¹ Mini kanafimi Sisa Ogastasi mana lo magemi maside wata anasi Romani kamani ame napa yivii yimigo. ² Minimi anan nura uremi maside wata nasi yivii yantaemo, minimose fawerimi Kwairiniasimo Siria provinsifimi kawana yi ugake emi. ³ migunami mana mana wayi yegeyi magufa oravega yivi i rago. . ⁴ Josepi Kini Devitini akupikemi bemi , minugami Nasareti taoni Galili yera demi Judia Devitini taoni fimi bemi, ben avi'i Betlihemi. ⁵ Bemi Maria nampa bemi avi'i maro magemi Mariami amuwa'i, minimi mini asika uya demo bemi marano yanti.. ⁶ Yemo Betlihemi oma fawarumwomi,Mariami iyaonti maganani kanami yeraveni. ⁷ Masidem fasintia magu'i ituvimi fa rumu wai buwage' bemi ifademi bemi bulimaka amapimi oma waweme, afo ana agai ain agai magemi yawarave nako yera ya'akaremi bulimakamano yunami newam bogisefim magemo. ⁸ Mini ayufimi sipisipi rafisewa watayui yeyi sipsipiga Betlihemi taoni mapai rafisemo. ⁹ Mana Ankero yekai yema fawaremi Gotini Omanoni Sagantano yemi fikaremi yemi anona ga fegemo. ¹⁰ Afo Ankero ano yiyimemi Yigemi bu fegago semi avogu waya yige wapa mare yewa'u mini wayamano maside wata anasi yimoitemo. ¹¹ Mage mana kamagai Devitini taonifimi mano inimano iyaonti magemi mini aga amo masidem wata anasi yibigatemi Bemi Anona Kraisi. ¹² Yigemi amonama bemi manina gomi, mana agai yawaravenako umarami bulimaka mano yunami newa pimi wavemi. ¹³ Ame ama uremi inarufakena ami mano fawaruve mi Ankero nampa Goti avi'i yanive emo, ¹⁴ Koti avi yanafagina mana magaga wata nasi yira faru marana Kotimi avogu uyika. ¹⁵ Ankeroyu yera remi bemo inarufa'i Sipisipi rafisim wata semi ame ogo Betlihemi oraveya mini anene fawarimi itemo anona mano sisimikami. ¹⁶ Ame ure orave bemi Maria ya Josepi yifakemo amonami iya onti bulimaka manoni yunam bogisifim wawugem wa.. ¹⁷ Ai yemi amonemo, yemi sima fawa remo ankeromano mini aga'ano nato sigami. ¹⁸ Masidem wata anasi itemo nayemo Sipisipi ga'o rafikam watayu'o sirukam, yemi nesu intiri emo. ¹⁹ Mi'nugami Mariami masidem mini wayami arapim dukemi omare intewa ²⁰ Sipisipi ga'o dafisewayi yewayege bemono, afo Kotin avi'i yani emo naye yara yemi intaremi amonemo. Masidem anene fa'warem ankero'anomo yiyimini'em. ²¹ 8 a wayawami yakagami benanoe mamagakakemi, be aumi akefemo, ben avi'i demi Jisasi. Mini avi'i Ankero ano ami avi'i anoemo amuwagi bu ugami. ²² Kotini augaga sese i ranta ai kipeme , Mosesini age wayamano sigami . Maria ya Josepi ya mini aga avige man naupa bemo Jeruslemi Anona mano amira ²³ Yeganti anona manomi Lo mi awaku rentamo waya waka, "Masidemi ananta agao yinoe made mi Anonamano amemo." ²⁴ . Anona mano sirukami, sefo Lo awakunte ofaemo. '' Ameno ka numi ofayanta ure''. ²⁵ Mini kanafimi mana wata Jerusalemi wagemi, ben avi'i Simioni, mini waitamamo ateka anta evemi Kotimi lotu uwakeme. Bemi wata avemi Kotimi uyamaga yira awogu uyikananimi Israel, aiyo aga ben nampa watemi. ²⁶ Ayo aga ano bemi sasa mi