¹ Taramo enta aitaromanta Kariri batuka Kanaini nata baati ireka iara'i Ihura noba bata bira'ira baura. ² Bika Ihura batake bira kai'a bainti nareha nata baati iara bira'i aniate ti. ³ Waini namai tai'a bubaro, Ihura noba bira tibamiro tiharo, "Kiama bika waini namai batabo." ⁴ Ihuba bira tibamiro tiharo, "Nahenti baubao, kia bira ti kai'aube, Te bihaikara mintiaira entaba kiama anibo." ⁵ Ihura noba kai'a bainti tibanimiro tiharo, "nanahikarae biba niara mintiate tira, ne bira abatakema mintiate tiro. ⁶ Ori kure 6nabu'i Juda nai okara abatake namai tuntireka ka'a batara baura, bohau bohau ori kure bano 120 lita mamai uatora. ⁷ Ihuba bika tiba nimiro tiharo, Eka bi kurera namai ihia mpi'e kate tiro, tumant bika eka bi kurera namai ka'a mpi'eke batobaro. ⁸ Ihuba nai kai'a bainti tiba nimiro tiharo, "Hinikira bare kara'a ra'ikina baintira buru amiate tiro," minti tumanta bika bare bura. ⁹ Kara'a ra'iki baintiba namai bira waini'a bira neharo tabora, biba kiama tabaibo bi wainiba taihairoe anira (Iboma kai'a bainti taukae namai bare aniaka bika'ima tababo) biba nata baati iaina baintira arero, ¹⁰ bira tibamiro tiharo, "eka bainti abuni ko'ei wainira nimiamanta namanta, nantiara orai'ira nimibariarabe. Mintiba are ko'e waini a'i batanama, batehira barera aniaro." ¹¹ Bira abuhaina mirikori Ihuba Kariri batuka kanaini mintura biba nai nora autu umi'eharo, biba bihaikara mintumanta Ihura nai kai'a bainti bata tabe bira'a mara'ura utura. ¹² Bira nantiara Ihuba nai noo kantiro Kapeniamuni utubura, bira ata bakauka bata bira kai'a bainti bata bo entanabu mini bauro. ¹³ Juda batana behakua nimito entaba aumai'ubaro Ihuba Jerusaremini orubura. ¹⁴ Mini orubiro Ihuba tabo manta bainti kau bata sipisipi bata antau bihaikara mono nabu'i maketi'i baura. Mone nimiha barebaria baintika bata o'ubi baura. ¹⁵ Mintibaro Ihuba kempuka na'unta barakero buntakero mono nabu'i eka bainti bata sipisipi bata kau bata ruha'iro baha'aini beba kora. Mone nimiha barebaria baintika tainta bata raurikora. ¹⁶ Antau nimiha mone barebau baintikara bata tiharo, ne ma'ihai bihaikara bare bebare buate tiro, kia ne ti Ora nabu barake maketi nabu bo'ara kate tiro. ¹⁷ Bira kai'a bainti bo uba Kotira aratanu'i bai ubara iribibike tiha, "Te ai nabuara bo'akema antu'aruro, mintima te kempu kai'ake kai'a barairo bi nabuba ko'ebiro bariairerabe." ¹⁸ Mintumanta Juda iata bainti bi ubara iri bika ire tiha, Are nana mirikori mintihae tinabu umi'era tiha Kotiba ai makimi'a tero bihaikara mintiane tibabe tirabe?" ¹⁹ Ihuba anirantero bika tibanimiro tiharo, "Mono nabu maara rakabu kai'e te taramo entanabu'ima anirante ka'akarabe tiro." ²⁰ Ihuba mintituma Juda iata bainti tiha, 46 ihi barake ma mono nabura ka'atarabe are hoe taramo entanabu i'ai ka'akenarabe? ²¹ Iboma, Ihuba kia mono nabuara tiraube, biba nai baatara tu'antake tirabe. ²² Biba nantiara a'i hipuaina birara tirabe, biba minti tumanta bira kai'a bainti baka bi ubara tura bika anirante irurabe, bika Kotiba uba tiba taira'a mara'ura utiha Ihuba uba tura'a bata mara'ura utura. ²³ Ihuba Jerusaremini baubaro behaku nimito enataba anubaro biba mirikori mintumanta bainti nahenti tabe bika bira autu'a mara'ura utura. ²⁴ Mintubaro Ihuba kia bika'a mara'ura utura, bira nanare biba baaka bika irirahika'i tabakero. ²⁵ Biba kia irirahikara abo'iro bo bainti bano bainti okarara bira tibamianaro. Biba naima bika irirahika'i tabora.