¹ Wayami yemi antaurem sem magemi seyuya sipi mareya Itari'i bofa, yemi Porinampa mana'a karabusi waitayu a nanta aruvim watayuyi rafisintanoni ayapim maro remi ben avi'i Juriasi. ² Seyuya raunteyare mana sipifim Adramitium magugakena, nopimi sadagem Esia nonanapa bem ,miniya bunonanapa kuka .Aristakusimi bemi Tesaronaika ba Masadonia keno wa bewa senu nampa yiga. ³ Ena nuram ` seyuya Sitomi anom magufim oma kepeya, mini ayapai Juriasimi awogu uakemi Porimi aram beni agantayu oma yimonarem yepikem ofaim mararaem . ⁴ Mini ayapa'i seyuya agoyanteya nopimi beya yakueya non anapa Saiprusi airanifim . Nayeyarafi susuwa mano eran yiri emi . ⁵ Seyuya nonamuga beya Sisiriawa Pamfiriawa nonanapa ,seyuyami yeya Maira aveyupa mana Risiakena inomagu. ⁶ Mini ayapai mana sipi ananta waita afakem mana Areksendria kena sipi mano Itari biraewam . Afo bemi seyuyami eayami rauntareya mini sipifim ureya . ⁷ Sada sada eya, anona yoganampa nesu wayawami yakagami naemi ureyami Snatusi adeka , susuwa mano mini ayim uyagemi , miniyami seyuyami Kritiyu aupa ayim anapa me,e mini Saramoni aveyupa ⁸ Seyuya birante inoniure anuyogeya nonanapa beya mi awakureya beya mana maguga Fea Hevens , mana inomagu Rasea adeka . ⁹ Seyuya aya kana mareya wafaunami Judayu yunamo aventaewam kana yakagemi, minimi magemi bunomano anoniure karantoem bintim . Minimi Pori rafisego waya yiyimem . ¹⁰ Watayuge, semi amonaunami amo bira osiwaunami, nesu umanti mareyami afiofanu, ontawa sipi yarase, seyuya watayubaganti sem . ¹¹ Ugami ananta dafisim waita mano masidem beyarai sipi dafisim waitagawa sipi afoekawa remi Pori sim waya intamasokeure buintem . ¹² Nayeyare sipi manoni birisimi umanti afakemi susuwa kanagai kepemi, ugami nesu sipi rafisim waita yu semi, seyuya amaka bu kepafanu, fa bebeya amaka inom magu Fonikisi ofawaruveya aveosuwanam susuwa yakaga . Mini mana samana birisi Kriti'i bemi amonegem ayan epa afau untewapa ayan ugapa afau kupegewapa demi. ¹³ Ayan ugapakena uwa mano sada sada yewam , sipi rafisinti intinti awakuntemi ukumi daure remi awakurem Kriti nonanapa bem . ¹⁴ Naemi aki kanafimi, mana eran susuwa,, avi'i demi ayan epakem, erar uremi kumemi seyuyani airanifim. ¹⁵ Sipi umanti afakemi susuwanampa yakagaremi bubinaniuga, seyuya uwaga rafisewasuwanam ,sipi fawage emi . ¹⁶ Seyuya beyami awakureya mana ayofagam magu, sito airanifim avi'i Kauta'i, mini umar awanapim seyuyami erarureya sito sipi antaeyare . ¹⁷ Sito sipi yaniugami, afo beni nakai sipimi kuyemo. Yemi fegemono seyuyamose Sitisi onamugai bewane semo, minimi sipi ukumi bunopim dami kumimi nonamuga bageuga . ¹⁸ Susuwa wa a'ano senuyami marem saviuraya ena nurami agoyante ontami bunopim intafuruka . ¹⁹ Kamore nurakai sipi manoni anenemi bunopa intafemo. ²⁰ Afaumanoya ofumano faka bu fawarimi inarufa amaka nesu nurami uwamano wa a'anowa seyuya sivekem , ugami ake ofaim intiti seyuyapikem kepemi, mana ayim mana