¹ Naemi Jisasimi magufipagu taonifinu nowami, Kotini waya nampa beni yoga nampa 12'a disaipol yu wai ben nampa noemo. ² Mana'a ininami ben nampa noemo minimi yemi mini ininamo Jisasi mo savi awamu rukamo manta fasao yikakayi nampa yenti yi'o soke uyikakayi mana wayimi yepikemi bemi Mariami, ben avi'o demo Meri Makdala. Jisasimi 7'a savi awamui mini inipikemi manta fasa rukayimi inimi. ³ Mana wayimi Joanami, Susana nampa nesu ininam nampai. Joanami Kusa ana'i bemi mana rafisinti Heroti amakai mini ininami yeya anene Jisasi nampa beni yogam wata yui yimevemi yofae wayimo. ⁴ Nesu wata anasimo yema duwantu omi, yemi taoni fikemi yemo, afo Jisasimi ikanim waya yiyimemi. ⁵ Yunam mose yoge wayimi wata mano witi agami maro intafemi witi agami. Witi agamose a'i intafuremi mana'ami apimi fafasemo, mana'a mi amano anapai fafasemo, wata yui mini amugai yimi dewami mana'ami numano yema nemi witi agami. ⁶ Mana'a witi agamanomi on amugai fafasemi nomi buwakai, mini witi agamano dam bemi sito aga wa mantaremi fugemi. ⁷ Mana'a witi agamano aviyararem nanti mi fafasiyi aviyarare mano nantano nampa daremi witi agami, aruma fugemi. ⁸ Ugami mana'amo avogu magaga fafa seyimi nesu agami iremo. Mini waya sirem Jisasimi mana waya semi, yemi arama semi mani semi, wata mo agagamo dukate intama soke ono. ⁹ Jisasini yogam waita yu bemi intaemo nayewa mana faronka waya manoni antami? ¹⁰ Jisasi mani siremi yiymemi, "Kotimi a'i yigemi avogu intirui yigemi a'i intanagomi a'i intanagomi anene yui aupa ose wam Kotini erantose. Ugami mana'ami faronka waya fikemi yiyimeu, yemi amonatemofo amonama soke bu inayo, yemi intanayomifo beni waya manoni anui intama soke buinayo. ¹¹ Jisai beyi yogam watayu yiyimemi beyi faronka waya manoni antami witi agami Kotini wayami. ¹² Witi agamo akafamo fafasimi watayu Kotini waya intamifo naemi Satami yema mini wayami ben arapike manta fasa demi. Satami intemi mini wata manomi Koti kai amakuku inami Koti yerademi abigapo. ¹³ Witi agamo magamo on nampa wa kao fafasiyimi watayui Kotini wayami yimo nampai maremo, ugami yemi witimo anu magafimi bu akaga. Aki kanagai yimakuku emo, maka sintanomi yekai yemi, yemi kumipimi rufavemo. ¹⁴ Witi agamo aviyarare pimo fafasiyimi manugemi wata anasimi Kotini waya intemo. ugami yemi nesu intiri'i yeyi waranti yenti intitano itukara uvemi mani yanti onta nampa mana bunamanoni yimoyanta ganti, mini yanta'anomi yenti yirapimi itukara ugami Kotini wayami yirapikemi manta fasademo. Ugami yemi eranti bu'ugemo Koti nampa niranti. ¹⁵ Ugami witi agamo avogu magaga ose fafasiyimi, wata mose Kotini waya mo intama soke i kanai ugemi bemi mini wayami mantemi arapemi ma yemi, uremi mini wayami awakunta soke emi, bemi avogu agami iratemi Ayo agapimi. ¹⁶ Jisasi enawai mani semi, mana wata mano lamu intiremi fagetifimi bu ayofewa beyi sago amenapai bu magatemi amaka i maganami masideyumi omi amonatemo. ¹⁷ Mana anenemi aupai buwatemi afo anenemo mana wata mano