1
Solomon i bin wokim haus King bilong en insait long 13-pela krismas.
2
Em i bin wokim haus king bilong em long diwai bilong Lebanon." Longpela bilong en inap 44 mita na bikpela bilong en inap 22 mita na antap bilong en inap 13 na hap mita. Na em i putim 4pela lain palang olsem ol pilo long ol pos.
3
Dispela haus ol i karamapim long sida diwai na ol i sindaunim long tripela lain palang olsem baten na ol i wokim ruf bilong haus. I bin i gat 45 palang i stap na 15pela palang istap long wanwan lain .
4
I bin i gat ol palang long tripela lain,na wanwan windo i poromanim narapela narapela long tripela hap.
5
Olgeta dua na ol pos i gat 4 pela kona stret wantaim ol palang, na windo i stap poroman long windo i stap long 3-pela sait.
6
I bin i gat varenda, longpela bilong en inap 22 mita na bikpela bilong en em inap 13 na hap mita, i gat dua bilong go insait na ol pos na ruf.
7
Solomon i wokim wanpela bikpela rum long putim sia king we em i ken sindaun na skelim kot bilong ol manmeri, ples bilong skelim stretpela pasin. Na em i wokim floa long narapela i go long narapela wantaim diwai sida.
8
Haus bilong Solomon, em yet bai i stap long en, long narapela hap insait long graun bilong haus King i gat klostu wankain ples olsem. Em i wokim wankain haus tu bilong pikinini meri bilong Fero husat em i kisim olsem meri bilong em.
9
Ol i bin wokim haus long ol ston i dia tumas. Ol i makim na katim gut ol ston long so na sapim gut long olgeta sait. Na dispela ol ston i kamap olsem namba wan ston bilong strongim haus long antap, na tu long bikpela ples ausait.
10
Ol kona ston bilong haus ol i bin wokim wantaim ol bikpela ston na ston i dia tumas. Longpela bilong em, sampela em 3 na hap mita na 4 na hap mita longpela bilong en .
11
Antap em ol ston i dia tumas ol i katim long wankain sais, na ol sida palang tu.
12
Long bikpela ples i banisim haus king ol i lainim ol ston ol i katim pinis long tripela hap na i slipim ol sida diwai olsem ol i wokim long bikples bilong tempel bilong God Yawe na ples bilong go insait.
13
King Solomon i salim ol man long Taia na ol i kisim Huram i kam.
14
Mama bilong Huram em i bilong ol lain Naptali, Man bilong em i dai pinis na papa bilong em i man long ples Taia, em man i save wok wantaim brons. Huram i pulap long gutpela save na tingting long mekim bikpela wok wantaim brons. Em i kam long King Solomon long mekim wok long brons long King.
15
Huram i bilasim tupela pos long brons. Longpela hap bilong en i go antap em 8 mita na 5 mita na 30 sentimita i raunim.
16
Em i wokim het bilong tupela pos long brons ol i polisim pinis.Longpela bilong tupela inap olsem 2 mita 20 sentimita.
17
Em i wokim ol sen long bras long hangamapim long ol het bilong ol pos, 7 pela long wanwan het.
18
Olsem na Huram i wokim tupela lain bilong pomigrenet raun long tupela het long bilasim tupela.
19
Ol het i stap long ol pos i stap long dua bilong go insait ol i bin bilasim long ol lili flawa na 1 mita 80 sentimita i go antap.
20
Long het bilong tupela pos klostu long pinis bilong en, ol i bin wokim 2 handred lain long diwai pomigrenet i raunim tupela pos.
21
Em i sanapim dispela tupela pos klostu long dua . Wanpela i stap long han sut ol i kolim Jakin, na narapela long han kais ol i kolim Boas.
22
Bilas ol i bin mekim antap long het bilong tupela pos i olsem ol lili flawa.Ol i bin bilasim tupela pos long dispela kain rot.
23
Huram i wokim bikpela tenk wara long bras. antap bilong en, em 2 mita 20 sentimita na bikpela bilong en inap 4 mita 40 sentimita na sait bilong en em 13 mita na hap sentimita i raunim.
24
Arere long het bilong tenk em i wokim tupela lain piksa bilong kukamba i raunim em na namel long olgeta hap mita mak i gat tenpela piksa i stap. Tasol em i no wokim dispela piksa. Nogat. Taim em i wokim tank em i wokim pinis long en.
25
Tenk i sindaun antap long baksait bilong ol 12pela bulmakau man, tripela i lukluk i go long hap not, tripela i lukluk i go long hap san i go daun, na tripela i lukluk long saut, na tripela i lukluk long hap san kamap. "Tenk" i sindaun baksait long ol na olgeta baksait i stap insait.