seyuyami sipi yerareya bofa . ²¹ Yunam bunanti ayaka fawami , Pori yiwanapim itavemi semi, watayuge, semi yiyimei Kriti wago sege, sunaofo setami buintami yeya mofo. Miniyami sayeke mareya afiri eya. ²² Minugami semi yigemi eram waya nampa intinti eraruyikarare .Nayeyare mana aumi senupikem bu afi inoyare .Amaka sipimana afi ino. ²³ Nura ayufumi mana Kotini ankero ano semo mono siakewauna, beni ankero ano setidekai itavemi. ²⁴ Semi, Pori, emi bu fegano , emi Sisani augaka maro itave, amona, Kotimi beyi awa awai eka agatemi masidem watanasi enampa nowayi. ²⁵ Minugafo afa awa, yigemi akeurega itavogo, nayeyare semi Koti kai simakukun evege , minem bemi sisikayimi uremi fawarinanine . ²⁶ Ugafo seyuya siramagafa mente mana'a airanifa. ²⁷ Seyuyamo 14 ni'a ayufumo, susuwamano seyuya sivekama maro Atriatiki bunoka oma fawareya . ,Ayufun awanapimi sipifim yogam waitayu intemi magemi maga adekai yeraveyare. ²⁸ Nanti mantemi nomanomose kupegam , aya'ami amonami 40 mitamino sitoka oravem afakami 30 mita uga . ²⁹ Yemi fegeye minem sipi mano omi famininananti , minugami 4'a ukumi rem kumemi sipi asika uremi yugaumukeye ameurem sagagananti . ³⁰ Sipimanoni yogam waitayu ami afakeye sipi yerare uya viranteye, minugami sito sipiyu dami kumemi bunopimi, afo yemi munaure semi ankayu'i bunopimi itafeyare. ³¹ Ugami Porimi ananta rafisim waitayu siyimem manisem watayuo sipifimi famo wami, yigenao yofainti bumaranagom . ³² Minugami aruvim waitayuano nanti akefarami kanumano bunopim buga . ³³ Sagarantenim adeka , Pori masidem waita yintaem sem mana'a yunami marago.Bemi semi ,magemi 14nia nurami rafiseveya yunamba buneyare , mana yunamba bu neyamofu. ³⁴ Minugami semi yigemi yintaege mana'a yunami mantega yigena'o yofaurega wago.Imo mana yigenyi yinonyau mugitem. ³⁵ Mini siremi, sigoni mantemi Kotika sususiremi maside yigauka. Afo bemi sigoni kidiremi agoyarem nemi. ³⁶ Inaemi masideyu akei yirakakewa yenti intikakewa maremi naruka . ³⁷ Seyuya 276 waitami mini sipifim wage'eya. ³⁸ A,i namante eram mantaremi , sigoniyu bunopimi raure intafuremi sipimi umam burino yanti. ³⁹ Sagagami magami amonama soke buyuga , ugamifo mana ayapa nonanapa bam amoneye , afo intirui ruwanture sem ,yemi amaka sipimi ririfanami uritem . ⁴⁰ Minugami ankayuyi nanti akefarami bunopa kumemi. Mae rada manoni nantawa iyadami orasi marege susuwa yigapa remi nonanapa bem. ⁴¹ Imifo Sipi mano oka oma agefemi non awanapim sipi maro anuyoge,em minimi bunomi sipini itagam ya mare aruma romuruka . ⁴² Aruvim waitayu waya antauremi karabusiyu'i yiriranteye nayeyare nopimi yerade bu uyaogo yanti. ⁴³ Ugami ananta rafisintano ofairantene Porimi , ugami yenti intiranti a,ao sem , afo watayu yiyimemi iyemo nonagosade bunopim rauntave nonagosadewa magafa bono. ⁴⁴ Masidem mana'a waitayu yiwakuritemo, mana'a fa faraka bitemo, mana'ami fa sipi manoni anenega bitemo. Mini ayimi, masideyu avogu uremi magaga buga .