ayofanami mana nurami fawaritemi. ¹⁸ Magemi intama soke ogo, afo mana wata manomo mana'a yanta'o a'o dukanami, afo Kotimi enawai amitemi, afo mana watamano mana yanta'o bu dukanami, Kotimi manta fasai ratemi bemi intemo rukananimi. ¹⁹ Mini kanafimi anoe wa afa'awa wa Jisasi wapa yemo, ugami yemi beni adeka bubemo nayeyarafi nesu wata anasimi benampa wage'emo. ²⁰ Naemi mana'a akumano Jisasimi sasamemo, "Enanoe nampa en afa'awa emi amonarantono, mapa itare wane. ²¹ Afo Jisasimi yenti waya anona emi semi, setinoe nampa setifatiwami, minimi Kotini waya intare awakure wayimo. ²² Mana nurami Jisasimi beyi yogam watayu nampa botifimi rauntemo, afo bemi manisiremi yiyimemi, seyuyami bofane mana ayapai warumanomi. Afo yemi bemo. ²³ Oravewami Jisasimi oma wavemi. Anona susuwami waru amugakemi itavemi yenti botifimi nomano ituvemi, yemi anona umanti afakemo. ²⁴ Yogam wata yui bemi amonami Jisasimi wavugemi wami, yemi awauremi semi efantano, efantano, adekai fugoteyare. Jisasimi itavemi mini uwa nampa nomwai yisemi, uwami fugimi namanomi wavimi mana anene bu fawaremi. ²⁵ Afo bemi yintaemi beyi yogam wata yui, "Yigenyi yima kukumi iteaga bene?" Yemi antui demo anona fegari emo naye yare Jisasi minimi imi, yeyiranti yintaemi bugeyige emi, semo mini watami bemi iyeve, bami eram wayami, uwa nampa non nanti semi beni wayami intemo. ²⁶ Naemi Jisasi nampa beni yogam watami oravemo Gerasenesei, mini magumi Galili warumanom awafai bemi. ²⁷ Jisasimi mose boti fike mapa kumimi bemi mana wata amonemi, anona taonifakena savi awamuano bemi aya kana gai dafirukage'emi, bemi wado unami bu evemi naupai bu wami, bemi mati mati pai nami wayimi. ²⁸ Mini wata mano Jisasimi amonemi wa'i ruma intafuremi rufamemi Jisasi aifimi. Bemi aravoka uremi semi, Jisasio naiwa semi usikarare, yanafa anona Koti aga'ano? Savi'i semi bu usikano. ²⁹ Nayeyarafi Jisasimi eram waya semi mini savi awamu ano mini wata yera arem mini wata bino yanti watayu ben aya nampa aimi seni nakomi antaemo, bekai dafi soke e'emo. Savi awamu'o bepimo upegami senimi rakage'emi, savi awamu'ano avigemi wata buwapai be'emi. ³⁰ Afo Jisasi intaemi bemi, "En avi'i iyeve? Afo bemi semi, "'Setivi'i Tausenimi" Bemi mini siremi semi nayeyara nesu savi avamuyu'i ben aupemi ituka. ³¹ Mini savi avamugu ano Jisasimi intaemi yemi yiyikanami aferumi bu wam masipimi bu kumiranti. ³² Mini adekai forui anu nampa bemi aumi neve wami. Afo savi awamugu ano Jisasimi intaemi yiyikanami mini forupimi ofegaranti. Jisasimi iyo siremi simi mini forupimi ofegemo. ³³ Afo mini savi awamugu'i mini wata yera aremi fontano aufimi ofevemi mini foru ano uyauremi warupimi kuma yukuruve mi nomi namantemi fugemo. ³⁴ Foka ose rafisewayi naye mose fawarimi amonaremi uyauremi taonifa wam wata anasi wa magufa wayimi yiyimemo. ³⁵ Wata anasi mini waya intaremi amonara bemo oma fawaruvemi mini wata savi awamugu ano yera arayimi kumantugemi Jisasi ai anapa wage'emi. Bami ai asofavemi unam wado uremi