¹ Yera yira faunami, sipi mareya atedeya anom magu Kosi beyamofu , aka enas wayawami ena anona magu, Rodesi beyamofu minifake ena magu Patara beyamofu. ² Me'eminifa'i mana sipi afakeya mofu mana ayapa Foinisia biranti, mini sipifim daunteyamofu beyamofu. ³ Amona faunami sito ailani Saiprus'i neka wayimi. Waye deya siyan ugapa beya mofau anona magu Taiya orave yamofau, naye yarafi sipifim bayimi mana'a onta anta manta fasa demi anona magu Taiya biranti naye yare sipifim bayi yeyi onta anta yu marege fasada ranti. ⁴ Naemi, mana'a disaipoli yu yifakeya, minifai 7 nia wayawami wage eya mofau. Mini disaipoli yu'i Polimi sasamemi semi Gotini awamu ano yiyimemi semi Polimi buwa kumino Jerusalemi. ⁵ Mini fa'o wasi wauna wayawam mose kipayami, yera deya bofa nuna fa beyamofau, anasi iya'o nampa yera beya yera anom magu deyamofau, efau yaufimi sigon dadareya sugam muke yam. ⁶ Sesiranti wa'awane sireya buge yige eyamofau. Naemi sipifim daunta veya yenyimapa beyamofau. ⁷ Sesi binto agoyanteya Taiyake yeye Tolemasi yeya mofau sifa tiwa minifa wayi nampa simo waya seveya mana wa'awami yenampa wage'eya mofau. ⁸ Ena wanurami mini magu yera deya Sisariya oraveya ,mofau. Filipi amaka'i oraveya bemi Gotimi waya sewayimi, bemi yepike manawayimi benampa waye efaunomi. ⁹ Mini watamanomi 4 'a muna asikayuano dukage'emi iyewafa aupa'o wata yu nampa o wavewayimi sima faware wayi. ¹⁰ Minifa'i fa wa siwaunami mana'a'a wayawami mana forofeti ben avi'i Akabusi, bemi Judia'i kumemi. ¹¹ Seyuya wafaunaga yeravimi Polini letimi yemaremi. Mini leti mantemi be aiga ayaka antata umagemi semi, AYO AGA ANO semi Jerusalemi wam Juda yu'i mana leti afoemi antata uremi eno yiyapimi datemi. ¹² Miniga yanta ganti inteyami, seyuya nampa mini magufikena wata anasi nampa Polimi intaeya eram waya seya Jerusalemi'i buwa urono. ¹³ Ugami Polimi anona waya semi, yigemi naega se tira'i dawanta rega semi ifipa'i manta sikege? Fugaugamifo semi yowarure'i bau Jerusalemi'i aupemi fugonuna Jisasi anonamano avika'i. ¹⁴ Afo Polimi awesara emi bemi sima fakafonu yanti, miniyami ifadeya enawa bu inta eya seya mi anom Anona mano ayinti fawarino. ¹⁵ Naemi mana'a wayawami yakagami kago mantareya Jerusalemi oma fawareya. ¹⁶ Mana'a disaipoli yu'i Sisarea kemi semyu nampa bemi mana wata Saiprusi kemi be'u avi'i, Nasoni, mana disaipoli wage emi senu ya nampa yemi,be nampa bafano yanti. ¹⁷ Jerusalemi yerabo siwaunami, mini fa wan afa awa yimo yim waya siremi avogu yira nampa sivige upegemo. ¹⁸ Ena wayawami Polimi senu nampa bemi Jemisi wapa'i, maside anoi anom watayu'i mini fa'i wami. ¹⁹ Amo yim waya siyikaremi naemi sima fawaremi mana mana yanta'o Gotimo ena aku yiwanapa'o uwaremi beyi yoganto yogapimi. ²⁰ Mini waya intemi, Goti avi yani emo, bemi mani sire sasamemo, afa awa yimona, made wata anasi wa yima kuku Juda yu