¹ 15 krisimas ga'i sisaTiberiusi kini ugem wage'em: Pontiasi Paileti ananta gavana yi ugem wage 'emi Judia distrikifimi, afo Herotimi Galili dafisinti afo ben afa'awa Filipi Ituria wa Trakonitisi rafisinti. Lisaniasi Abileni dafisinti. ² Mini nuram, Anasiya ya Kayafasi yami yinom waita wage entamo Koti ami Joni pake yemi Sakaraia aga'ano wata buwam magufakemi. ³ Minugami bemi massidem magu Jodeni nopa'i bemi, afo Kotini waya semi massidem wata anasi yu wayedega yigeyi kumiganti siguno sirega mono nomi mantana Kotimi yenti kumi ugi yikatemi. ⁴ Minugami mana waya Profet Aisayani yaufim bemi, " Mana arantano wata iwam magufike arama semi ; " Anonamano yinanim ayim ategano;" Ami atema sokeono. . ⁵ Kuka magu yu'i mama ituga, masiden anumi kidi rana udade kumi.afo kasekam ayimi manta atega, savi ugam magufinu manta atega. ⁶ Minugami masidem wata anasi amonatemo yoganto Kotimo seyuya sibigaranto yogami. ⁷ Amuna wata anassi Jonika yemo nom marara afo bemi yiyimemi semi; "yigemi savi memam mano agafanta yuge! Iyewa sigem ninisirem yiyimine; Koti sigemi aram kayikarem savi uyikatem. Afo sigemi nafaga mana umantike yaka gatege? ⁸ Yigemi kumi'i sima fawarurega siguno sirega yigeyi kumi'i yigemi manisire bu sega, Abrahamu bemi seyuya sifoemi, fuga ugami yigemi yiyimu Kotimi eranti dukemi omi manta Abrahami beyagagi itemi. ⁹ Sasumi yayantafimi dafikemi bemi. Mana yamano mose avogu yayagam bu irarami afo mini yami akefaremi igafimi intafitemo. ^{10 11} Wata anasi intevemi nayemo Jonimo simi yerade bemi intaemi, "seyuya iteniga oteyare?" Beni yen yami wayedem yiyimemi semi, mana wata manomo kanto yawarawe dukatemi, watamo bu yawarave burukayim dayinte ameno . Afo watamo yunamo dukanani yimi yunam burukayim nampa ga dayima. ¹² Takisi marewam waitayu nom marara Jonika yemo, afo yemi manisire itaemo,'' Sisao, naoteyare? ¹³ Ugami Jonimi yiyimemi, "yigemi nesu mone'i bumarago enawai yigemi kanagaga marago nademo Sisamo marago siremo sinanima'a. ¹⁴ Afo mana'a aruvim wata yu wa'i intaemo'', afo seyuyami naugene? Seyuya naoteyare? Afo bemi yenti wayami anonaemi, yigemi muna buea sirega Kotimi fawa fawa ena wata buyiyi karega yenti mone'i buwa dirifago, yigemi mini intiri'o, naye meyamo marana gomi ama kagi uyikatemi. ¹⁵ Wata anasi mini intaremi nesu intiriemo mini Kraisi ave e'e yoyimi. ¹⁶ Ugami Jonimi yiyimemi, "semi yigemi nonakomi feyikewau" ugami watamo naemo yinayimi bemi eranto rukami , seti erantawa yakagagam. Semi avogu wata bu wau beni aifikem sendoli gakena nanto utufonunami. bemi ikanampa Ayo Aga nampa nom feyikatem. ¹⁷ Bemi yitemi savoli ayapimi witi antafimi ama uma, sokeuranami duwantu itemi witi magewam mapimi magatemo. Ugami bemi iga agaratemi igami bu fugewam igami. ¹⁸ Joni mi sima fawaremi Kotini wayami wata anasi nampa mana'a ena waya nampa yira intaranami savi antayu yera ifa datemo. ¹⁹ Joni itavemi Herotimi asuvu akemi, ananta gavana yentitami, nayeyare Herodiasimi anasi marakemi be yafa ana'i, mana'a savi anta nampa Heroti mo inampai. ²⁰ Heroti ena sayeke nampa ewami, Jonimi kalabusi fimi magemi. ²¹ Masidem wata anasi mono nomi mantarami, Jisasi wai mono nomi maremi. Mono nomi mantaremi augami mukevemi wami Inaru onta diyemi. ²² Ayo aga ano mana nunanti avi'i dewami waru sine sewayimi be anoka kumantem. Mana aranti Inaru fake semi, Emi setigai emo Semi siyi akewana. Setira ano simo yu akemi . ²³ Jisasimo itavemo mono yogari ose imi, bemi 30 a kirisimasi mantaremi. Wata anasi itemi Josepi agage semo Josepimi Heli agai. ²⁴ Heli mi mantati agai Levini agai. Livaimi Melki agai. Melkimi Janai agai. Janai mi Josepi agai. ²⁵ Josepimi Matiasi aga'i, Matiasimi Emosini aga'i, Emosimi Nahamin aga'i, Nahumi Esli aga'i, Naggai aga'i, ²⁶ Mathi aga'i, Mathiasi aga'i, Semieini aga'i, Joseki aga', Joda aga'i. ²⁷ Jodami Joanani agai Joanani mi resa agai resami serubabel.Serubabeli mi salatieli agai salatielimi neli agai. ²⁸ Afo nelimi melki agai melkimi adi agai afo adimi kosami agai kosami elmadamu agai elmadami agai eri mi Josua agai. ²⁹ Josuami Eliasi agai Eliasami Jorimi agai.Jorimi mathati agai.Mathati mi Livai agai. ³⁰ Livai mi Simioni agai.Simioni Juda agai.Judami Josepi agai.Josepi mi Jonamu agai.Jonamu mi eliakimi agai. ³¹ Afo Eliakimi mi melia agai melia mi mena agai.Mena mi matata agai.matata mi natani agai.natani mi deviti agai. ³² Deviti mi jesi agai jesimi obeti agai obeti mi boasi agai,boasi mi salmoni agai.afo salmoni mi nasoni agai. ³³ Nasoni mi aminadepi agai.Aminadepi mi edmini agai Edmini mi.Ani agai.Ani mi.Hesroni agai.Hesroni mi Peresi agai.Peresi mi juda agai. ³⁴ Juda mi Jecopi agai.Jecopi mi Aisaki agai.Aisaki mi Abrahamu agai.Abrahamu mi Tera agai afo Tera mi Naho agai. ³⁵ Naho mi serugi agai.Serugi mi Reu agai.Reu mi Pelegi agai.Pelegi mi Ebe agai.Ebe mi Sila agai. ³⁶ Sila mi Kainani agai.kainani mi Afaksadi agai.Afaksadi mi Semi agai.Semi mi Noa agai.Noami lemeki agai. ³⁷ Lemeki mi Metusela agai.Metusela mi Inoki agai.Inoki mi Jaredi agai.Jaredi mi Mahaleleli agai.Mahaleleli mi Kenani agai. ³⁸ Afo kenani mi Enosi agai.Enosi Seti agai.Seti mi Adami agai Adami mi Anona Goti agai.