¹ Taim i kamap na long dispela taim tasol, ol King i save i go long bikpela pait. Joab i kisim ol ami i go long dispela bikpela pait na bagarapim graun bilong ol Ammon. Em i go insait long Rabba na pait wantaim ol. Devit i stap bek long Jerusalem na Joab i go pait na i winim Rabba. ² Devit i kisim Het King long het bilong King bilong ol na em i painim aut olsem i gat gutpela gol we i gat hevi bilong en na ol sampela naispela ol ston wantaim. Dispela Het King ol i putim antap long het bilong King Devit na ol i kisim bikpela moni, kaikai na ol samting bilong dispela bikpela taun i go aut. ³ Em i kisim ol manmeri husat i save stap insait long bikpela taun i go autsait na em i tok strong long ol i mas wok hat wantaim ol so, ain, stik na akis. King Devit i laikim olgeta biktaun bilong ol lain Ammon long mekim dispela wok. Orait King Devit na ol ami bilong em i go bek long Jerusalem. ⁴ Bihain long dispela pait, narapela bikpela pait tu i kamap namel long ol lain Gesa na Filistia. Sibekai ol Ushat i kilim Sipai, wanpela bilong ol lain tumbuna bilong Rephaim na ol Filistia i kam aninit long ol. ⁵ Narapela taim ken em i kamap namel long Filistia na Gop bikpela pait i kamap namel long ol Filistia long Gop. Orait Elanan pikinini man bilong Jair bilong lain Betlehem i kilim Lami brata bilong Goliat bilong lain Gittai, husat i gat bikpela na strongpela spia bilong pait. ⁶ Em i kam long narapela bikpela pait long Gat na long hap i gat wanpela bikpela longpela man husat i gat 6-pela pinga long han na 6-pela pinga long lek. Em tu i kamap long lain tumbuna bilong Rephaim. ⁷ Taim em i tok pilai long ol ami bilong Israel, Jeonadab pikinini man bilong Simea, brata bilong King Devit, i kilim em i dai. ⁸ Dispela em ol lain tumbuna bilong Rephaim bilong Gat na ol i bin dai long han bilong King Devit na ol ami bilong em.