¹ Mana (yogam imaram nurami) Sabati wayawam Jisasi bemi, bemi maromanti nemi mana intim duka wata anam reugayi nampa, yemi bemi Jisasi kai rarima sokeuga. ² Mana ai'i rukam wata, ai nampa iyami intokara evam bemi Jisasi adekai wage'em. ³ Jisasi yintaem yemi inti ruka wata me'e lofim nampa Farisi manisemi, "Amakagifino gio ewam waita yemo manta sokeite (yogan imara kanani) Sabati gai buve? ⁴ Afo yemi bemi yewayege mana wayami buwa i sasamem, minomi bemi Jisasimi avima maroremi beni ai'i soke uakemi, eami bemi bemina. ⁵ Jisasi yemi manisirem yiyimem, "Iye yigepike iyaorafi beni burama'omi beninta rufamenafi masipim non wananipin kupegananim (yogam imaran nurami) Sabatigai, emi ameurewa rifitima fasai ratene?" ⁶ Yewai iwai yewayege bemi mana waya isasamemo mini wayaga. ⁷ Jisasimi yimone wami yemi wata mana yuna nakai yemono, yemi yema mente ano'anom watayu kumantewa kagakai kumante, Jisasi yemi yo'yivigemi semi mani semi. ⁸ "Mana wata mano emo ararem semi yeno mareti yuna nako sinami, afo emi ameurawa ewa yema kumantono ano'anom watayui kagakai, nayeyare yemi ena ano'anom wata araru kanara onafo mini yunanako. ⁹ Bemi mini wata mano yigekanti yarem yego semi, "Bemi manisirem emi sasamitem, emi mana kagai maiya (enom), mini sinami emi agayeyanti anoka uremi emi yinepai oma kumantino. ¹⁰ Minugafo emo mana wayi eram emi yeno siganami yuna nakai, emi ewai me'e yinepaga kumake wano, 'Bemi emi amonaremi, bemi enanti sasami semi, sifatiwao emi itavewa me'e ananta owam kagaka kumantono. Yemi eno anapa kumante yuna nanayomi yewai emi ano avi amego. ¹¹ Yemi watayu anomi yenao yeyivi manta yanio yimi, Kotimi yenampa yen yivi'i manta yani'item iyewafi emi eyavi manta magafini inoyim emi Kotimi emi ano avi emi sima dateratem. ¹² Jisasimi sasame mini wata bemo arem yema yunami nanosiyim semi, "Emo mana yuna naranto ruwantu ewatemi, emi buwa'i eyi ana'omi arano, eyafa awa mana iwa arano, eyi akum mana iwayerano nesuyanta rukanayim en adeka wana yoyi wage'em naemwa emi ararem, yewai ewai yewayeyigem araremi emwai yunami anonami ametemi. ¹³ Afo emi ano yunam yukeugatemi, yarano ma'e yivi iruka wata anasi famo wam wata anasi, wata anasi yeyiyam karere uganani yarano, wata anasi amo isewayi nampa yemo yagam afaka noyimi. ¹⁴ Minugam wata anasimi eyi yunami yewayege anona bu ametem emi, Eni Koti emi asumi amitemi, Koti bemanami eni yunakai yewayegem amitem, naemi ateke bemo fukam wata anasi mati mati pike itavinayom nuram. ¹⁵ Mini nurami mana wata Jisasi nampa kumakem bemi yuna nevem intemi mini waya sewami, mini wata Jisasi sasame semi manisem, "Yemi wata anasi yemo yunami Kotini naupao nanayomi, yemi yimoyogo!" ¹⁶ Afo bemi Jisasi sasamem semi, mana wata anom yunam ruwanyu evem bemi nesu wata anasi yarem mamini omakai. ¹⁷ Yunam ai yukavimi (ruwantu uvim), bemi beni yogam wata sasaka bemi me'e yemo yararukam wata anasi, maro yiyimemi semi, "yego yigemi, yunami ai kagane (ruwan tumakana).' ¹⁸ Bemi beni yogam wata maro yarami yemi masiden kantano semi seyuya ibotege seve sasame, mana wata mini fake semi, semi mana maga ayaumake oamonarare mini magave, sigeno semi fuga sewano ibonuno. ¹⁹ Ena wata mano sasami semi mana siyam burinaom aya'umakauno yoganto maranuna, siguno seuno, semi ibononu. ²⁰ Ena wata mano semi, mageugam anasi mantukauna ibonuno. ²¹ Mini yogam wata mano beyi anona mano mare masidem waya sasamemi samem, afo ma'afoemi arami kami sasamem mini yogam wata manisem, emi ameure yewa yege bewa taonifa bewa ayika amonanam anene yemi irukam watayu yivige yeno, yemi yiyiyam savi ugam, yemi augam kafakam wata nampa ugam afakam afakano yon watayu. ²² Yogam wata mano yewayegem bemi bemi anonama nosine'em, naemi yemi mare sasamem semi, anona mano'o, naye emi ayewami senanto mi'nono senami, semi ai uwarauno, afo mai bu itukane. ²³ Beni anona mano beyi yogam sasami semi, emi yewayege bewa ano ayika napa ami taoni mano mapa eraure aramasina naupai yego, upegana seti mai itugano. ²⁴ Fuga sire semi sege enanti, yemi semi yarei semi yema nago yunami yemi bunare amonanayom seti yunam. ²⁵ Nesu wata anasi bewami Jisasi nampa, Jisasi wayebemi siyime yenanti manisem. ²⁶ Mana wata sewanu nafa yitemi, bemi ben afoe anoe nampai buwakai nanukoyi ono en ana'ano eyaga'ano, ayafa'awa wa, ayaunana nampa eyi namugo emi fami wanona kanafim. ²⁷ Afo emi wata mano eyi kekaya emo mantare semi isiwakuremi, emi seti yogam wata iwano. ²⁸ Mana wayi yigepike,, watayu yimao uwarara ayewa kana nemi bena rafisino mana anenegai, anantai bemi kumakem benai intinti uwanta sokeino na'de moniga mini mana'arana nika meyami umara mini maikepatene. ²⁹ Bumo mini uremi, bemi simiti mana magaga darem mai uwanta buwa kipemi, madem watyu mine mao amoneve awayi itemo. ³⁰ Afo mani semo, mamini wata manomi agoyantemi mai uwaremifo afo mai uwanta ikiparuka. ³¹ Mana kimano ena kinampa maro aruvira, afo bemi kumakem intinti uwanta anantai soke urem. Bemi siyikam tausen aruvum wata makem yemi kana uremi ena kini mano sigam siyikam tausen aruvim waita makayi nampa aruvite a'a buwafi? ³² Afo kanai uganai, mini ami yui neka wana bem ameurem nai ami serana mea ayapa oravinana yeganti yira iyoureya buwa yiruvogo. ³³ Minu gafo, manawayi yigepike imo mana'a yanta yera irukemi beyinta yantagui. ³⁴ Jisasi enayabai semi, Bunti avogu yanta ino, afo mini buntano asea buvemi, iteneurena beyi asea yewa yegana maratene? ³⁵ Miyiom bunti isokei ugem mana magagai, bewai manafimi iyitem manafim burima'om aranampa. Yemi mini bunti rauma intafogo. Wata mano agagami rukatemi manini wayami intano.