26
Mak bilong tank long ausit i go insait em i bikpela olsem han bilong man, na antap arere bilong en i olsem maus bilong kap na i olsem lili flawa. Tenk i holim 4000 lita wara.
27
Huram i wokim 10 pela lek long brons. Olgeta lek i gat wankain mak 1 mita 80 sentimita bikpela bilong en, na antap bilong en em 1 mita 80 sentimita.
28
Wok bilong ol lek em i olsem. I gat hap bras ol i putim namel long bokis,
29
na long hap bras na bokis bilong en em i gat piksa bilong ol laion, bulmakau na ensel. Antap na aninit long ol laion na bulmakau. Em i bilas mak, hama i wokim.
30
Olgeta lek bilong tenk i gat 4 pela bras wil na sap, na ol 4-pela kona i gat sapot aninit long dis. Ol sapot bilong en i gat bilas long sait long olgeta wanwan.
31
Dispela bras i raunpela olsem ring, na ol 4 pela pos i holim em. Na bikpela bilong en em 1 na hap mita. Long bikpela bilong en em i wokim ol piksa na hap bras ol i holim em i holim 4 pela kona, i no raunpela.
32
Ol wil i stap aninit long stretpela hap na spes na sap i holim ol wil na i stap insait long karamap bilong en long lek .Na antap bilong wil bilong en em 1 mita na hap.
33
Ol wil i go pas na haus na rim na hab i olsem wil bilong karis. Ol haus bilong em, ol rim, ol spoks na hab i olsem wil bilong karis na ol i wokim long ain ol i lusim long en..
34
I gat 4 pela hendel long 4pela kona bilong leg, na putim i go insait long leg yet.
35
Antap long het bilong lek i gat hul 1 mita i go insait long em na antap long leg ol putim tu samting bilong strongim.
36
Long het bilong pos arere tru long strongim, Huram i wokim piksa bilong ensel, laion, na pam diwai em long pinisim spes i stap antap na raunim wantaim ol flawa.
37
Em i wokim 10pela lek long dispela kain pasin. Long wokim na long sais, na kain samting olgeta i wankain tasol.
38
Huram i wokim 10pela dis long brons. Wanwan dis inap holim 800 lita wara. Bikpela bilong wanwan dis em i 1 mita 80 sentimita na i gat dis long olgeta 10pela lek.
39
Em i wokim 5pela lek long saut i lukluk i go long tempel na 5pela long sait not i lukluk i go long tempel. Em i sanapim tenk long kona long hap san kamap, na em i lukluk i go long saut bilong tempel.
40
Huram i wokim bikpela dis na savol na liklik dis bilong kisim wara na tromoi. Nau em i pinisim olgeta wok em i mekim long King Solomon long tempel bilong God Yawe;
41
Dispela tupela pos, na tupela het olsem dis istap antap long tupela pos, na tupela lain piksa long karamapim tupela dis olsem het i stap antap long ol pos.
42
Em i wokim 400 pomigrenet long tupela het na pos em i wokim (tupela raun long karamapim na bilasim tupela het olsem dis i stap long tupela pos)
43
10 pela lek, na 10 pela dis i stap antap long dispela lek.
44
Em i wokim traipela dis na i kolim em olsem,"Solwara" Na i sindaunim em antap long baksait bilong 12 pela bulmakau i stap aninit,
45
na tu ol pot, savol, dis na ol narapela samting. Huram i wokim long bras ol i polisim pinis bilong King Solomon na long tempel bilong God Yawe.
46
King i bin putim long stretpela hap bilong Jodan long graun i gutpela namel long ples sukot na Sarefat.
47
Solomon i no skelim ol samting long haus long wanem em i planti tumas. Na tu hevi bilong brons i hevi tumas we ol ino inap long skelim. .
48
Solomon i wokim olgeta samting long tempel bilong God Yawe wantaim gol. Gol alta na gol tebol bilong putim bret long makim presens bilong bikpela..
49
Ol lek bilong lam, ol i wokim 5 pela long han sut na 5 pela long han kais, long rum insait, em ol gol tasol, na ol flawa, ol lam, na bikpela sisis bilong holim ol samting em tu gol tasol.
50
Solomon i bin wokim tu ol kap, ples bilong putim ol lam, na ol dis, ol spun, na ples long kamapim smuk em bai i givim smel, olgeta wantaim em i bin mekim long gol tasol. Em i wokim ol hins bilong ol dua long rum insait ( we em i ples tambu tru), na long ol dua bilong bikpela ples long tempel.
51
Long dispela rot tasol Solomon i tokim ol wok man bilong em na ol i wokim olgeta samting em i bin ting long wokim long haus bilong God Yawe na i pinisim. Solomon i bringim ol samting papa bilong en Devit i bin putim long sait na silva na gol na ol samting long haus na putim wantaim long haus bilong God Yawe.