ruka, bemi ame emi bu fugitami . Bumi, bemi amona Kraisi amonaremana. ²⁷ Ayo aga ano Simionimi itarami man naupa buga. Yeganti afoeya anoeya Jisisimi, abige buga Mosesini Lo mano siga. ²⁸ Simioni abigemi ayaka fakanemi Kotimi avi i yani emi, manisemi. ²⁹ Anonamano magemi e'a na eni yogam wata ara farunampa bino, eni wayammano sigante. ³⁰ Magemi setu gamano a'i amone emo uwante seyuya sibigara ona,. ³¹ Emi masidem wata anasi yugaka yowaro nami. ³² Mana omano aupa waya manta fawarinami aupa waiyami ena watanasi fim, minemi Israiel gu ano yivi yiminani, yemi eni watanasimi''. ³³ Iyao afoe ya anoe nesu intiri entamo nayemo yeganto intatami. ³⁴ Simoni sokeuyikarem yiyimemi Maria iyao anoemi, inta mana aga i Kotimi uyaduke nesu wata anasi Isaeli yui rufam bemi nesu, yewage itavi nayo.Bemi wata anasi bu aiyina yom kana fawaremi. Wata anasi yu aupa intiri fa kagi in na ni ³⁵ Mana anona ai i ugami maranonave bainati mano amafomi akefani iteme. ³⁶ Mana yoga inimi ben avi'i Ana wage'em bemi Fanuei araumi, Asani akumi bemi agana ugami bemi wata mantemi 7 ni' a Kirismasi beyawafi nampa wage'em. ³⁷ Bemi wami ben awafu fubimi 84 akirismasi gai fa wage'emi. Anami tempoli yera ifa burewayimi yunami aventa uremi au gami muke wayimi wayawam wa ayufum. ³⁸ Mini nurami Anami adeka yemi iyaontanomi Kotimi susu siakemi. Mini aga'amomi waya sima ama uyi memi mini aga'anomi wata anasi ave e ve Kotimi yerademi ye yi biganani Jrusalemi wata anasi. ³⁹ Ao maside anene uwantemo Anonamano lo mano Sigani wemi yemi yeraremi Galili bemo, Nasareti yenti Magufa. ⁴⁰ Iyaonti anoni uvemi, era uvemi awgu intiti rukami Gotini awa awa bere wage'emi. ⁴¹ Maside Krismasi gai Jisasi afoe anoe Jerusalemi bemo anona Pasova nurami. ⁴² Jisasimi 12 kirismas maremi anona ruwantuga bemo Jeruslemi. ⁴³ Mini anona nuraka monoi kipami afo yerade yeyimagufa bugami, afo fumara aga Jisisami ifademi Jeruslem, bage e uga. ⁴⁴ Yemi intemi bemi man'a yunampa bemi no semo benampao yigayinapa , mana wayami yakagemi, naiemi bemi afakemo beni akunapa aganta yunampa. ⁴⁵ Ugami bemi bu amonemo, yewayege Jerusalimi oma afakemo. ⁴⁶ Naemi kamore wayayami yakagami tempoli fimi afakemo. Bemi yiwanampimi kumatemi lo manoni Tisa yunampa inte wemi yintaemi. ⁴⁷ Watayu bemi intemo, yemi antudemo be a yanti , afo yemo semi yewagem siyimemi. ⁴⁸ Yeganti bemi amonaretami savi anturentamo. Be anone sasamemi semi ''Iyaontano nauga ya sekanti mini anta uwatuke veve? Itano, seganti enafoeremi sira umanti urekami emi afakevekare''. ⁴⁹ Yigeganti Naugaka semi sifakeve kare yigeganti bu intge kare, semi sesifoe amapimi waunave? ⁵⁰ Minugamifo yeganti mini waiya intama soke bu yemo, bemo sim waya . ⁵¹ Afo bemi yekanampai bemi Nasareti yekan yami intama sokeuremi awakuremi. Ben anoemi awagu uremi mini wayayui arapimi magemi faka remi wa. ⁵² Jisasimi anoni emi avogu inti nampa save nampa. Kotimi ayigaraevemi wata anasi wai i ayigaraevemi.