¹ Solomon i stat long wokim haus bilong God Yawe. Dispela em i kamap long yia- 480 bihain long ol Israel i kamaut long graun bilong ol Isip, long namba 4- yia bilong Solomon i bin i stap King bilong ol Israel long en, long mun Siv, em long namba 2- mun. ² Dispela haus lotu King Solomon i bin wokim bilong God Yawe long en, longpela bilong em i olsem 60-mita, op bilong em i go 20-mita na antap bilong em i 30-mita. ³ Post mak bilong haus i stap senta bilong bung na longpela bilong em i 20-mita, op bilong en i wankain wantaim haus lotu na go daun bilong em i 10-mita long pes bilong haus. ⁴ Ol windua em i wokim bilong haus em i olsem liklik long autsait na bikpela long insait. ⁵ Em i wokim ol rum i pas wantaim wol i raunim namba wan hap bilong bung, raunim long autsait na wantaim insait bilong rum. Em i wokim ol rum raunim olgeta hap. ⁶ Tamblo stori bilong haus em 5-mita op, namel flova bilong em i 6-mita i op,na namba 3 bilong em i 7-mita op. Long autsait em i mekim ol wol bilong haus i raunim ol pos diwai i no ken pas long wol. ⁷ Haus ol wokim long ston ol i katim na redim pinis long en. Ol i no bin harim nois bilong hama, tamiok, o sampela kain ol ain taim ol i wokim dispela haus. ⁸ Long sait bilong hap sait bilong haus lotu i gat bikpela dua i stap tamblo long graun, long em wanpela leda i go antap long namel flova na long namel i go antap long namba 3-flova. ⁹ Solomon i wokim haus lotu na pinisim, em i karamapim haus wantaim ol bikpela longpela pos diwai wantaim sida diwai ol i katim na redim long en. ¹⁰ Em i wokim ol rum long sait i pas wantaim namel rum bilong huas lotu long hap bilong bung, tupela sait bilong em long i go antap em 5-mita, ol i bin joinim haus wantaim ol diwai sida. ¹¹ Na tok bilong God Yawe i kam long Solomon na i tok, ¹² "Tingim dispela haus lotu yu wok long wokim, taim yu wokabaut stret wantaim tok bilong mi na mekim stret ol samting, na lukautim lo bilong mi na bihainim, bai mi mekim tok promis bilong mi i kamap long yu olsem taim mi bin mekim wantaim Devit papa bilong yu. ¹³ Bai mi i stap wantaim ol manmeri bilong Israel na mi no inap lusim ol." ¹⁴ Olsem na Solomon i wokim haus na pinisim. ¹⁵ Orait em i wokim ol namel wol bilong haus wantaim plang bilong sida. Stat long flova bilong haus i go antap long silin, em i karamapim insait bilong en wantaim plang, na em i karamapim flova bilong haus wantaim plang ol wokim long diwai siprus. ¹⁶ Em i wokim 20-mita sait bilong haus wantaim ol plang bilong sida diwai long plua i go antap long silin. Em i wokim dispela rum olsem rum i stap insait , long rum i tambu tru. ¹⁷ Haus bung, em i ples holi i bin i stap pas long ples em i holi olgeta, longpela bilong em i olsem 40-mita. ¹⁸ Insait long haus sida diwai tasol bin i stap, ol i katim na wokim olsem strongpela sel bilong pikinini diwai i raun na ol flova i op i stap. Olgeta sida diwai tasol i stap insait. Nogat wanpela stonwok tu ol i bin lukim insait. ¹⁹ Solomon i stretim namel rum insait long haus long redim gut na putim Bokis Kontrak bilong God Yawe i go insait long em. ²⁰ Na insait rum bilong namel longpela bilong em i olsem 20-mita, op bilong em tu i 20-mita na antap bilong em tu i 20-mita. Solomon i karamapim wol wantaim gol tasol antap long Bokis Kontrak wantaim sida diwa. ²¹ Solomon i pasim insait long haus lotu wantaim gol tasol na em i putim gol sen na krosim pes long namel rum na pasim pes antap wantaim gol. ²² Em i karamapim olgeta hap wantaim gol inap long haus i pinis. Na tu em i karamapim olgeta hap bilong Bokis Kontrak bilong em long namel rum wantaim gol. ²³ Solomon i wokim tupela ensol long diwai oliv, tupela wantaim em 10-mita i go antap, bilong namel rum. ²⁴ Wanpela sait win bilong namba wan ensol longpela bilong em i 5-mita na narapela sait win tu i wankain, longpela bilong em i 5-mita. Arare tru bilong wanpela win na arare tru bilong narapela win na longwe hap bilong tupela i 10-mita. ²⁵ Narapela ensel tu igat winop bilong em 10-mita. Tupela ensel i wankain tru na i gat wankain sais tru. ²⁶ Mak i go antap bilong wanpela ensel em i 10-mita na narapela tu bin wankain. ²⁷ Solomon i putim dispela ensel insait long rum long insait tru. Ol win bilong tupela ensel i op i go na win bilong wanpela i tatsim wanpela wol na win bilong narapela i tatsim narapela wol. Win bilong tupela i pas i go i kam namel long rum i tambu tru. ²⁸ Solomon i karamapim olgeta hap wantaim gol long ol dispela ensel. ²⁹ Em i katim na wokim ol piksa long olgeta wol na mekim ol piksa bilong ensel, pam diwa na ol plawa i op long en, long autsait na long ol rum insait tu. ³⁰ Solomon i karamapim flova bilong haus wantaim gol, long tupela hap bilong rum insait na long rum autsait wantaim. ³¹ Solomon i wokim ol dua long oliv diwai long i go insait long rum i stap insait. Longpela plang bilong dua pos i gat 5-pela hap ol i katim na stretim long en. ³² Olsem na em i mekim tupela dua long oliv diwai, na em i wokim antap ol piksa bilong ensel, ol pam diwai na ol plaua i op long en. Em i karamapim antap wantaim gol na na em i putim gol i go i kam long ensel na ol pam diwai. ³³ Long dispela rot tasol, Solomon i wokim haus lotu dua bilong i go insait long dua pos bilong oliv diwai i gat 4-pela hap bilong en. ³⁴ na tupela dua em i wokim long diwai siprus. Tupela hap bilong wanpela dua i save op i go pas na narapela dua tu i save op i go pas. ³⁵ Em i wokim antap ol piksa bilong ensel, ol pami diwai na ol plawa i op long en, na tu em i karamapim wantaim gol antap long piksa em i katim na wokim long en. ³⁶ Em i wokim namel bilong bikpela rum i gat 3-pela hap bilong en wantaim ston ol i katim na redim long en na narapela hap bilong en wantaim longpela plang bilong sida diwai. ³⁷ Long namba 4-yia bilong mun Siv graun wok bilong haus bilong God Yawe i bin stat. ³⁸ Long 11-yia, long mun Bul, em long 8-mun, olgeta hap bilong haus i bin pinis na redi long givim olgeta ripot. Solomon i bin kisim 7-pela yia olgeta long wokim dispela haus lotu bilong God Yawe.