¹ Jisasimi waya simakiparemi, afo mana baitayu anomi Jisasi awa uyika madem Kariri waitayu, Pailoti aruvim baitayu yiyime yiruma fugogo afo yemo Gotikao asumio aminayo nuram, afo naremo wayinayo asumi,i. ² Jisasimi yewayegemi yenyami mini siruka, yigemi intami ma mini yui Galili waita yugafi, fukamifo yemi anona kumi,i ruka, Galili waita anasi wai yakaka minugami yemi mini uma marewa. ³ Bumifo semi yikemi yiyime wauna, afo yigemo yigeyi kumio sima bu fawareo siguno busite ote, yigemi masidemi ma mini baita yata urei fuginago. ⁴ Ai madem siyakanti eitia siloami baita anasi, mine kantana mano yen yimuga fafasemi yiruma fuduka, afo yigemi intami fuka kumi baita anasi Jerusalemi waita yua yakagenafi. ⁵ Fuga ugami bumina semi yikemi yiyimeu, minugamifo yigemo kumio sima bu faware siguno busite ote yigewai fuginago. ⁶ Jisasimi mana amam waya siruka manugam, mana waita mano mana yami yoduka beyi waini yunapimi naemi yemi afakaka mini yamanoni yunami, minugamifo semi buamoneu manami. ⁷ Minugami bemi yogam waita yui manisire yiyimemi, intago, semi kanta manawayi kai yerave afakauna yamanoni yunami, semi manawa buamonau. Akefarami fafasemi kumemi naukakana bena makai wasavemi kipevina benavi. ⁸ Yunapim yogewam waita manisiremi ami siga ena mana ikawa bagana amonarewao. Semi makaudei mamini ya anu safurayuyi arami ranu. ⁹ Afo naemi amonafo yunama iratenafi, afo aboguga itenafi mini buyemo, semi akefama danu. ¹⁰ Sabati nirami Jisasimi bata anasimi ami yimewa mana naupai. ¹¹ Mana asika wami bemi savi uka ayomi benampa wa mini savi ayo manomi ai,i amemi amaka eitinia ikai. Afo minimi agon yuyapa rademi, afo bemi bumi atedem itavem. ¹² Afo Jisasimi amonami mini asikami, bemi aremi adekai yeravemi manisiga, asikomano ai eni ai,i kipa akauno. ¹³ Jisasimi ayami mini asika ake dewami ame uremi itama ategevemi Gotini avi,i yaniemi. Minugamifo ¹⁴ mono ma,ano anomwaita asuwewa, Jisasimi ai ewa asikami ateakakami Sabati inta kana,a. Minimi anom waita mano masidemi wata anasi yiyimemi manisiga, kana,a wane mana siyam avapake manami yogan nurami bane. Afo minimo mini waita yuo yiyikeyi,i minurama ateyika, afo mini nuramana yego wade yigemi buyego Sabati nuram. ¹⁵ Anonamano beyami minisire sasamiduka, yigemi muna waita yuge! Yigemi buwa safuramano nanti uyudeka nomi nakoyara yivike bebike Sabati nurami? ¹⁶ Ma mini asikami Abrahami araumi minugamifo wananomano kalabusi urami Eitinia ikai bage,emi afo semo mini kalabusimo manta fasadaranti semi amaka buminono Sabati nurami. ¹⁷ Jisasimi ma mini wayami yewayegem yiyimi duka, masidem beni namugoyu yika yemi uka. Afo maside wata anasimi fukayimo yuka masidemi awogu anene yuana uwantuka. ¹⁸ Jisasimi enawa ami manisiruka, Gotini magumi naye anene wafi, afo semi naurega ma mini yanti amam baya sireka yikatenu. ¹⁹ Semi minuga mana kefo aga anoni yunananta yami, yemi manisiremi avidewa mastedimi mana waita mano beyi yunapimi. Afo mini yami anonayimi nunuano yeyimai mente mini ya amantim uwarewa. ²⁰ Afo Jisasimi enawa ami manisiruka semi naye aneneka ukade amam baya sireka yikatenu Gotini mararui. ²¹ Bemi yisi yantuka mana asikamano mantemi farawanampai bayedami naemi mini farawa anomi intokewa. ²² Afo Jisasimi Jerusaremi bemi afo bemino yeravemi tauniyupipa waka maguyu Jerusaremi bewa ayika bemi kepavemi yemi yiyimewa. ²³ Manawayim minisuremi ami sasamiduka anonao Gotimi yividukami kefoa akum waita anasi wafi ai? ²⁴ Yigemi erantana ure urogo kefo onta ayipimi nayeyarafi semi yikemi yiyimewano nesu ano urirarewa minugamifo yemi amaka buyurinayo. ²⁵ Jisasimi enayawai ami mini siruka, mini namo ma afoemo itavemo ma ontami uyakatemi yigemi mapai itare bei ontami arevei manisinago Anonao, Anonao e,aranaya seyui naupa urofano minugamifo bemi manisiremi wayami yiyimemi yigemi semi amone inte buyu kauno wafi yigenyi magumi buamonakau. ²⁶ Afo yigemi mini sirei sinago, seyui enampai yunami nomine eyamu emi semi sekati,ekona mana maguyui. ²⁷ Minugamifo ma afoe mani siremi yewayegemi ami minisinani semi yigemi yiyimenu, semi bu amonakau yigemi ite magufikeno ve? Yigemi savi waitayu yikemi yera sirebo! ²⁸ Jisasimi ami enawa ana siruka yikemi ifidakeve,i yige yiwayami nanago mini nurami yikemi amonago Arahami, Aisakimi, Jecopimi maside parofeteyu Gotini magufimi. Minugamifo yigen yantino, yigemi yiyikama mapai dai mapai banago. ²⁹ Masidem waita anasi madepake yitemo, me,e afu unte wapake afu kupe gapake, me,e notikewa, sauti kewa ye kumantinayo yuna naka Gotini magufimi. ³⁰ Ma intago madem waia nasi enafao yemi mata anritemo wata ansimo a,nariugayimi intaitemo. ³¹ Afo Jisasimi asima kiparemi mana,a Farisiyu yerave Jisasi nanti mani siruka, Emi mana magu yerare bono, nayeyarafi Herotimi emi arira sewa. ³² Afo Jisasimi manisiga, yigemi bega mini savi afa iyami mini sire sasamego,intano, semi savi sava aiyoyui fasa marege deve,i yio rukam wata ansi ateyikewau magewa sagenawa, afo kantawa mana wanuram sesi yoganti kipanu. ³³ Minugamifo semi bemwanami magewa saganmba mera nuramba, nayeyarafi, yemi bu aruma fugogo enamagu fakena Profetimi bube yemi bemi Jerusaremi ana aruma fugo. ³⁴ Jerusaremio, Jerusaremio, emi Parofeti yugana yiruma fugewanave, afo eni yogam waitayu yivigewana Gotimo ramo ewanafa yewami onamu intafuremo yirewami bemi amaka yiruma nesuyai nurami semi yigemi fuka siyirei manta manafim madem waita nasi darare anoe kokorimo akafaunta manta ayapimo dewa afo semi busiyewami semo mino noyanti. ³⁵ Amona yigenyi magumi manta saviurami manta fayanta uvitemi semi atedei yigenanti ami sewau yigemi amaka semi busimonanago yigemi manisinago, Gotimi avogu uyikanana mini waitamo yinanimi anonamano avipi.