¹ Nurapa ugam a'na yoga kanaga anasi asika yu bata masipa anteyunta yewam wasabem mantare buga. ² Oamonami masi awaukakem omi buwage em uga. ³ Masirem minimasi naupa untabe amonam Anona Jisasi aumi buwage em uga. ⁴ Mini masi naupa umbe amuna ite inte ewami agim kam baita mano yen yiwanapa ye itabuga, Yen yigeke sagama anatami yugam karikari newam unam waronampa. ⁵ Afo anasiyu minikanti yimonare, yemi ano fegari uremi yigon yaum akere yinom magafim mapaure , mini waita gantano ma nisiga.''Fa bem itabem aumantem bugam baita yanti fawa yige afakebege fukam inim baita yiwanapai. ⁶ Manafim buwa, yigemo afakewam waita.wafa itabem buga! Amakaga omare itatege bemo Gariri magufa bemo siyimi rukamwaya, ⁷ Amano manisirem sigane wata agano sabi namugo waita yu yiyapim ina arure mente keka yaga ika nite ye ,Afo kamorea wayawam wage em yewayegem itabitene siga, ⁸ Mini wayayuo Jisasi se'enimi anasiyu omare intemo. ⁹ Yemi wata masipake yewa yege bemi afo beni yogam waita yu siyimiruka naye anene wafi fawarugam baya masirem enowa intaga. ¹⁰ Anasi bemi Magdala, Joanami, Meri,Jemsi anoe mifo mana'a anasiyu yemo boyimi mini waya mare maroma yogam waita yu siyimiruka. ¹¹ Afo yogam waita yemi intami anasiyu amam waya sebemono sire yemi yima kuku mini waya ga buyuga. ¹² Minigake Pita itabem wata masipa airamage buga. Beni masika a-i orabemi afo bemi mente minifim amonaga. Jisasi ageose fikaruka ge-eyo wado mana bami oma amonaruka, Afo Pitami amuna iteinte uantem yera dem beyi naupa buga. ¹³ Mini nuramanami Jisasini kato waita ganti Emiusi magu fa bewam ayimo amaka sixtia non anu kadagada urepa Yerusaremi magu fake buga. ¹⁴ Kantano naye anene wafi fawa ruganati se inte uante buga. ¹⁵ Miniga kantano bebenta asewaram, Jisasi miniga benao yema yifantarem yenampa buga. ¹⁶ Jisasi nampa bevemofo bemi amonama soke buyuganta. ¹⁷ Jisasi yekanti yintauga, sigekanti naye waya santeka bebekare?'' Miniga oma kepenta yigun anene mantukanta. ¹⁸ Mini yekantike mana waita benavi kliopasi semi,''Emi eya gai mage mana wayawam fawarim anene Jerusaremi bu intagebe?'' ¹⁹ Jisasi manisirem yekanti yintauga,''Naye ane ne be?'' Yemi manisire bemi samika, Nasareti Jisasi age ose fawari anene, Bemi wafa kasanapa waita wage em,ano abi, eran dukam waita.Masirem abogu intin nampa soke abu awa Koti nampa bata anasi yigauka ewayi, ²⁰ Afo naugayafi senuti a'nom waita yunampa anom rafisiru abige maro namugo yiyapim re kosasakare keka yaga aruma fu'ruka. ²¹ Minugamifo seyu itafauna bemi beyaga owayegem Israiri wata anasi yeyi namugo yiyapike yibiganani. ²² Mana'anasiyu seyu sinturofauna baiya siga,Nurapao Jisasi masifarukapa amonare sire boyi. ²³ Beni masipim buwami oma afakaga, Ankero ano siyimem bemi bu fukafo fa wane. ²⁴ Mana'a waita senu siwa napake wage eyoyi wata masipa yiramage buga, Minimose anasiyu sem amonara bomifoJisasi bu amonaruka. ²⁵ Jisasi yenanti sem, yige oem waita yuge,Yigen yuyiragu oyabuyane kasanampa waita feyapa sigam bayafim ²⁶ Yigemi inte amone