¹ Jisasi Jeriko magufim ofegemi afo aka bemi Jeriko yera remi. ² Mana waita beni avi Sakiasi Jeriko magufim bage'emi. Bemi amuna anene magemi afo bemi takisi marewam watayu yinomi. ³ Bemi Jisasimi amonarare bemi iteyio watawafi, minugamifo amuna wata anasiyu wami, minu gami bemi Jisasim bu amonatem nayeyara bemi aki waita. ⁴ Amaka bemi wata anasiyu bewa ananta bemi, afo mana fiki yafim uremi mente minifike Jisasimi amonara, amaka bemi akafam yevemi. ⁵ Jisasi me'e miniga fawa ruwemi bemi mente mini yafim amonevemi mani semi, "Sakiasio, emi ameure kumono, mage nana nuram ena mapa ena mapim watege." ⁶ Amaka ameurem Sakiasi magafim kuntavemi amofike Jisasimi avimanta remi beya mapi bemi. ⁷ Amaka masidem mini amonare, manisire yisube, "Kumi waita amapim bemi bemi. ⁸ Amaka naupa bami Sakiasi itavem, anona mano nanti mani semi, "Intano, semi seti anene kantimi rayinte'i manapai anene imakayi yimete, afo semi mana wayim muna ami dei afo beni anene mantukate amaka semi yewayege mini anene fo'a yiure ameteu. ⁹ Afo Jisasi bemi mani sirem sasamemi, "Mage mana nurami Kotimi yewyege mana naupake wata anasi yivigemi, nayeyara bewai Abrahami againo. ¹⁰ Afiugam wata anasiyu yifakara wata aga'ano yiga". ¹¹ Wata anasiyu intewam Jisasi ase wapaya afo bemi mana waya yiyimemi, nayeyara bemi Jerusalemi adeka a'i yemi, wata anasi intam a'i adeka Kotini kindomi fawaritem. ¹² Minugami Jisasi semi, "Mana anom waita mana iyapa magufa bemi oravinami bemi kini uakago yanti, naemi owayegem beyi magufim yitemi. ¹³ Amaka bemi birantemi, bemi lo ni'a beyi yogami watayu yararemi mana mana wayi 10 sekeli yimemi, afo bemi mani siremi yiyimemi, yigemi bega mana mini monika bisinisi ewaga, amaka semi owayege yenuno. ¹⁴ Minugamifo beni mana akum benanti ayigara bu yemo, minugami afo yemi mana'a waitayu yiyikapa awakure maro mani sire sasamemo, "Seyuya mana waita senuti kini ino yanti sive sara eveya." ¹⁵ Minugamifo yemi benanti kini ono sirami owayege yiga, afo bemi yarem moni yimidukam yogam waitayu, bemi amo narantem mana mana wayi nade amam moniga uwan tukeyafo. ¹⁶ Mana waita ananta yeravem mani semi, 'Anonao, 50 sikeli simenai bisinisi uwantei 500 sikeli amam moni uwarege. ¹⁷ Afo kini mano mani sirem sasami, 'Emi awogu yogam waita bemi awogu yoga rionami. Emi atekam yogari onami sito anene fim minugami se emi 10 nia ano'na tauni rafi sinonami. ¹⁸ Afo naemi ena waita yemi, mani sewmi, 'Anonao, semi 50 sikeli sime nami bisinisi uwantei 250 sikeli amam moni'i uwan tuka nave. ¹⁹ Afo kini mano mani sirem sasamemi, 'Emi 5 pi'a anona tauni rafi sinonami. ²⁰ Ena yogam waita yeravem mani semi, 'Anona manami eni 50 sikeli bemino, semi wa'do nako ave rave urei anamu urunami wane, ²¹ nayeyara emi eram waita wana'i enago fege'u. Emi enoyi anene mara wano afo eno yo'magam yunami ufe wano'. ²² Afo kini mani sirem sasa memi, 'Emi awogu yogam waita iwa namino, enanao niafimi ko ameteu. Emi itaga semi mana ake waita semi enoyi anene mare buno, afo semi afo semi yunami bu yodu kuna radu we'u. ²³ Nayeyara emi seti moni'i benkifim bu irane, afo owayege ye'i amakai mini nampa moni nampa beni amam moni? ²⁴ Kini mano adeka bam wa waitayu yiyimemi, 'Yigemi mini 50 sikeli bepike mantega, afo yogam waita 500 sikeli amam moni uwan tukayi