Anafim 23
1
Afo maden mano intavemi, Afo Jisasimi abigemi Pailati waka bemo.
2
Afo muna waya benaufim demi semi, seyuya afa kafaunami mana waita manomi senuti magu manta savi iranti ewane, Afo wata anasi siyimemi buwa sisa mi meyami buamego semi. Afo bemi semi. Benanao bemi Kraisi wa Kimi bemi.
3
Pailet Jisas imi manisirem intaem .'' emi mini waita Juda yuyi king beve? Afo Jisasi benami yewayegem mani sirem sasamem.''nayemo senami mini ateka.
4
Kanamino sirem Pailat yinom waita nampa masidem watanasi siyimem, " semi mana sayeke mana waita manopi buafakege. "
5
Minugami yemi buyintemo, afo yemi enawa minisemi, " mana waita manomi watanasi yira manta intarewa, afo waya masirem Judia magufim yiyimem, agoyantem Kalilikem mana magufim yeravemi.
6
Pailati mini intaremi, afakama fawaromi Jisasi mi galilikem waitave.
7
Afo afakama fawaromi Jisasimi Galili kem waitami. Bemi Jisasi mi sasakami Herotika buga. Mini kanafim Heroti Galili magumi rafirukake emi.Heroti benanao Jerusalemi magufim wage en uga.
8
Herotimi Jisasimi amonaremi amo uga, nayeyara ayakai Jisasimi amonarare sirukem buwa bu amone-em. Bemi Jisasini waya mi intaremi Jisasini ake yokaru uwaranami amonaranti.
9
Heroti Jisasimi intaem nesu anene yanti, ukamifo Jisasi mana wayawa anona buvuka.
10
Afo yemi yinom waita nampa lo mano intim waita intavemi eram waiya sasa karuka.
11
Heroti nampa beni ami yuano sima savi uwa kademi Jisasi mi sima kasi uwakemi, afo Jisas imi abogu unambado uwaka demi mini mano siyimemi semi fa kasi waya seyane siremi sasakama Pailati pa deye.
12
Mini nurami Heroti ya Pailoti ya manta mana entamo. Wafa`i yigenti eno eno namugo yi urenta bage`en tare.
13
Pailatimi yarem madem yinom waita nampa kamani nampa watanasi,
14
Afo mani sirem yiyimiduka,'' sigemi mina waita abikei sekai yigam waita mino, sikemi wayami benaufim maka,ukai bemi yiken yukakai intaei, ukami semi mana sayeke bepim bu afakeu.
15
Bumi, afo Herotiwa mana beni umantawa bu afakemi, minugam bemi sasakama senupa demi afo bemi mana sayeke bu yurukami seyu bemi aruma fugira sewafau.
16
Minugami bemi semi karabusifim rukage` sasakana binanifo.
17
Bu afakaga.
18
Ukamifo masirem wata anasi mani siremi arama semo, ''Arono mini waita, afo Barabasim sasakama mapa dako!"
19
Mini nuram Barabasi karabusifim bami, bemi mana waita ano taunifim bemi savi anta ebem ena waitayu yiruma fugenim waita.
20
Pailati yewayege asemi watanasi nampa yinom waita yu nampa, nayeyara bemi Jisasi mi e`ana binoyanti.
21
Minugami yemi manisire arama sem," arono bemi aronobe."
22
Ukami mini siremi arama semo, ''Aroko bemi,aroko bemi.'' naye sayeke mana waita mano urukene? Mana umanti bu afakege mana waita manopi bemo mini aruma fugofanuna. Minugami sefo karabusifim rukakei naemi sasakanam binani.''
23
Minugami yemi arawokan nure eraruresemi Jisasi bemi fugino semo. afo yenti arawoka intanomi Pailatini intinti wayegem.
24
Afo Pailoti yemo seni emi.
25
Bemi sasake mini waita karabusifim bam nayeyara bemi arubim manta itarem wata yiruma fugewam waita yanti bono semi, afo yemi Jisasimi yimemi.Nayemo uwaranakomi uwarako.
26
A`ose amiyu Jisasi avige bomi, yemi amonemo mana waita ben avi`i Saimon Sairini tauni fike waita, bemi tauni manomi mapa wakeemi Jerusalemi biranti. Yemi amiyui fakare mini waita maripo Jisasi maram mantemi Saimoni amuka makemi, afo yemi sasamemo marewa awakurono Jisasi.
27
Anona wata anasi Jisasi awakure bemo, afo mana`a ininam yigunanti ebe ifida`akemo Jisasi mi, afo bemi abakure bemo.
28
Ukamifo Jisasi wayedem yimonemi yemi, afo siyimem manisirem, "Sigemi anasi yuge Jerusalemi ke, yigemi ifi bu ragago senanti, Minugami yigeyaranti ifidagevega sige yigafanta yanti ifidaikago.