buyugegafo Anonamano anom umantim ofebem mantem inaemi beyi saga owanani,? ²⁷ Afo bemi mosesini kanagake ago yantem kumem mepe kasanapa waitayuyi kanafim Jisasi masidem anene mono wayamose mempe bekaose sigam waya yiga tirem siyimika. ²⁸ Yemi birare sem magu adeka buga, Afo Jisasi bemi iyaka binanim awu awaka buga. ²⁹ A-i yemi bemi amonemi semi,''Sekanampa bano enewam ayufu katemifo''.Minisemi Jisasi ogepem yenamp owage enuga. ³⁰ Afo bemi yenampa kumantubem yuna naranti , breti mantem Kotipa susube siremi kidirem yemi yimidu ka. ³¹ Miniga yen yuga ontan riyipaya ben amonemo Jisasi. Mini gake yen yugake yerarem afiuaga. ³² Yeganti minisirenta se inte uganta, fuga ugane akapa ose sekanapa'o yebemo Goti afimo wam waya simi, seka su sira ano amaka intawugane? ³³ Yemi sini ganafimana itave yewayede Jerusaremi buga.Oyimonami ireveni'a kato waita nampa manafim ena inim baita yu ruantuge wage'e uga, ³⁴ Siyimemi fugaugane, Bemi itavem Saimoni augaka ofawarim amonarukane. ³⁵ Afo nuramo akapa fawarim anene yuganti manisire yemi siyimiduka, Omaremi breti kidire yimikai amone inte uremi fuga a'ai bemi Jisasi itabugane. ³⁶ Yemi mini ananene yuganti seve wam,Jisasi bena'o yen yiwanapa ye itagem, Yenanati semi, ''Sadage yira yasi marago''. ³⁷ Yemi masidem anon yintudure fegevemi wana amoneve gafu siga. ³⁸ Afo Jisasi yenati semi, ''nayeyara yigemi nesu intiri evega fege bege? Nai ugana yigen yu yira ano amuna intainti manta fawarevene? ³⁹ Ma sen sisi yaka amonago, Beyaranti sineyode simonago a'i mini semuno. Wamano yuwunam nampa yen yiyapa bu makemi ma semose ugauntene.'' ⁴⁰ Bemi mini'sewem be aiyayam yigatiga. ⁴¹ Yemi amakuku buyemi yen yuyira ano amoyevem antudurem bu itaga.YenantiJisasi manisre siga,''Yige mana'a naranene yu mare rukege? ⁴² ''Yemi igaga rente yukaruka noya manta amemi, ⁴³ afo yenyugaka mante naruka. ⁴⁴ Jisasi yenanti manisiga, yigenapa wage egu na nuram,Masidem mosesini age kaga baiyanampa kasanampa waita yu nampa i'yaufimo sigami mini senantana sima ani urem fawarinani. ⁴⁵ Bemi yenti intiti manta riranami yemi intama soke ogoya yaufim wam mam waya. ⁴⁶ Bemi minisirem siyimika,Anona mano auavis mantem fubem; yewayegem kamore nura mantem yerare itabitene siga. ⁴⁷ Yuwayere yeyi gumi anta yanti yeyu magum magapa de siguno sima fawarure mam wayafim sima amaogo; Ben abipim masirepa mana noma gaga, ago yante me`e Jesalemike. ⁴⁸ ''Mana mini anene yanti yige mi sebeyebe inagomi. ⁴⁹ Mafa amona, semi yigemi siyikebau setifoeni age waya awakunte.Minugamifo me'e anom magufim faowagana,Inarufake erantano unambadoyi uyikanaga bogo.'' ⁵⁰ Minigake Jisasi yibi mantarem Betani magu adepa buga. ⁵¹ Aiyakam yaniurem awogu baya awawa baiya siyikaka. Wago siyikevemi yera yirem ye rauyem sadagem bepake mente inaru magufa uka. ⁵² Yemi yigoyaun akare bekai sire yukamukeve mam baya sire yewayege Jerusaremi ano yimoanene nampa buga . ⁵³ Yemi yewayege ovepaya yivesara buyuga, Fa mono baya siriana eve yugamukeve mam mapim Koti aviana yaniuga.