pulap olsem wara i no save drai na God Yawe bai i kisim bek yupela kam olsem, solwara i bruk long nambis. ¹⁹ Na ol tumbuna bilong yupela bai i kamap planti tru olsem wesan, wankain tasol ol pikinini yupela i karim bai i kamap planti tru olsem ol wesan, nem bilong ol bai i no inap pinis long dispela graun na mi bai was gut long ol. ²⁰ Yupela lusim Babilon na kam aut! ronawe long ol manmeri bilong dispela ples! singaut na krai bikpela! Larim ol i ken harim dispela singaut, larim dispela tok i ken i go long olgeta hap bilong graun! Tokaut olsem, God Yawe i mekim gut tru long wokman bilong em Jekop.' ²¹ Ol i no bin nek drai long wara taim em i kisim ol i go namel long ples drai, em i paitim ston wantaim stik bilong em na wara i ron strong i kam daun long ston inap ol manmeri i ken dring. ²² I nogat bel isi bilong ol lesman, God Yawe i tok,"