¹ Bel, god bilong ol Babilon ol i brukim skru i go daun na Nebo, god bilong Babilon i putim pes bilong em i go daun, ol wel abus i save karim ol giaman god bilong ol i gat hevi istap long en. Dispela ol god giaman yu karim em i gat bikpela hevi istap antap long dispela ol wel abus. ² Olgeta wantaim ol i putim pes bilong ol i go daun na brukim skru na ol yet i bin go istap insait long kalabus. ³ Harim mi, haus bilong Jekop, olgeta liklik hap lain bilong haus bilong Israel, husait mi bin bringim i kam long taim yu ino kamap yet long bel bilong mama. ⁴ Ating yu stap olpela man, Mi yet em mi na taim hetgras bilong yu i kamap waitpela bai mi karim yu. Mi bin wokim yu na mi bai karamapim yu na bai mi i kisim bek yu. ⁵ Yu ting bai husait inap long winim mi? Yu ting mi bai makim husait, olsem na husait bai i skelim mipela? ⁶ Ol manmeri i kapsaitim gol aut long bek na skelim silva antap long skel. Ol i askim ol man bilong kukim na mekim i kamap olsem god, bai ol i brukim skru igo daun na lotu long em. ⁷ Ol i hapim na karim antap long solda bilong ol na igo putim long ples bilong en na em istap long ples bilong em na ol ino save lasim long en. Ol i save krai long em tasol em ino save bekim tok bilong ol na ino save helpim wanpela man long hevi bilong em. ⁸ Tingim ol dispela samting, noken sakim tok bilong ol, yupela lain bilong bagarapim ol samting. ⁹ Tingim ol samting i bin kamap bipo, long dispela taim igo pinis. Mi yet i God na ino gat narapela, Mi God na ino gat wanpela god i olsem mi. ¹⁰ Mi bin tokaut long pinis na long stat na bipo long taim ol samting ino kamap yet. Mi tok "Ol hait tingting bilong mi bai i kamap na bai mi mekim olsem mi laikim long en." ¹¹ Mi i singautim wanpela pisin bilong kisim wel abus long ples san i kamap, ol man bilong narapela hap ples, mi yet i makim long en. Tru tumas, Mi bin tokaut olsem, "Bai mi yet inapim dispela, Mi i gat wok olsem na bai mi wokim." ¹² Harim mi, yupela manmeri bilong pasim bel bilong yupela strong tru, yupela husait istap longwei tru long mekim stretpela pasin. ¹³ Mi kisim stretpela pasin bilong mi i kam klostu na em ino stap longwei na wok bilong kisim bek ino save weit istap, Orait bai mi kisim bek Saion wantaim ol gutpela bilong mi igo long Israel.