¹ Jisasimi wayami yiyimewa wata ansimi kiparemi afo bemi omafegemi Kapenaumu taunifimi. ² Mana aruvim watayu dafisinti wage'emi, uremi bemi manafa yogam wata dukage'emi, mini yogam waitami anona ai dukemi adeka fugiranti ewami. ³ Dafisim wata mano nitami Jisasi wami bemi Juda yuyi yinom wata yiyikemi oma Jisasi intaogo yanti, bemi yemi yogam eata yema beni ai soke uaka oyanti. ⁴ Jisasi wakai yema fawarevemi yeyi yuyu dam kuntavimi mani siremi intaemo, "Mini dafisinti avogu watami. ⁵ Beni sigu yanti non maga yanti anoni uremi ayi akewa, afo benaomi seyuyanti mono mai uwatikewa. ⁶ Afo Jisasi yen nampa bemi, Jisasimo ma adeka yeravimi, dafisim waitama agona yu yiyikami Jisasika orawemi sasamemi semi, anonamano, emi eran yogari buwa ono, semi bu soke ugauna wata seti mapa yinonayi bnu ugau. ⁷ Minugai ewanafa bu yigau, wayami sinami seti yogam wata asofatemi. ⁸ Semi maniseu nayeyara sewau watayu yime nampa wau yibi'o dukai sikai dafi ruka, afo semi sesime nampai aruvim waita yui dukau, semo mana aruvim wata yanto bono senami bitemi, mana aruvim wata yanto yeno senami yitemi. Semo seti yogam wata yanto mana yoganti marano senami, bemi marantemi. ⁹ Jisasimo mini waya intemi, bemi antu afo demi, bemi yiyimemi nesu wata anasimo awakuro yimi yiyimemi sem, semi yiyimeu, yigemi, semi manawayimi Israeli mi'nugam amakukumi duka yimi bu afakarukau. ¹⁰ Mini akumo dafisim wata mano yiyikemo Jisasi oma amonago orare naupa yema amonemi mini yoga waitami asofavuga. ¹¹ Naemi sito'a kanagai Jisasi bemi mana taonifai, ben avi'i Naini, beni yogam wata nampa nesu wata anasi ben nampai bemo. ¹² Anona ontamo mini taonimo kugu oma yaku urukaka ose yervemi, wata yui mana wata fubugam wata kantauye kamemo mapai, mini wata mano anoemi samina iyaonti duka, mini inim mano awafu ai fubuga, nesu wata anasi mini inin nampai wage'emo. ¹³ Anona mano mini inimi amonemi, agunanti uakaremi mini inimi sasamemi semi "Ifi bu ragano". ¹⁴ Jisasi bemi mini bogisi fikemi mini fu'bugam wata wabugam afo wata yu'o mini wata kantauyoyimi sadage itavemo Jisasi semi, fumara wata mano semi sasame'i itavono. ¹⁵ Mini fugim wata mano itavemi asemi, afo Jisasimi ben anoemi amemi. ¹⁶ Wata anasi mini amonaremi anona fegari emo, afo yemi Koti avi yani ono afo mani semo, mana anona profetimi seyuya siwanapai fawaremi, afo yemi semi, Kotini ara soke emi beyi wata anasi yanti. ¹⁷ Mini Jisasini waya mano buge yige emi masidem Judia wa mana'a magufim. ¹⁸ Jonini mono nomi fe'yike wayimi yoga watayu sasamemo masidem yanta ose fawariranti. ¹⁹ Afo Jonimi ka yogam watayu aremi yiyikemi anona wapai manisiremi intaogo yanti. "Aga emi mini wa Kotimi ugademo sasakanuno yinanino sigam watave, a'a seyuya enokaga aveo suwa? ²⁰ Jonini yogam wata yui Jisasi wakai yeravemi semi, Jonimi mono nomi fema yike wayimi seyuyami sisikemi ewana yeraveya emi mini watamo Koti ugademo sasakana yinanino siga nafi, a'a seyuya enona aveoteyare? ²¹ Mini nurami Jisasi nesu nasu yiose dukam wata anasimi soke uyikeve wage emi, nesu savi avamu dukayimi manta fasa yikevemi wage'emi. Nesu wata anasimi yuga mose kafa kayimi soke uyikemi afo yemi yugami amonatemo. ²² Jisasimi wayami anona emi Jonini yoga watayu semi, "yerade biteotei, Jonimi sasamege naye anenemo amone iteomi, yugami kafakayimi amonami, yimo savi ugayimi nowami, leprosi duka wata anasi soke omi yagagam atikayi intemo, fubugam watami itavemi aumi maremi, anene bu duke fa wam wata anasimi waya intemo Jisasimi enawa manisiremi yiyimemi. ²³ Kotimo asumi uyikatemi wata anasimo sekao yimakuku emo yinemo bumo usim eyi semo ²⁴ Kam watamo Jonini waya marenta yera bovorami, afo Jisasimi wata anasi Joni nati yiyimemi semi, yigemi naye yantaga amo narantege yigemo be'o asakagam magufa watamo buwapai? Susuwa mano onu'i davasipana amo narantege a? ²⁵ Afo naye yanta ugama