¹ Ol tumbuna bilong Juda em, Peres, Hesron, Karmi, Hur na Sobal. ² Sobal em papa bilong Reaia. Reaia em papa bilong Jahat. Jahat em papa bilong Ahumai na Lahad. Dispela em ol lain tumbuna bilong ol Sorat. ³ Dispela em ol tumbuna bilong ol lain tumbuna i stap insait long biktaun bilong Etam: Jesril, Isma na Idbas. Nem bilong susa bilong ol em Aselelponi. ⁴ Peniel em i tumbuna i kam long ol lain tumbuna i stap insait long biktaun bilong Gedor. Esa em i kamapim ol lain tumbuna bilong Usa. Dispela em ol tumbuna bilong Ur, namba wan pikinini bilong Efrata na Betliem em i as ples tru bilong ol. ⁵ Asur, papa bilong Tekoa i gat tupela meri, Hela na Naara. ⁶ Nara i karim Ausam, Hefa,Temeni na Hahastari. Dispela em ol pikinini man bilong Nara. ⁷ Ol pikinini man bilong Hela em Seret, Sohar, Etnan, ⁸ na Kos, husat i kamap papa bilong Anub na Hasobeba, na bilong ol lain tumbuna i kam long Aharel, pikinini bilong Arum. ⁹ Jabes i daunim em yet moa long ol brata bilong em. Mama bilong em i kolim em Jabes. Em i tok, "Long wanem mi karim em wantaim pen." ¹⁰ Jabes i singaut i go long God bilong ol Israel na i tok, "Sapos yu inap blesim mi tru, surukim mak bilong graun bilong mi i go bikpela na han bilong yu bai stap wantaim mi.Taim yu mekim olsem, yu bai banisim mi long ol bagarap na bai mi no gat pen" Orait God i bin bekim prea bilong em. ¹¹ Kelub, brata bilong Suha i kamap papa bilong Mehir, husat i kamap papa bilong Eston. ¹² Eston i kamap papa bilong Bet Rafa, Pasea naTehina, em papa bilong Ir Nahas. Dispela em ol man i bin stap long Reka. ¹³ Ol pikinini man bilong Kenas em Otniel na Seraia. Ol pikinini man bilong Otniel em Atat na Meonotai. ¹⁴ Meonotai i kamap papa bilong Ofra na Seraia i kamap papa bilong Joab, husat i kamapim Ge-Harasim, em ol dispela man ol i save wokim ol samting long han bilong ol. ¹⁵ Kaleb em pikinini bilong Jepune. Na ol pikinini bilong Kaleb em Iru, Ela na Nam. Pikinini bilong Ela em Kenas . ¹⁶ Ol pikinini bilong Jealelel em Sip, Sifa, Tiria na Asarel. ¹⁷ Ol pikinini man bilong ¹⁸ Esra em Jeta, Mered, Efa na Jalon. Meri bilong Mered em meri Isip na em i karim Miriam, Samai na Isba, husat i bin kamap papa bilong Estemoa. Dispela em ol pikinini man bilong Bitia na em i pikinini meri bilong Fero, husat em Mered i bin maritim. Meri bilong Mered em meri Juda na em i karim Jered, husat i bin kamap papa bilong Gedor; Heba i kamap papa bilong Soko na Jekutiel i kamap papa bilong Sanoa. ¹⁹ Namel long tupela pikinini man bilong meri bilong Odia, wanpela i kamap papa bilong Keila, em man bilong Gam. Narapela em Estemoa, man bilong Makat. ²⁰ Ol pikinini man bilong Simon em Amnon, Rina, Ben-Anan na Tilon. Ol pikinini man bilong Isi em Sohet na Ben-Sohet. ²¹ Ol tumbuna lain bilong Sila, pikinini man bilong Juda, em Er papa bilong Leka, Lada papa bilong Maresa na ol tumbuna bilong ol lain manmeri bilong wokim ol laplap long Bet Asbea, ²² Jokim, em man bilong ples Koseba na Joas na Sarap husat i bin kamap olsem hetman bilong ol lain Moab na Jasubi Lehem.(Dispela toktok i kam long stori bilong ol lain tumbuna). ²³ Dispela em ol lain husat i save wokim samting wantaim graun ol i stap long Netaim na Gedera na mekim wok bilong king. ²⁴ Ol tumbuna lain bilong Simion em Nemuel, Jamin, Jarib, Sera na Saul. ²⁵ Salum em pikinini man bilong Saul, Mibsam em pikinini man bilong Salum na Misma em pikinini man bilong Mibsam. ²⁶ Ol tumbuna lain bilong Misma em Amuel pikinini man bilong em, Saku em tumbuna man bilong em na Simei em i tumbuna bilong tumbuna pikinini bilong em. ²⁷ Simei i gat 16-pela pikinini man na 6-pela pikinini meri. Ol brata bilong em ol i no gat planti pikinini, olsem na namba bilong ol lain tumbuna bilong ol i no planti, olsem ol Juda i gat. ²⁸ Ol i stap long Biaseba, Molada na long Asa Sual. ²⁹ Ol i stap tu long Bila, Esem,Tolad, ³⁰ Betuel, Homa, Jiklak, ³¹ Bet Makabot, Asa Susim, Bet Biri na Saraim. Dispela em ol biktaun bilong ol i go inap long taim Devit i kamap king. ³² Ol 5-pela ples bilong ol em, Etam, Ain Rimon,Token na Asan, ³³ wantaim ol ples i stap klostu, i go inap long Balat. Dispela em ol ples ol i stap long en, na ol i raitim na lukautim femili stori bilong ol. ³⁴ Ol hetman bilong ol lain wanblut bilong ol em, Mesobab, Jamlek Josa pikinini man bilong Amasia, ³⁵ Joel, Jehu pikinini man bilong Josibia pikinini man bilong Seraia pikinini man bilong Asiel ³⁶ Elionai, Jakoba, Jesoaia, Asaia, Adiel, Jesimiel, Benaia, ³⁷ Na Sisa pikinini man bilong Sifi, pikinini man bilong Alon, pikinini man bilong Jedaia, pikinini man bilong Simri na pikinini man bilong Semaia. ³⁸ Dispela ol i kolim nem bilong ol, em ol hetman bilong ol insait long wanblut na ol dispela lain bilong ol i go kamap bikpela tru . ³⁹ Ol i go klostu long ples Gedo long hap san kamap long ples daun, long painim gras bilong ol sipsip bilong ol . ⁴⁰ Ol i painim planti gutpela gras.Graun em bikpela na gutpela, nogat nois na trabel. Ol lain Amit i bin stap bipo long dispela hap. ⁴¹ Dispela ol lain i bin kisim nem bilong ol, em ol i bin kam long taim bilong Esekia king bilong ol Juda, na pait wantaim ol Amait long ples ol i stap long em na ol Meun, ol lain Meun tu i bin stap long en. Ol i bin bagarapim ol gut tru na kisim ples bilong ol na ol i bin stap long dispela hap long wanem ol i painim gutpela gras bilong ol sipsip bilong ol . ⁴² Long ol, ol pikinini man bilong Simion, 500 man ol i go long Maunten Seir wantaim Pelatia, Nearia , Repaia na Usiel, ol pikinini man bilong Isi, ol i bin stap olsem ol hetman bilong ol . ⁴³ Ol i bin winim olgeta lain Amelek na ol i kisim dispela ples na ol i stap long en i kam inap nau.