¹ Pairati bano tumanta Ihura bitaburuke bika kabu barake bira arura. ² Huru bainti au'u bai na'untara barake kini hati bo'ara buntake bika Ihura iata'i batora, aha'o utaba'a bira autu amitora. ³ Bika bibinai ani bira karana'a uba tibamiteha, "Ko'e kuari'abe ti, Juda batnaka Kini baubo ti!" Miniti tiha bika bira ru'uti baura. ⁴ Pairati bano baha'a bebarero bika tibanimiro tiharo, "Tabate, te ma bi baintira bita bebakai ne tabaterabe kiama te a'u hika bira'i rantauro baibo." ⁵ Ihuba bebarobo, biba au'u bai na'untara kini hati bo'ara kero aha'o utaba'a batakero bira autu amitora. Pairati bano bika tibanimiro tiharo, "Ma birabe, bi baintirama tabate!" ⁶ Iata bainti bata huru uata baintika bata Ihura tabe, bika naberai tibake tiha, "Taurinia katari'a hiritate ti!" Pairati bano bikara tiharo, "Ne nenta bira bitake taurinia katari'a hiritate tiro, kiama te a'u hika rantake tabauro bira'ira baibo tiro." ⁷ Juda batanaka Pairati tibami tiha, "Tenabu bo lo batauro bi loba tiharo birara utuairema tibo, bira nanare, biba naima tiharo te Kotira ma'ubema tibo." ⁸ Pairati bano bi ubara iriro, biba bo'akero etero, ⁹ biba kabanara nora nabu'ira ori'etero e'a Ihura iramitero tiharo, "Are ta batukai haira aniarabae iaro?" Tubaro Ihuba bira uba boru bata kia tibamura. ¹⁰ Bira nantiara Pairati bano birara tiharo, "Are nantibae kia ti tibatimiaro tiro? Kiae are tabaro tema eka aikaro batauro ai a'i barabeba kaina'a bata taurinia katari'a hiri taina'a bata?" ¹¹ Ihuba bira tibamiro tiharo, Mintiro bi aikarora Kotiba kia ai amira, kiama are ti ra'iki tenarabe. Mintiboma bainti tabae ti ai kau'u'ira amiba, biba aia kumi bata atarakero nora kumima autu kaibo." ¹² Ihuba bi ubara anirantero tubaro, Pairati bano bira a'ira barakare tiro, tumanta Juda batanaka naberai tibake tiha, "Are bi baintira a'ira kairo birera, kiama are Sisara ara'o bano bainarabe ti. Bainti bano nariara tiharo te kinikabe tiraba, biba Sisara nabutabama barianarobe. ¹³ Pairati bano bi ubara iriro, biba Ihura bara beba kobaro. Pairati bano siasira tainta'a o'u biro baura, bi batukarara tiha 'Poroa Oribe tu batukara'a." Hiburu uba'i hairo tiharo, "Kabata batukabe tu batukara'a." ¹⁴ Bate Nora Pasoba heno'i Entaba anumanta, bira 12-kiroki bero'ata. Pairati bano Juda batanaka tibanimiro tiharo, "Ne tabate, ma ni kinibama ibo!" ¹⁵ Bika naberai tibake tiha, bira a'ini bara bebakera, barakairo bira, taurinia katari'a hirikate!" Pairati bano bikara tiharo, "Te ni kinira taurinia katari'ae hirikarabe?" Minti tumanta Pirisi iata bainti bira anirante tibami tiha, "kiama tinabu kiniba bo bano baibo ti. Sisara bohaube ti." ¹⁶ Mintubo Pirati bano Ihura bika kau'u'ira komanta bika niri utubare bira taurinia katari'a arura. ¹⁷ Mintumanta bika Ihura baha'a bitabeba kobaro, biba nai taurinia katari a'u barero, biba bi Batukarara tiha "Bainti Iata Buharibe tibariara'a orubura," Hiburu uba'ihai "Kolkotabe tiara'a." ¹⁸ Bika niri nohai Ihura batake tara bainti aruke, bo bainti hini bantarai bo banti hini bantarai hirite IHura abuta'a hiri tora. ¹⁹ Pairati bano tumanta bika bo uba bata araruake taurinia katari'a batora. Uba bira araruatoba mantiro baura, ''NASARETINI HAINA IHURABE, JUDA KINIRABE TI. ²⁰ Juda batanaka airutaha bi ubara kararuake tabora, bira nanare, IHura taurinia katari'a hirito batukaba nora tauni aumanto baumanta. Bika bi ubara araruake, Hiburu uba'ihai bata, Latini uba'ihai bata, kiriki uba'iha bata araruake batora. ²¹ Nantiara Juda piris iata bainti Pairati tibami tiha, "Kia