¹ Mana nurami jisasi wata anasi yivima mana naupa ruwantu makemi mana wayami siyimewami, Afo mono naupa amon waita nampa anona, ² Yemi maremi Jisasimi intaemi moni sepayami, senuyami sisimino, Emi iyeni erakaga mamiyanta uwarareve, sirem, intaemo? Iyewa ena minona sirena kanave sa'akene. ³ Yewa yegemi Jisasi yemi yiyime semi, sewai yewa yegei man intaint tewai yigemi yintairare, yigewai semi sisimigo, ⁴ Jonimi mono nom feyikewami, Inarufakena antawafi watamanoni intire. ⁵ Yintaurami yeyiranti yenano'o ami sire antaure semi seyuya bemi manisireya sasamime, miyim avu'awai Goti pakeni siremi, Bemi manisitem, naugaga mini gai yigemi yimam kukum buitege sitene. ⁶ Seyoya seyami, watafa kene siram'mi, wata anasi onamu intafure senuyami sireteye, nayeyare yemi wata anasi intaruka Jonimi mana kasinapa waitami. ⁷ Afo yemi yewayege Jisasimi sasame vemi semi, seyuyami buinta kasuwa'uno iyepake yigenofino. ⁸ Jisasi aka yemi yewayegem siyimi, Mini siotei sewai iyiyinenuno yigemi iyeni erakaga semi mamiyanta uwareve gafuno. ⁹ Jisasi yemi mana faronka waya siyimem semi, mana waita mano mana waini yunam yodem, yodem mini yunami ena waita ayapim demi dafiseno seremi, Bemi me'e iya'ayapa ena magufa ifa iyakai owage'em. ¹⁰ Waini afugewam kanami yimi yuna afoemi mana yogam waita sasakami bemi me'e waini yunakao rafikayikai bemi kanawai kanawai wainimi afugaga nanim afugaga nanim amitene, dafikayikai yami mini yogam waita anene, sasakami fami yewa yegem bem'mi. ¹¹ Waini yuna afoemi ena yogam waita yewayekem sasakami bemi bimafo, yemi bemi enayawai yami aruremi savi uremi sasakami fami yeradem bemi'mi. ¹² Yunan afeomi enayabai kamonegai mano yogam waita sasakami bemi enayawai bem'wai yami aremei, rafitima mapa intatemo mini waini yunapike. ¹³ Minurami waini yuna afoemi semi, semi na'atekafuno,?Simi sesigai sasakano binanifo, semi siyigara evanami, kanawai yemi ben ami intateyafano. ¹⁴ Mini iya'antano yewami amonewam yemi yunakao rafikayimi, yemi yefimi manisemo, mini iyaonti beyafe eni wain yunami bemi maratemino, seyuya bemi aruma fugono, minureya seyuyo mamini waini yunakai afoeyi'ofano, ¹⁵ Mini sirem mini iyaonti refitima kukumapa demi arumati fugemona. Afo yekemi intami nayeyiga yunanano afoemi uyikatinafino mini yogam waitau. ¹⁶ Bemi yemi'mi yemi anakaremi saviuyikatem mini waitaui, uremi mini waini yunami owayegem mantem ena waita amina rafisitem, wata'anasi mini faronka wayami intaremi yemi sepayami, mini yanta minurem iwafawam ino. ¹⁷ Jisasi yimonewa kake yenati mani semi, nayewai mami wayamano mini anuma ami benafino Gotini mano yaufim akan tukami. Mamini onamu mauwarewa yimi manta fasa makami, mini onamuanomi ma'ano konaga makani ugatemino. ¹⁸ Maden wata'anasi mini onamu amuga dufamemi kidivitemo afo mini anamuo mana waita amugao kumemi, mini waita mi arumati saviutatemi masidepa. ¹⁹ Ano anom waita nampa mono naupa anom waitau mini wayami intami yenati simi sefo, miniga mininuram bemi Jisasi fakarara mifo, yemi mini ano anom waita napa mono naupa anom waita wata anasi yago fegemo. ²⁰ Afo ano anom waita napa mono naupa anom waita yemi Jisasimi yugakai makami yeyugakai Jisasimi nowem bage'em. Yemi mana'a waita siyikami muna waita Jisasim afurevemi muna uremi fuga wata yata uremi bemo, makasirami Jisasimi mana'a savisava waya sina intaranti bemo, urem Jisasim maragemi ano anom kiyapa amimi Kotini sasaka goyanti. ²¹ Yemi mana'a waitami Jisasim afuram waita, Jisasim intaemi