¹ Naemi semi amonaunami eriwam ankero anomi erewam konaga itare wai mana maga,yemi susuwami yewan agipai eriwa konaga mana magaga nampa sorinomba,maden ya,anta. ² Semi ena ankero afau urewapake urewai amone,mini ankero Kotini afaunti makayimi, eraruremi aramanti eriwam ankero yugukanti semi eyowaya matukayi magawa sorinom savi inanim. ³ Magami, yami, sori nomi anami buwai karukanagai semi sesi yogam waita yinokai afauti agantana waminono. ⁴ Semi intaunami wata nasi Kotini nampa rukayi, mini nampa yemi rukayimi 144,000 nia masidem Israeli akupikena wata anasi. ⁵ Mini akupikemi 12,000 nia Juda wata anasi, 12,000 nia Rubenini akupike, 12,000 nia Gadi akupike, ⁶ 12,000 nia Asani akupike , 12,000 12,000 nia Naptalini akupike, 12,000 nia Manaseni akupike wata anasi. ⁷ 12,000 nia simioni akupike, 12,000 nia Livaini akupike,12,000 nia Aisakini akupike ⁸ 12,000 nia jebuluni akupike , 12,000 nia Josepini akupike , afo 12,000 nia benjameni akupike yemi a'i matntuka. ⁹ Mini aneneyu yakagavimi, naem semi amonaunami amuna wata anasi ugam, wata amaka bu yantatem. Masidem magufikem yei afo mana magafikem masidem akum, afo maside ena ena magagake ena waya sewanu ba. Sipisipi iya ontanoni sia kini augaka yema itabuga. Iya ana efam unam bado urukemi pami ana yiyaka fakaruka. ¹⁰ Afo yemi ano'naga arama semi , " Wata yu owayege yivigago, senuti Goti sia kini ga kumakayimba sipisipi iyaontanoni yoganti ¹¹ Maside ankero sia kiniga itama yaku omi afo yi'nom waita yu ba fo'a afa waiwam maside yu yen yinom magafim depaya yorasi magafim da kumem Gotini augaka. Afo yemi beka lotu emo. ¹² Afo yemi semi, Fuga ugane! Masidem eran rukam Koti avi yani ono. Ame no anon avi . Afo susuve sakano Goti awogu inti nampa amonanti rukam, maside nuram wayive , Fugave. ¹³ Naemi mana anom waita ma'nisirem sintaem, " Yemi efam unam pado urukayi, yemi item akupikem ba itepakem yige ye?" ¹⁴ Sasame'i, Anom waita o emi amonageve", afo bemi sem ma'nisirem sasamem," mini wata yui umantike fasa yigayimino yemi sipisipi aga anoni narefim yenti anene sese uma efariuga . ¹⁵ Mi'nugami se yemi Kotini kaga yaga bemi madem wa'yawam ba ayufum beni mono naupa bemi. Mini waita iye kaga yaga kumakayi yemi rafiyikatem. ¹⁶ Mi'nugami, yemi yaranti buitemo nonanti bu yiyitem enaya'ba. A'i bu yigatem, afo igamano wa yemi bu yukatem. ¹⁷ Mini sipisipi aga kaga ya a'wanapim bayi yenti rafisim waita batem, afo yemi rafi'dem aum bam nomi yimitem. Kotimi yen yigaupekem yi'nu arun yikatem.