are mintiakera araruane, 'Juda kinirabe tiane ti, 'Are mantiakera araruane, 'Ma baintiba tiharo, "Te Juda kinikabe tirabe." ²² Pairati bano bika tibanimiro tiharo, "Te nanaha ararua tauna, te araruama tauro." ²³ Huru bainti Ihura taurinia katari'a arute, bika bira utaba'a barake 4-nabu'a tu'abuke. Bohau bohau huru bainti bohau bohau barora, bika bira sioti bata barora. Bi siotira bukai utaba'a'a aututabo kia ha'iruata bara'uba bata baira. ²⁴ Bika naii abutana nariara nariara tiha, "Kia tenabu sioti upaniare ti, minti'e tenabu satu ruhairo tabae baraire ti." Bihaikaba obarai'ura aratanu'ira Kotiba uba tibataira mpi'a kora, "Ti utaba'a naii abutana tu'abukema satuma ruhebarabe. ²⁵ Huru bainti bihaikara mintura. Bi entara Ihura noba bata, Ihura nora bira aura nakaba Mariaba Kiropasira natabano bata, Maktaraini haina Mariaba bata, hinikia nahentika bata Ihura taurinia katari aumanto himpi baura . ²⁶ Ihuba nai nora bata bi kai'a baintira bo'akero antu'ari bauba, bika aumanto himpi baubaro, biba nai nora tibamiro tiharo, "Nahenti baubo, tabane, ma bira ai baiintibe!" ²⁷ Nantiara biba bi kai'a baintira tibamiro tiharo, "Tabane, ma ai norabe!" Bi entara'i, Biba Mariara ra'ikireba bitabarero nai nabu'ira bura. ²⁸ Bira nanatiara, Ihuba tabobaro bira eka kai'a bano tai'a bura, Kotiba baka uba tibatora u'ai'a kora, "Ti aunta bano aharu'aibo." ²⁹ Kure bo'ira hunkabi wainiba mpi'a biro aumantoka baura, bika hisopu katari kara barake spanisi waini batakero mpi'a bura bara bini'ake bira no'ira batora. ³⁰ Ihuba bi wainira namakero tiharo, "Bira tai'aibo tiro." Bira iata bano hi'irubaro biba utura. ³¹ Sabati'a ekahika heno'i entaba anumanta, Juda batanaka kia bira baata bano taurinia katari'a hiribiro bariaire ti. Bira nanare, bi entara Sabati enta nai nora entabe. Mintumanta Juda batanaka Pairati iraibo taurinia katari'a hirita baintika ai'u rauhaira bika utu bibera bika totara bira baata bi'u muntubi kareka. ³² Mintumanta huru bainti ani abuni bai baintira bata nantiarai bai baintira bata Ihura batake taurinia kari'a hiritora bikahanta ai'u rauha kora. ³³ Bika Ihura'a ani, tabobaro biba utu bura, mintumanta bika kia bira ai'u rauhora. ³⁴ Ibo huru bainti bo bano Ihura ta'eni beba nohairo raponta kobaro nare batakero namai bano rauru bura. ³⁵ Bainti tabae bihaikara taboba, biba tiba kora, eka bira u'abe. Biba naima tabaibo nana uba biba tibo u'ai'ira, mintira ne bata mara'ura utuaterabe. ³⁶ Bihaikaba obariro Kotiba tibatai ubara mpi'a kora, Kiama bira buhari bano rauhanarobe tura." ³⁷ Kotira uba bobano bata mintiroma baibo, "Bika bi baintira rante'aira batama tabebarabe." ³⁸ Bihaikara nantiara, Jesepiba Arimatia bainti bano, biba IHura kai'a bainti bano, biba Juda batanakara etakero kuke'a biro, biba Pairati ani irero Ihura baata barareba. Pairati bano tiharo hobe barenabe tiro. Mintubo Josepiba Ihura baata barero bura. ³⁹ Nikodimasiba bata anura, baka biba Ihurai enta'ira anu baintiba. Biba ko'e unta bai bahaberara mia'a bata aloe katari'a bata aututara bare anura. Bira mara bano baireba 30 kiro baura. ⁴⁰ Bika Ihura baata barake bukai utaba'a nohai bahabera batake rumpa mitora, bika bira mintiara nai Juda bainti uti bariamanta unte baria okarara'a mintura. ⁴¹ Ihura taurinia katari'a hiritora bira auma'ata, bo naho baura. Bi nahora'i araka matimati kia bo bainti bata unto matimatira baura. ⁴² Bira Nora Pasoba Enta erairo Juda batanakaini aniairaba baubaro matimati bata aumanto baura. Mintumanta Ihura baata bi matimatira'ira batora.