semi, sisao seyuya inteya amonami emi fuga wayamana sevemi emi wata anasi atekam antamanami yoyivi gewanove, afo emi buwai fegewanave ono yivi makam waita yage. Mente atekam wayaga nakomana nami emi yoyivi gewanane wata anasi Gotini avu awanapa. ²² Afo emi intanomi naugene, kanawai sisami takisimi amete yafo buwe, ²³ Jisasi wafai yenyi imayami rayintem amonemi, Bemi Jisasi yemi yiyimim semi; ²⁴ Yigemi monemi makatei manta sigateke, Amonago iyen orasiba avigai monikai benafino? Yemi Jisasim sasamemi, sisa'am; ²⁵ Jisasi yewayegem siyimemi semi, Yigemi amego sisami naye sisa inta benafi, Goti amego, Nayeyatao Goti intami. ²⁶ Yemi Jisasi makasim waitau mana muna wayami Jisasi pikemi buwai afakemi, yintuafa demo naye anona waya Jisasi simi yiwauti uyagemi yemi. ²⁷ Naemi mana'a mono mapikeno Jisasi wapai yemi yemo, mini akumi yemi savemi wata fukayimi naemi iwai itaviteye sewayimi. ²⁸ Yemi maremati Jisasimi intaemi sevemi, sisa mosemi yaufimi agantukami manisigane, mane afa awa anas makage'em, afo iya onto bumagato fuginami, Ben afa awa fubigin anai marate mino, mantemi iya anti magatemi, Iya anti ben agai watem. ²⁹ Afo mana siyamifo afapake karutawa wapike, ana regeno anasi matemi iya om imakem fugem, ³⁰ Naekeno mini inim mantem bewai iya'om imaganti fugemi. ³¹ Naemi kamorega keno mini inim mantemi, Bewai iya'anti wai maganti fugemi, masidiyu mini inim marakeme mana siyamifo karutawa, manawai iya'anti imaganti fugemono masideyumi. ³² Arafai anasimi bewa mini inimano fugemi. ³³ Fubam waita itavinayom nurami, Anasimi eye anaga watenafina? nayeyare yemi masidimi mini inimi mantu kage'eugane mana siyamifo afapaka karutawa. ³⁴ Jisasi yen yami manisim yewa yegem siyimem semi, mana magagai wata'mano anasi marateye, wata uanemi asikami danami wata maratemino. ³⁵ Afo atekam wata anas Gotini matipike manta itaranami, yemi yewa yekemi nasiyi watiyi buitemono. ³⁶ yemi enayawi ifugetemo, yemi akero giuvitome, nayeyare Gotimi yemi matipike manta itarukamisifo yemi Goti agai watemo ³⁷ Afo mosesi wai seyuyam bai yetivegem semi watame fukananiyi matipike itavemi, mini avu awaka igamo kewami yagai, Bemi mosemi anona semi emi abrahamini Goti mino semi, emi asakini Goti mini semi, emi asakini Goti ne semi, jekopini Goti vesem, ³⁸ Mini senuyami yotivikem semi, Bemi fukayiyi Goti mana waye, Bemi famo wayiyi Goti mino, Goti augakai ifukane maside fami wane. ³⁹ Mana'a ano anom waita lo fim amonagayimi yewa yegemi Jisasim sasami vemi semi, sisao emi avoguremi mini wayami yewayegemi senane; ⁴⁰ Enawai bemi intaira buitemo yemi. ⁴¹ Afo Jisasi yemi siyimevemi semi, Naugaya yemi wata anasi seveyai karaisimi bemi deviti agage seveye. ⁴² Devitimi bena nao semi mono yaufimi sevemi semi, anona manomi seti ano namanonati, Emi sentiyan ugapai kumantono. ⁴³ Semi mata eni namuguyu mata ai amuga mage mage wam kagagi onuno. ⁴⁴ Devitimi avidemi semi karaisi vesemi, anonao, afo itenugano bemi devit agage. ⁴⁵ Minigai wata anasi bemi intewami Jisasi beyi yogam waitau ganti sevemi, ⁴⁶ Yigemi rafima soke ogo ano anom waita monapim wayimi, yemi iya unabado uremi, Afo yemi watau yemanami avogu ana egoyanta watau amanaka ewane, mante anata kagaka anami mano naupa wai, anam kagaka anami anom yunan naka kumatitemo. ⁴⁷ Yemi muna urevemi anasi yen yiwafu fubugam ininayi mai omumarewa, yemi intami eno wai yemi yimonagaya, minugami sefo iyakai rerefaremi namunami sewane, miyiam waitaui anona umati maranayone.