¹ Ol pikinini man bilong Ruben, namba wan pikinini man bilong Israel, Ruben em i namba wan pikinini man bilong Israel, tasol dispela namba bilong em ol i givim i go long ol pikinini bilong Josep pikinini man bilong Israel long wanem Ruben i bin bagarapim bet bilong papa bilong em. Olsem na em i no gat ol ripot bilong em olsem namba wan pikinini man. ² Juda em i strongpela man namel long ol lain brata bilong em na wok lida inap kamap long em, tasol namba em i bilong Josep- ³ ol pikinini man bilong Ruben, namba wan pikinini man bilong Israel em, Hanok, Palu, Hesron na Kami. ⁴ Em ol tumbuna bilong Joel, Semaia em i pikinini man bilong Joel. Gok em i pikinini man bilong Semaia na Simei em i pikinini man bilong Gok. ⁵ Maika em i pikinini man bilong Simei, Reaia em i pikinini man bilong Maika na Bal em i pikinini man bilong Reaia. ⁶ Bera em i pikinini man bilong Bal na Tiklat Pilesar, king bilong Asiria i bin kisim em i go kalabus. Na Bera i kamap hetman bilong ol lain Ruben. ⁷ Bera femeli i kamap stret long dispela lain, i kamap long ol tumbuna lain bilong ol i stap long rekot, Jeiel em lida, Sekeraia na ⁸ Bela em pikinini bilong Asas pikinini bilong Sema pikinini bilong Joel. Ol i stap long Aroer, I go inap long Nebo na Bal Meon ⁹ na long san kamap ol i stat long ples drai i go moa inap long Ufretis Wara. Long wanem ol i gat planti bulmakau insait long graun bilong gileat. ¹⁰ Long ol de bilong Sol, ol lain bilong Ruben i pait long Hagrit na winim ol. Ol i stap insait long sel haus bilong Hagrit long olgeta hap graun long san kamap long Gileat. ¹¹ Ol lain famili bilong Gad i stap klostu long ol, insait long graun bilong Basan i go inap long Saleka. ¹² Joel bin stap hetman bilong ol, Safam bin stap namba tu bilong em na Janai na Safat insait long Basan. ¹³ Ol famili lain bilong ol i kam long famili bilong papa bilong ol, em Maikol, Mesulam, Seba, Jorai, Jakan, Sia na Eber, 7-pela lain olgeta. ¹⁴ Nem bilong ol dispela lain antap em ol tumbuna lain bilong Abiail na Abiail em pikinini man bilong Huri. Huri em i pikinini man bilong Jaroa. Jaroa em i pikinini man bilong Gileat. Gileat em i pikinini man bilong Maikol. Maikol em i pikinini man bilong Jesisai. Jesisai em i pikinini man bilong Jado. Jado em i pikinini man bilong Bus. ¹⁵ Ai em i pikinini man bilong Abdiel na em i pikinini bilong Guni, em i hetman bilong famili bilong ol papa lain bilong em. ¹⁶ Ol i stap long Gilet, insait long Basan, long dispela taun na insait long olgeta graun i gat gutpela gras long Saron i go inap long namel long mak bilong en. ¹⁷ Dispela olgeta stori ol i raitim em i kamap long taim bilong Jotam king bilong Juda na Jeruboam king bilong Israel. ¹⁸ Ol lain long Ruben, Gadits na ol hap lain bilong Manase em 44,760 soldia i lainim long pait, husat ol i ken karim hap plang, bainat na husat i ken sut long bunara. ¹⁹ Ol i pait wantaim ol lain Hagrit, Jetur, Nafis na Nodab. ²⁰ Ol i kisim helpim bilong God na pait long ol. Long dispela rot tasol, ol Hagrit na ol lain husat i stap wantaim ol tu ol i kilim ol. Long wanem ol Israel i krai i go long God insait long pait na em i harim ol, long wanem ol i putim tingting insait long em. ²¹ Na ol i kisim ol animol bilong ol, wantaim 50,000 kamel, 250,000 sipsip, 2,000 donki na 100,000 man. ²² Planti i bin lus, long wanem pait em bilong God. Ol i stap insait long graun bilong ol inap ol i go long kalabus. ²³ Na hap lain bilong Manase i stap insait long graun bilong ol Basan i go inap long Bal Hermon na Senir [dispela em, Maunten Hermon.] ²⁴ Dispela em ol het man bilong haus bilong papa bilong ol, Efer, Isi, Eliel, Asriel, Jeremaia, Hodavia na Jadiel. Em ol strongpela man, ples klia man na ol hetman bilong haus bilong papa bilong ol. ²⁵ Tasol ol i no bilip long God bilong tumbuna bilong ol. Ol i lotu long god giaman bilong ol manmeri bilong graun, husat ol God i bin bagarapim ol pinis. ²⁶ Na God bilong Israel i stiaim Pul king bilong Asiria i go antap (narapela nem bilong en Tiglat-Pileser, king bilong Asiria). Em i kisim ol i go insait long rausim ol Ruben, Gadit na ol hap lain bilong Manase. Em i kisim ol long Hala, Hobor, Hara na long wara bilong Gosan, inap nau ol i stap long dispela hap.