¹ Porimi Jisasini kato waita bem, kotini ayika wayi.Semi Koti ami awakure bayim bem kotini atekam watanasi Efesesi bayim yemo yimakukumi Jisasipim erarure dukam. ² Awa awa nampa arafaru Koti senu tifo'e nampa ano'na Jisasi yige nampa bano. ³ Seyuya Kotin avi yani ofano, senutifo'e nampa senu'yani anona Jisasi. Bemi madem avogu asumi inarufakena simiduka senuti au iyaonti ofa inoya yi simiduka . ⁴ Senui Kotimi ai ugamaka beni wata anasiyi ofranoyanti Kraisipim Mana nom maga bufawarugam.Koti ugamaka atekeya beya mana sayeke buofano Kotin augaka. ⁵ Koti senuyam aiyigara uremi senuya sividukam, bemi senu ugamaka ben agagi ofanoya Jisasini yoganako.Koti beyi avogu intinako. ⁶ Mini anta yanti Kotin avi yani ofano beni awa awa nampa beni awogu anta senuya usikaga. Mini antaami Jisasi avipim uwantuka, bemo aiyigara ewan aga. ⁷ Jisasini nare nako, Kotimi senuyami aya urem senuyani kumi siruka.Bemi mi'nuruka, nayeyara, Kotini awa awa itukara uga. ⁸ Beyi awa awa ima'depa kugufarem simiduka masidem avogu anta nampa avogu intinti senuyam simidduka. ⁹ Koti beyi aupa intinti senuka manta fawaruka.Beyi ayika mini anta uwatuka Jisasimo yoganto kekayaga mantuka yotividuka. ¹⁰ Wafai intinti uwantukage'emi bemi ma'dem yanta manta ruwantu iratem,inarufata bam yanta nampa magafim bam yanta,Kraisimi madem yantaguka i yinoni uga. ¹¹ Koti senuyami uyamaka wafa Kraisinako.Bemi wafa intaruka bemo naye aneneo uwarananimi beyi ayika. ¹² Koti mini anta uwarami wantana wanti reya Jisasipim simakukum ewafau. ¹³ Yigemi enowai fuga waya intago, mini bayami Jisasimo yige yividuka mini avogu waya. Yigemi a'i Kraisipim yimakukum omi ayo aga nako ugamaka, minimino beni kaga waya. ¹⁴ Ayo manomi ate'dem senuya sigatiruka. Ma'dem yantai marateyamu Kotimo kaga waya sigam. mini anene yu'o senuka fa'warimi ben avi yani ofa. ¹⁵ Mini antaga'i ananta'i mini waya inteu yigenti yimakukumo Jisasipim Koti beyanti ugamaka, ¹⁶ Seti sigaumukintim saum ba ire koti nanti susu siakeve yigenantose omare inte. ¹⁷ Semi ma'nisire sigaumukevau, Koti senuti Jisasini ano'na, Mamini yifo'e mano beyi ano'na oka bayi, bemi au iyaonti yigemi yimi beyi au'iyaontanoni awogu intinti nampa avogu bam nampa madem yanta, naye yigekai fawaritenafi. ¹⁸ Manisire sigau mukeve'i yirapikena yigaumi riyino, yigemi omare intago naye Koti senu uwanyikenafi. Semi sigaumukeve omare awogu anene yanti inte Koti kagadurem yimira siga anene watanasi beyara ugadukayi. ¹⁹ Semi ma'ni sire sigaumukeve yigemi omare intago beni ano'na eranti ano'na ugami senu iye iye beka omare simakuku ewafuno. Ma mini Kotini eranti senuyaka erarurem yogewa . ²⁰ Miyiom eranti feyapai kraisipim yoduka. Koti bemi manta itaruka fugim magufike itavimi avigem maro inarufa magufim ayan ugapa kumantuga. ²¹ Bemi Kraisimi manta yaniuga ena yinom waita yimuga duka. Ena dafisim waita nampa eran dukam a'nene nampa ena savi awamu mente yanafa bam, yivi bam anene rafisewayim. Kraisi masidem anenega yi'nom waita yi uga mage ba i'naem ba batem. ²² Kotimi maside a'nene Kraisi afim duka minurem mono ma'ano a'noniuga maside yantaguka rafika. ²³ Mi'nugami seyuyami Kraisi aumi beyamu, masidem anenefi bemi itukarauga.Masidem wata anasifim ituka.