moni amego'. ²⁵ Afo yemi mani sire bemi sasa memo, 'Kinio mana yogam waita bemi 500sikeli amuna moni'. ²⁶ "' Afo kini ami yewa yegem dam bem mani sirem, semi yigemi yiyimuno, wata yu mana'a anene rukayi semi miniga amuna anene yimete, minu gamifo watayu mana anene imakayi, sato anene yemi rukami semi yomanta fafa date. ²⁷ Yemi mana mini seti namugoyu semi bu ayemo semi yenti rafisiri ono yanti, yigemi yemi yivima mare managa dega amo nawa naga yiruma fugogo."' ²⁸ Amaka Jisasi mana waya siremi, bemi ago yantem Jerusalemi uremi. ²⁹ Jisasi fawaremi adeka Betfeiji wa betani, anuga'o Olivi sire abi rewami, afo beyi kanti yogam waita yiyikemi, ³⁰ afo mani siremi yiyimemi, "Yigeganti me'e madeka maguga bokaro. Amaka yigeganti upe geka, yige ganti amo nanto rami mana aga donki amuga. Anta ugam nanti iyade mare se waunaga mareyi. ³¹ Amaka mana wayi mani siremi yinta ina'i, 'Nau gaga yigemi mana doki manoni nanti uyufege? Mani sire sasame, 'Anona mano mana dokiga yogam ruka.' ³² Jisasi yiyikami afo yeganti bemo, afo yemi amo nemo mini donki manuremi Jisasi yeganti yiyi mini uremi. ³³ Donkimi anta ugam nanti yeganti iya sewami, donki afo'e fawa ruwemi afo mani siremi yintaemi, 'Nau gaya yige kanti domki anta ugam nanti uyu febe kare?" ³⁴ Afo yeganti mani semi, "Mana donki ka anona mano yogam rukane." ³⁵ Afo kam disaipoli kanti mini donki marenta jisasi waka maro rami, afo yemi yenti iya'ana unam bado uyudemi afo donki amuga yau uwi'dami afo Jisasi amuga kumantemi. ³⁶ Donki amuga kumantu wemi bemi bemi, afo wata anasi yenti iya'a una bado uyu demi aka yan uwi semo. ³⁷ Jisasi adeka yemi Olivi anuga kukam ayika, afo masidem anona akum kato watayu yimo yeve afo arama seve afo kotini avi yani emo Jisasi simi amo newami uwa tukam anona yogam. ³⁸ Afo yemi mani semo, "Kotimi asumi amitemi mana kini anona mano avipim yemi' Kotini avi yani'e menta mentapa uru, afa ara yasi amaka Inarufa watem." ³⁹ Mana'a yemi Farisiyu anom waita anansiyu yiwa napa eayi Jisasim mani sirem sasa memo, "Tisao, eyi kato waitayu yiyimina yiwunti uyagago." ⁴⁰ Afo Jisasi yewa yigem yiyi memi yenya mani siremi, "Semi yigem yiyimuno, amaka yemo yen yiwunti uya gatemi, amakai mana onu ano wadi temo." ⁴¹ Jisasi Jerusalemi ora vemi, , bemi ifi ragemi mana tauni yanti. ⁴² Afo mani semi, "Mana nuram amaka yige amone inte anene mano yigem minura'i soke ure wami. Minuga mifo ma mini aneneyu aupa wami afo yige bu amo narukam. ⁴³ Mana nuram fawa ritem, afo eni namugoyu emi kugu urepaya afo emi yaku ure, afo aruvim marem ewa nafa yintemo masidem tauni mano ni awa afike. ⁴⁴ Yemi emi rada re'emi magafim demi enaga nampa ana ka inte. Afo yemi ira temo mana omi ena on amuga, naye yara emi amone inte buyo nami Kotimi emi ofai rantem ugaya.' ⁴⁵ Jisasi monu naupa untavemi wata anasiyu aneneyu mageti ewam yi yiyi kaegem mapa demi. ⁴⁶ Afo bemi mani sirem yiyimemi, "Kotini yau mano manugam baya bemi, seti ma'i agum mukim ma'i, minuga mifo yigemi mante'i umom waitayu yimagi ewamino." ⁴⁷ Masidem nuram Jisasi mono waya mono naupa yiyi mewa. Afo yinom waitayu wa intim waitayu age waya fim wayi afo wata anasiyu yinom waita yu bemi ari rantemo, ⁴⁸ minu gamifo yemi mana ayim bu afa katemo, nayeyara masidem wata anasiyu yimo yewa bemi asina intara.