29
Intago, mana nuram fawarinami watanasi manisirem siteye,Iyaom bumakewam nininasika namo buyimevemo iyaonto burafise wayi yemi yimo itemo.
30
Afo watanasi anuyanti semi, 'Senuya simuka kuma dawa ono,' Afo sito anuyanti semi senuyan dawa ono.
31
Yemi mini anene omi ya antamano fa bemo ana rukani uka, nayewa fawa ritene mini yamose asakanami?
32
Yemi yibigemi bemo ka rumo waita kanampa yiruma fukinayom magufai.
33
A`o yemo mana maguga faware mini magu avi-i, "A'non ayapa." Afo mini maguga-i Jisasi mi Keka yaga aremo. Afo yemi manayo anta uwayikemo umo waita gantawa. Mana umom waita Jisasim ayan ugapa remi manawayi ayanepa remi.
34
Afo Jisas imi minisem, "Yifo`eo yenti kumi yirano, yemi buintaga naye anene ewami. Ami yui Jisasi ni wado rayinte yemi waka dukemi kasi areye.
35
A`o watanasimo itare amonewami mana`a kamanini yinom waita yu maside bemi anepa wayami semi, "Bemi ena waita yuana yofae`em. Magemi benana`o ofaina, Fukamo mini waitamo Kotimo uyaremo bemo yewayekemo wata anasimo yivikananimi.
36
Ami yu bemi anepa waya siremi, afo bemi adeka bemo, afo ikarewa nomi amemo,
37
Afo yemi semi, "Afo emo mini Yuda yuyi kimo watemi , fami enana`o ofaino."
38
Mana wayami menta kekayaga anopa demi, Afo mini waya mano manisirem semi, "mana waitami bemi Yudayuyi kimi."
39
Manawayi kantike keka yaga`o wayi manisirem Jisasi mi anepa waya semi, "Emi wata anasi buyivike wana waita wanona mino a? Emi enana`o ofaevewa sekantawa sofa ono.
40
"Afo mana umom waita mano asevemi manisemi, "Emi Kotin agomi bufegebebe, seyuya masidem manayom umantana mareveyane.
41
Sekanti sesi sayekekai umanti marekare. Ukamifo mana watami mana sayeke burukene.''
42
Afo naemi Jisasi mi manisirem sasamemi , "Jisasio,intamara sime eyi kindomi fimi kini ete.
43
Afo Jisasim bemi manisirem sasamiduka, " Fuga ugam enanti sei, Magemi emi senampa wanonane paradais ."
44
Miniga sigisia awaga Jisasi keka yaga igem wage ene, afo anona ayufu mano masiden ayapa fikaremi bemi tri kiloki enaka.
45
Afo a'i kantanoni saganti bu wake'emi, Mini kanafim mana yawarave Mono mapim iga ge'enimi awanapikem danta semi kantini emi.
46
A`o mini anene`yu o fawa rimi, Yisasi ararem manisiga, ''Setifo`e seti awamui enayapimi rege." A`o bemo mini waya sima kipebemi, bemi fugemi.
47
Romuke ami yu y-i rafisintano amonewami minni aneneyu fawaruga, Afo bemi Kotin awi yani uga ,minugam, '' fuga ugane bemi mana atekam watami.''
48
Maside wata anasi amonarantemi ruwantu uga, afo yemi amonemo masiden yanta'o fawarimi,afo yemi yigu nanti uremi yimi minti ikantemi yewayege yeyi mapa buka.
49
Afo Jisasi aganta yu, yemo asikayu Galilike Jisasi awakure yeyi, Yemi mepe neka bemi amonewami mini anene fawaruga.
50
Mana wata wam, benab'i Josepi,bemi mana aboku atekam waita bemi kasoli yu pikemi bemi mana kansoli ve.
51
Mini waita manomi bu ayemi mana'a kansoli yuyi intin nampa yenti awu awa. bemi Yuda mana taunifakem yemi abidemi Arimatia, bemi Kotini kindomu amonaranti rafikayi.
52
Mini waita Pailati waka orawemi intaemi Jisasi ni auwe mantare'i maro maga. afo Pailatimi amamino semi.
53
Afo Jisasi mantarami kumemi, afo efa rawarawe nakom mantemi ukuremi, afo maremi mana matipim wafa ose wata w'a bumake' e eyopim maro rem . Omi akefaremi uwantukam matipim.
54
Mini nurami anene kago inurami nayeyara sabati yema adekaki emi,
55
Yemo Galili kemo Jisasi mo awakuremo yem ininami Josepimi iteni urena Jisasimi matipa magenafi amonemo.
56
Yemo anasiyui amonemo, afo yewayege yeyi mapa orawemi awogu unta ewam wasabenu manta ruwantu emo. afo mini nurami Sabati wamise sadage wage'emo nayeyara lo mano sigamise.