amona rarabege? A'a mana watamano avogu unam wa'do yui amonara a? Amona, wata anasimo avogu unam wa'doyuo ewayimi wa awogu anene yige ose rukayimi, yemi minimi ugam wata yui kini amapimi bemo. ²⁶ Afo naye yanta ugana amonarara bege? Nayewa yigemi amonaran tega mana profeti a? Semi yigemi yiyumu mana profetimi mana'a profetimi yakagaga. ²⁷ Mana wata yantanami Kotini buku mano semi, intago, semi mana watami sasakanami eni anantai bitemi bemi eni ami manti ategatemi. ²⁸ Semi yigemi yiyimu, yigen yiwanapake ano'e magemi, mana wayimi Jonimi yakagagami buwa. Ugamo watamo sitogi uremo Kotini antafim wayimi Jonimi yaka gaga. ²⁹ Wata anasi yu nampa takisi marewam wata nampa mini waya intaremi sima fawaruremi semi, Kotimi atekara uga mini akumo Jonimo mono nomo feyika rukayimi. ³⁰ Ugami yemi Farisi yu nampa lo manoni intim wata yui Juda kemi Joni kakemi mono nomi bu mantuka, ugami yemi Kotini ayinti yinepa uruka. ³¹ Jisasimi nesu waya Joni nanti mono nomi feyike wayi nanti semi, semi yigemi wata anasimi magemo wayimi yigemi iteniga urega bege? ³² Ugami yemi iyaoruo kosi akamose oniuremi yunami mageti eve kumanteve aravoka bemi bemi eve seve, seyuyami anami fufuse wafau afo yigemi afo yigemi bu ranisi eva, seyuya yigumi ka i'i rewa iwanai ifi'i bu ragewa. ³³ Jonimo yimi bemi bretimi bu naranti i yemi waini naranti bu yemi, afo yigemi minimi semi, mini watami savi awamu ano bemi rafiduka. ³⁴ Wata aga'ano yunami nevemi wainim nevemi mana'a wata yu ose ewani uremi ewaofo yigemi minimi sewami, mini wata mano nesu yunami nemi nesu waini nevem, beni takisi marewam watayu nampa kumi ewam wata yuyi agantami. ³⁵ Ugami ateka intiru nampa ateka avu'ava nampa anta yui Kotimi atedemi fawa rewa wata anasimo awakureva. ³⁶ Mana Farisi benampa yunami nemi. ³⁷ Mana inimi mini taonifimi kumi'i evayi wage'emi, mini inimanomo intamo Jisasimi Farisi wata manomo amapai wami bemi mana botoli maremi avogu muku evami nampa bemi. ³⁸ Jisasimo yunami newemi wami, mini inimano bemi aimose duka adekai ifi'i ragemi, anasima anumi Jisasi wagai kumemi mini inimanomi anu mi be anontau nako arurakemi, afo Jisasi aimi amonaremi welimi mantemi aimi weli fe'akemi. ³⁹ Mini Farisi manomo Jisasimo araremo senampa yunam yema nano yiyimi mini amonemi, ure bemi ma'ni intiri emi, bemo mana watamo mana profetimo, bemi intemi itenaga uga inimano aneyoganafi, bemi kumi inimi. ⁴⁰ Jisasimi beni intiti intaremi bemi semi, "Saimoni", semi enampa waya rukau Sainoni semi, sisa'o emo naye wayamo senampa rukate sinonami". ⁴¹ Afo Jisasi semi, "Mana wata manomi rinami kam wata yimemi, mana wayimi 500 silva monei, aka enomi 50 silva monei anomi. ⁴² Yeganti kana yeyi dinami bu bekin niti ugami dina yimi wata mano kumi'i yiremi, afo iyewa yekantikemi bemi ayi garai uakateyafo? ⁴³ Saimoni waya anona emi semi, mani semi, semi intaunami mini wata mose anona dina marayimi, Jisasi bemi sasamemi, eni intitano ategemi. ⁴⁴ Jisasi wayebemi mini inimi amonemi Saimonimi sasamemi, emi mana inimi amonano. Enamapimi upegaunami emi nomi simi sese ono yanti bu simenami ugami mana inim mano setimi beyanunako sese'emi, afo beya'nontau nakoma arumemi. ⁴⁵ Emi bu simonanami, ugami mana inim manomi seti manomi amonemi. ⁴⁶ Emi welimi mantemi sinokai bu fetikanami, ugami mana inim manomi seti mi avogu muku evam wasavem nako fetikemi. ⁴⁷ Minugai emi sasamu, mana inim mano semi ayigara usikemi bemi nesu kumi urukamifo Kotimi kumiami ugiakemi, afo wata manomo intemo sito kumi rukami Koti kumi arene afo semi sitokai ayi sikatemi. ⁴⁸ Afo Jisasi mini inimi sasamemi semi mani semi, eni kumi'i arauno. ⁴⁹ Watayu'o mini nuramo wagemo benampa yunamo ne'eyoyimi yeyiranti yena'omi sevemi, mana watami iyebe, wata yuyi kumi yiratene? ⁵⁰ Afo Jisasi mini inimi sasamemi semi emi amakuku mano manta soke uakene, arafarunampa bono.