wage'emi. Afo wata anasi mini amonaremi anom fegari emo. ³⁶ Wata yuo amonayimi Jisasimo savi avamu'o manta fasadayimi mini wata mano pikemi wata anasimo minifa ose yeyimi yiyimemo. ³⁷ Afo yemi Gerasenesi magufikena wata anasimi anona feganti fedemi Jisasimi yera yirena bino, afo Jisasimi botifimi rauntavemi bemi. ³⁸ Mini wata mo Jisasimo savi avamu ose manta fasa akakayimi Jisasimi sasamemi semi enampa birare", Afo Jisasimi sasakami bemi sasamemi manisemi. ³⁹ Emi yerade eyi magufa orave sima fawaru masiden yanta'o Kotimo uwaremo emo ofaiemi, afo mini wata manomi yerademi bemi sima ama'emi masiden yantao Jisasi uwarami beka ose bemi anom magu manomi maside ayapai yiyimemi. ⁴⁰ Afo Jisasimi me'an awafapai warumanomi bemi, masidem wata anasi yimouremi avigemo, nayeyare bemi ave eve wage'emo. ⁴¹ Mana wata ben avi'i Jairusi bemi mara mono ma'ano yi'nom watami, bemi yeravemi ago yaumi rademi Jisasi aifimi Jisasimi intami ben amapa bino yanti. ⁴² Undefined. ⁴³ Afo mana inimi wage'emi, mini inimanomi naremi revemi wage'emi 12'a ikai bemi nesu mone de'emi ofainti mararae sirukemi ugami mana wayi bu ofaemi. ⁴⁴ Mini inimano Jisasi aneka yevemi sito'ami Jisasini wadomi aneyogami, mini ame ama uremi asofemi yeraremi. ⁴⁵ Jisasi yintaemi, iyewa sineyogane? Maside yu semi bube semo, afo Pitami bemi mani siremi sasamemi. Efantano'o amonamo nesu wata anasimi emi yaku ugemi bemono. ⁴⁶ Ugami Jisasi semi, semi intagaunave mana wayi sine yoduka, nayeyara semi amonau nami mana'a seti seti eranti siremi bemi. ⁴⁷ Mini inimano intagemi bemi bu ayofatemi, minugani bemi antu ugami demi bemi yemi adeka yeravemi agom yaumi radaremi orasi'i Jisasi adekai demi, masideyu yugakai sima fawaremi naye antayara Jisasimi aneyogenafi. Afo Jisasimo aneyogemi mini ame ama uremi asofemi. ⁴⁸ Afo Jisasi mani siremi sasamemi, asika aga'i, eni amakuku ano em asofa'akemi, minu gayami em ai soke onami ara faru nampaga emi bono. ⁴⁹ Jisasimo mini inimano nampa waya sewami, mana rafisim wat yema fawaruvemi sasamemi semi, en araumi a'i fubugane, minugafo emi umanti Jisasimi enawa buwa ameno". ⁵⁰ Ugami Jisasimi mini waya intaremi, Jairusi ami anona emi semi manisemi, emi bu fegano, emi amakuku mina eno, en araumano soke itemi. ⁵¹ Jisasi Jairusi amapa yema fawaremi bemi e'ami wata anasi benampai bu upegemo. Jisasimi Pitami avigemi Jonimi, Jemisimi iya'o afo'e nampa ano emi yibigemi mini naupa upegemo benampai. ⁵² Wata anasi naupa wayimi yigunanti evemi ifi'i ragevemi wami, ugami Jisasi mani siremi yiymemi, yigemi ifi'i buwa ragago fami rugemi bemino. ⁵³ Wata anasimi imi saskemo, nayeyara yemi intami ai fubuga. ⁵⁴ Jisasi mini asika ayaka fakaremi semi, iya'ontano, itavono!" ⁵⁵ Mini asika manoni awamu ama orademi yimi mini ame'ema urem itavemi. Afo Jisasi yiyimemi semi, yunami amego. ⁵⁶ Mini agaiano afoeya anoeya savi antui dentamo. Ugami Jisasimi eram waya yiyimemi semi mana wayimi mana waya buwa sasame karo mana yanta fawariranti.