¹ Emi feyapa eyi savi kumi antafim fubugana. ² Mini savi kumi antafim mana magaga wafa bage'e uga. Yigemo konakawa mana maga rafikam savi awamu anoni yogantim baya buyintewa. ³ Wafa masidem seyuyami mini watanasi nampa wage'eya, mini savi awamuanoni savi antamanoni intika, savi intiru senu su ayewam antami awakureve yam. Feyapakena au'ara nampa intiru awakurewafu. Ena inimwaita nampa mana bari uge be'ya Kotini aran anene marari uge'ya. ⁴ Mi'nugami Koti awa awa nampa beni ano ayinti itukemise senu ayigara ewa. ⁵ Seyuya wafa fukasuwau kumipim, bemi Jisasipim senu manta itaremi--beyi awa awa nako senu saumi simemi. ⁶ Kotini senu'i Jisasi nampa manta itaruka. Koti senu'i kumantuskemi inaru maguga Jisasi nampa, ⁷ Afo i'naemo yinani kanami bemi senu'i yigatinani watanasi yigatirantem beni ano'na agun anene usikaka. Nayeyara senu mantem Jisasi nampa manafim duka. ⁸ kotini awa awapim fa-bemi yimakukur oyi yividuka. Mini atami yige na'o i'yuwantuka, Kotini awogu anene. ⁹ Mantuka yogantike buyigamise mana bayi bey avi yani buyitem. ¹⁰ Nayeyara, Koti senu mante auwen inimwaitayi uremi Jisasi nampa dukami awogu anta mana ofa. Mini anta wafa Koti sesa urem dukem mini anta nampa bofano. ¹¹ Omare intago , feyapa yige ena akum bage'e uga. Yuda waitayu. Yenyu "karamise" yemi yividare semi yu "akefago" Yigenti mana bunami wata ayanako bu yuwantuka. ¹² Mini nurami yigemi Jisasi a'dekake neka wa, yimonama ena waita gege Israili inim waitayu uga, Koti ugadam waitayu yimonama enoyi uga, Kotini age bayagake neka wa, yemi Kotipim amakagi buyuga mana magaga. ¹³ Magemi Jisasipimi Koti adekake yigemi neka wami Koti Jisasini nare nako yivigem beyade yiga. ¹⁴ Anona bemi senuti arafaru wa. Bemi kanti manta manayi uga. Beyaunako wananoni kugu aruma ravintiruka Senuose dayintukapike. ¹⁵ Minifike Bemi age waya aruma romudemi afo beyamaka mana auwem waita uwaremi bepike; minurami arafaru fawaremi. ¹⁶ Jisasi watanasi Kotipim ruwantuemi, Jisasi beyi kekayaga matem Koti nampa manafini uyikemi. Maside namugo antayu kekayaga aruma fuduka. ¹⁷ Jisasini yintano arafaru mare sima ama'emi watanasi Kotipike neka wayi nampa adeka wayi. ¹⁸ Jisasipim seyuya masidem Koti adeka yema manafini oteya beni aiyo agapim. ¹⁹ Afo magemi yige Juda inim waitayu'i, yige ena fake watanasi buwane. Yigemi Koti ugadami Koti ama'pike ateka watanasi wane. ²⁰ Yigemi Koti amaganta ure uwatuka, mini ma'ano Kotini eraka itagami kasnampa waitayu waya siyimewa, Jisasimi benao ake era posi. ²¹ Bepim mana masidem ma'i upeka mana magi ure'ya manafim Kotini mono'ma ganta itama erarofa. ²² Bepim manami masidem senu manafim uwantamo aiyo aga anoni ma ganta Koti minifim bantemi