yiwanapa masideyu erauremi Mosesini lo mi awakuremo. ²¹ Mana'a akumano eni ayapa manisiruka,emi Juda wata anasi eno yiwanapa wayi yemi bu Mosesini lo mi bu awakurogo. Aka semi emi yiyimemi afonita agagu bu akefago, feyan antayu bu awakuriogo. ²² Nayeyiga oterare? Yemo intayamo manafa a'o yigaganami manafa'i. ²³ Nayemo intana famina yiga urewa sofa ono. Seyuya 4 a wata duka siwauna ake waya simaka. ²⁴ Yibige mini 4 a wata nampaga bono masiden anta inagomi Anona augaka'i soke inano masidem yinom yaumi akefa. Minimo itemi wata anasi ufemi semi naye mo sasamemi, mini wayami yewa'i intemi semi lo mi awakurewano wata mo no sitemino. ²⁵ Enafakem watanasi Jisasika yimakukun ewanu, afauntim agante'ya wafa anta uruka baya yu rafuna buga. Ma'nisire'ya yiyime'ya, muna kotika neka bago ,beni nare nampa monko antayuka. ²⁶ Poli watayu yivigem ena nurami be mante beyi kumigu aremi mono 'mapim bemi yiyimem naye kanaga mana mana bayi ofa ure kumi yiratenafi mini bayayu oma yiyimem. ²⁷ 7 nia nura kipara imi Juda yu Asia yerave amonami Poli mono mapom bami, watanasi yu yira mante itarami Poli asuvu akemi, ka ure ma'ni siga , ²⁸ "Yige Israili watanasi, senu sofa ogo. Mana waita mano ma'depa novem watanasi yu yiyimevem senu nampa Mosesini lo mante savi evem. Mini anapa Griki yu yivigem mono naupa yefegemi mana magu mante savi emi. ²⁹ Wafa Trofimusi Efesesi waita bere anom magifim bami amonarukemi, Poli avige mono naupa ukemino intiri uga. ³⁰ Ma'de watanasi mini baya intare yimoyure yema uyuge be Poli falare rifite mono'ma mapa yerare onta yu uruka. ³¹ Arira ewami, mini bayami Romi yu i ofisa a'nari ugayim intami ma'de Jerusalemi fakena watanasi yisubo yirubo ewane . ³² Ame'urem soldia yu nampa ofisa yu yivigevem soldia yu yima yerarem watanasi wapa kumem. Juda yu amonami a'nari ugam ofisa soldia yu nampa kumimi amonare bu arom ifadam buga. ³³ A'nari ugam ofisa yeravem Poli yema ayafaemi beni soldia yu nanti sem kam seni nako anta ogo sirem yintaem bemi iyena bena naye anta urukene. ³⁴ Amuna watanasi uyuge wapim mana'a wa'dure ena ana baya yu siga. Amuna noisi omi yenti ano'na a'nari ugayim mini baya manoni anta buyintem beni soldia yu nanti sem Poli avige naupa urogo. ³⁵ Leta ana urimi watanasi amonare amuna baya simi soldia avige uka. ³⁶ Amuna wata nasi yi'nepa yiwakure beve wa'do buga, "Aruma fugogo." ³⁷ Poli avige naupa irira ewami yenti anon nanti sem, "amakaga ere ami sitegafo?" Anom intaemi Griki waya seveve? ³⁸ Semi intaunami emi kefo Isipifakem wafa aruvim mante gavmani yu nampa itare 4000 nia waita yivigem wata iwam magufim buga. ³⁹ Poli yiyimemi, "semi Juda waita be'i tasusi anom magufimi Cilisia. Seti magumi anon avi dukem. Emi intaege amakaga mana inim waita yuka ami site gafo simi, ⁴⁰ eyo simi Poli itavem ayan nako imi maside yu kepavimi ami Hibru waya nako yiyimem sem,