¹ Seyuya soke ure orave ya, senu inte amone o'suna mini ailani manoni avi'i malta ve . ² Wata anasi mini magufikemi yirai simidemi avogu waya senu nampa seve i'gami aganta sikemo, nayeyara ano ai ruremi magu iyonti ruga. ³ Ugami, Polimi asan iga yu ruwantu remi agaremi, igamanoni koko imi mana mema mano yeravemi Polimi ayami ukaemi. ⁴ Mini maufike watayu amonami mini mema mano Poli ayaka a'radem igem wam, yeyiwanapa se inte emo. Mana waitami,watayu yiruma fuege wam waitami ,ugami bu nopimi bu fugemi, ugami age waya mano ifa aram fa bu watemi. ⁵ Ugami fo, memami maregem igafimi rami bu fugemi. ⁶ Wata anasi abe,e'vem be amonara au mano koko inami rufame fugitemi. Iyaka bemi amone wami mana'a anene bu fawaremi, yemi manta intiti waye demi yemi semi,mini watami mana Kotimi watemi. ⁷ Mini ayapai adekai mana'a magami wami, mini magami, mini magami yinom wata manoni ilanimi, ben avi'i publiusi, bemi seyuyami avogu waya nampa sivi gami 3a wayawami seyuyami rafisemi. ⁸ Mini nurami publiusi afoemi ai emi au iga gami, ara' ai' imi polimo bemo ayam bekaremi augam muku akami, be mi asofemi. ⁹ Mini anepai masiden wata anasi mini ailani fikemi iyemo yi o rukayi Poli ka yemi augam muku yikami soke'emo. ¹⁰ Wata anasi seyuyami anon sivi'i simemo ao biranti, yemi burukafuna anena seyuyam sofaemo. ¹¹ Kamore biyo anepai, mana sipimi mareya Aleksendra yera reya beyamo fu mini sipimi minifai wage'emi magumo iyontori kanafim Aleksendra sipimi kanti muna kotini amami anoka rukage'emi. ¹² Naemi sirakusi taonifim yema kepeya, kamore a wayawami wage'eya. ¹³ Mini ayapai sipi mareya oma fawareya anona taoni Regiumi'i. Mana wayawam anekai siyan ugapakena uvamano itavemi. Kam wayawam mana seyuya oma fawareya anona taoni Puteoli'i. ¹⁴ Mini ayapa'i mana'a afa awa yifakeya yemi seyuya sitaemi 7 nia wayawam yenampa wafano yanti. Mini ayipakemi Romu'i beya mofau. ¹⁵ Naemi afa awami,senuti waya itaremi yemo seyuya simonarati yemi. Maketiga yeravemo Apiusi nu kamore Taveni. Poli afa awa yimonaremi Kotini susu siakemi miniyimi ben arai manta ake' uakemi. ¹⁶ Romu yerawofu nami, yemi Polimi benana omi arami aruvim watayu iyemo beka rafisinayom. ¹⁷ Kamore wayawam yakagami, Polimi rafisiru yarami Judayu yiwanapakem yema ruwantuemo. Yemi yema ruwantu'o mi, Poli manisiremi yiyimem,. ''Afawao, semi mana sayeke anta watanasi yuka bu uwareve, sinofo ni anta bu uwareveou fuga ugane. Minugami semi fa kugam pike Jeruslemike Romuni ayaka mare re'ye. ¹⁸ Yemi sintauga aneka, yemi semi sirana vira se'wam, yemi bu sirinayomi, nayera semi mana sayeke bu uwarveou. . ¹⁹ Ugami, Judayu rifisiru yira faru bu mantuka Romu yuyi intiti ranti, minugami semi sisami intaeve yerare ko'ka virare, ugami semi muna mana wayami sesi maguyanti bu sira. ²⁰ Naye seti anta intimi yerade ko'ka sirare, emi amoneve ea nampa ami sirere, minimi Israeli yu amakukuka semi kuwevemi. ²¹ Afo yemi mamsire bemi sasamemo, ''seyuya mana afunti Judake bu mare yiga, mana afa awa senu ara bu akemo. ²² Ugami,seyuya en ofeke naye intito mini amakukuka rukanami,ugami,seyuya inte amohe uga maside ayapa mini yanti aruvim wayami mini waya yanti sevemo. ²³ Yemo kanami amemo, nesu waita anasimi bemi wakai yemo, afo Polimi Kotimi waya yiyimemi. Jisasimi nesu waya,wa Mosesini age waya nampa profetiyu, ni wayami, mana'a bemi amakuku bu emo. ²⁴ Mana'ami Polini waya intaremi yima kuku emo, afo mana'a mi yimakuku bu emo. ²⁵ Yemi yena'o mana yiraka bu ve ye, naiemi mana waya Polimi sirami yerare bemo.Minimi minugami ayo aga Aisayapimi sima fawarugami ,sino sifo kanaga. ²⁶ Mani siremi siruka, ''emi bewa mini wata anasi yu maro yiyime, 'Emi intano, wayamano ami'i bu intama soke buinayo emi amonano nami fo amonama soke buino.''' ²⁷ Naye yarafi, mini wata anasi yira'ano uyakami,yagamano bu intara ewa yugam uyagemo naye yarafi,yemi bu amonara ewa,yeraremo amonevemo itavemo wayamo irantemi,orare seka yeraviga semi yemi manta soke uyika. ²⁸ Mini anta yanti yigemi intama manogo, Kotimi beyi waya remi yeraremi avigemi wata mi bemi ena wata anasi yemi intatemo. ²⁹ ( Buagaremo) 30 Polimi ka kirimasikai mapimi benana'o aya uruka pimi, bemi aremi wata anasi yu bemo wapai yemo. ^{30 31} Bemi Kotini kanagunefim waya yiyimeve anona Jisasini a wa, mana waitamano bu uyagatem.