¹ Semi amonewaunam Sipsipi aga ano sevenia buku wapike mana buku diyemi. afo, intewaunami mana yepike eliwa afa safura mano aravoka iyimi inaru a'yanta sire semi "Yeno". ² Semi amoneu mana efar osimi. Mini naro kumakayimi ayapim isanta fakarukami, anoka Kinuyi ata u'akaruka. Bemi yema masiden aruvinti yakagamise inae'm aruvintimba yakagara yowarewa. ³ Mini gana sipisipi aga ano ena afaun yaumi diyemi, semi intewaunam ena afa safuramano (2nd) semi "Yeno". ⁴ Aka i'naemi ena igayanta kewan nare osimi yema fawaremi. mini naro kumakayimi amimi mana magaga ara faru anene manta fasa danana minifi wam inim waitayu yeyiranti yiruwure yiruma fugogo. Mini naro kumakayimi anona soparo amiruka. ⁵ Afo sipisipi aga anomi gamore yaumi diyemi. semi intewaunami ena afa safuramano (3rd) semi, "Yeno." Semi mana Kumayu osimi amone;'u mini naro kumakayimi sigeli ayapimi fakaruka. ⁶ Semi inte waunami (4th) eriwam safuramano aram baya yenyiwanapake remi, semi mana nura manoni yogantanoni meyami, mini amakai mana witi manoni umariuga. mana nuramanoni meyamano amaka kamore kilo manoni umanampa mana u'ga. Minugafo wasave nampa wainimi ana bu gaono,. ⁷ Afo sipisipi aga anomi eliwa yaumi diyemi, semi inte'u eriwaka wam afa safura mano semi, "Yeno." ⁸ . Minigake i'nae'mi semi mana grei osimi amone'u wata mini amuga kumakami ben avi'i Fuginti, wafa fukam waitayuyi magu mano ben aneka awakurewa. Yemi nampami mana magaga dafisinoya yimidemi watanasi soparo nako yiruma fudem, anon antaro nampa savi aianene nampa mana magafikena afa safuramano. ⁹ Afo sipisipi aga ano diyemi mana siyan afaunti, semi kantata ya amenapa amone''u wata yimamamii feyapaose yiruma fudukam, nayeyara yemi Kotin'a siyimevemi asintim eran duka. ¹⁰ Yemi erarure aravoka ruremi semi, item waitamanowafi masiden anenega'o dafisemotemi, emi atekemi masidepa fugasiga. Nade kanawa fa wanawa emi yema watanasiyi anta dayintewa meyami mana magaga watamo yiruma fudukam yimiteve ? ¹¹ Naemi yemi yimiduka mana iya efam wa'do, mana mana wayi. yemi yiyimiduka yigemi sitoka dafisewana masidem yigenti mana yogam waitayu nampa afa wawa, aunanamose wafa'o yiruma fudukam . ¹² Afo sipisipi aga ano afaun yaumi diyemi mana siyamifo afapake mana semi amonewaunami anona magunti demi. A'i gewayi kasi wadoyi imi biyomano nareyi emi. ¹³ Maside ofu yu ano fafase kumemi makafim, fiki agamo bu afugagemo fafasini emi. erar susuwamano yema avekemi. ¹⁴ Inarumano kipami yuwasiganta rada'imi, Maside anuyu nampa ailani yu yemi makumi yeraremi bovemo ¹⁵ Naemi mini madem mana magaga kimanon nampa yivi dukam watanasi nampa ami dafisiru wa, amuna anene dukam waitayu wa, eram waitayu wa, masidem watanasiyu famo yogewam nampa fa wam waitayu. ano anu aifim o'nafa ayipipa ayofage wam. ¹⁶ Yemi mini waitayu ano anumano nantawa omanonanti semi, kide kuma senu timuga fikasikare iyemo sagoka kumakemo wam waitamano orasipa ayofasikano, sipisip aga anoni simamuyanti. ¹⁷ Nayeyara mini anona nurami yenti ara anene ba yigafo. . iyewa itama erariteve.?