¹ Tok lukaut long ol lain i go daun long Isip long kisim helpim na pas long ol hos na karis bilong wanem i gat planti i stap na ol man i save long hos i no sot.Tasol ol i no tingim bikpela bilong Israel na ol i no gat luksave long God Yawe! ² Tasol em man bilong tingting stret na em bai kisim bagarap i kam na i no inap kisim tok bilong em bek. Em bai kirap na birua wantaim ol haus lain nogut na husait helpim ol long mekim sin. ³ Isip em man tasol, em i no bikpela God, ol hos bilong ol em i gat mit na i no spirit. Taim God Yawe i putim han i go aut, ol lain husat helpim em na husat i kisim helpim bai tupela wantaim i pundaun na pinis olgeta. ⁴ God Yawe i tokim mi olsem, "Wankain olsem laion wantaim pikinini bilong en, tupela i save bikmaus long kaikai abus, tasol taim wasman bilong sipsip i singaut i go long laion, em i no suruk long bikmaus bilong ol na isi tasol i no ranawe tu, em olsem tasol, God Yawe bilong yumi bai kam daun long maunten Saion na pait. ⁵ Olsem ol pisin i save flai, God Yawe bikpela bilong yumi bai was long Jerusalem, em bai was gut na kisim bek long lukautim yumi. ⁶ Yupela olgata manmeri bilong Israel, lusim olgeta pasin nogut na kam bek long mi. ⁷ Long dispela dei, wanwan manmeri bai rausim ol giaman god bilong gol na silva, em yupela i mekim sin pinis long han bilong yupela. ⁸ Ol Asiria bai pundaun long bainat, em bainat ol man i no wokim long han na em bai pinisim ol. Em bai ranawe long bainat na ol yangpela man bilong em, bai mekim hatpela wok ino gat pei. ⁹ Ol bai lus tingting long wanem, ol i pret long dispela hevi na ol pikinini man bilong king bai pret long lukim flek bilong pait dispela em God Yawe. Dispela em i tok lukaut bilong God Yawe husait paia bilong em i stap long Saion na sospen paia i stap insait long Jerusalem i tokaut."